ភ្នំពេញ៖ អគ្គីភ័យមួយបានឆាបឆេះយ៉ាងសន្ធោសន្ទៅនៅឃ្លាំងឡឥដ្ឋមួយកន្លែងបង្កឲ្យមានការភ្ញាក់ផ្អើលដល់ប្រជាពលរដ្ឋដែលនៅក្បែរនិងសមត្ថកិច្ចហៅរថយន្តពន្លត់អគ្គីភ័យមកចុះអន្តរាគមន៍ទាំងកណ្តាលយប់ កាលពីវេលាម៉ោង២៣និង១០នាទីយប់ ថ្ងៃទី១៧ ខែឧសភា ឆ្នាំ២០១៥នៅចំណុចឥដ្ឋមួយកន្លែង តាមបណ្តោយផ្លូវជាតិលេខ៦A ភូមិក្តីចាស់ សង្កាត់បាក់ខែង ខណ្ឌជ្រោយចង្វា ។
តាមសាក្សីនៅកន្លែងកើតហេតុបានឲ្យថា មុនពេលកើតហេតុគេបានឃើញភ្លើងបានឆាបឆេះគំនអស់ដែលនៅខាងមុខឡ ដែលក្នុងឡនោះកំពុងដុតកំដៅឥដ្ឋនៅខាងក្នុង បន្ទាប់មកក៏បានឆេះកាន់តែខ្លាំងដោយសារតែគ្មាននរណានៅជិត ខណៈកំពុងឆេះក៏បានកម្មករម្នាក់ដែលវេនគាត់យាមតែដោយសារតែគាត់ងងុយហើយក៏បានដេកមួយភាំងនោះពេលគាត់ដឹងខ្លួន ដោយបំរុងនិងឡើងមកបោះអស់បន្ថែមដើម្បីចំហុយឥដ្ឋនោះ ក៏ស្រាប់តែឃើញដូចនោះ ទើបស្រែកឆោឡោឡើងបង្កឲ្យមានការភ្ញាក់ផ្អើលដល់កម្មរដែលនៅក្បែរនាំគ្នាយកទឹកមកជេះនិងនាក់ខ្លេះទាញ់ទុយោមកបាញ់ពន្លត់ តែដោយសារតែស្ថានភាពអគ្គីភ័យខ្លាំងខ្លាពេលទើបរាយការណ៍ទៅសម្ថកិច្ចហៅរថយន្តពន្លត់អគ្គីភ័យមកអន្តរាគមន៍តែម្តង។
សមត្ថកិច្ចបានឲ្យដឹងថា ក្នុងករណីអគ្គីភ័យឆាបឆេះខាងលើនេះរថយន្តពន្លត់អគ្គីភ័យចំនួន១០គ្រឿង មកអន្តរាគមន៍ ក្នុងនោះរថយន្តពន្លត់អគ្គីភ័យរបស់អធិការដ្ឋាននគរបាលខណ្ឌជ្រោយចង្វារចំនួន២គ្រឿង និងរថយន្តរបស់ស្នងការដ្ឋាននគរបាលរាជធានីភ្នំពេញចំនួន៨គ្រឿង(តូច១គ្រឿង) បានប្រើប្រាស់ទាំងអស់ ទើបអគ្គីភ័យបានរលត់ទៅវិញក្នុងរយះពេល១ម៉ោងក្រោយ។
សមត្ថកិច្ចបានបន្តថា ឃ្លាំងចំហុយឥដ្ឋខាងលើត្រូវបានគេស្គាល ម្ចាស់ឈ្មោះ លីថុល ភេទប្រុស អាយុប្រហែល៤០ឆ្នាំ ។
សមត្ថកិច្ចបានបន្តទៀតថា ទាក់ទិននិងគ្រោះអគ្គីភ័យនេះបណ្តាលមកពីកំដៅដែលដុតនៅខាងក្នុងខ្លាំងពេកហើយបានធ្លាក់ភ្លើងចំគំនរអុសដែលនៅខាងមុខឡទើបបង្កឲ្យឆាបឆេះបែកនេះ ៕