កំពង់ឆ្នាំង៖ដើម្បីអបអរទិវាកីឡាអត្តពលកម្មពិភពលោកទី២០( ថ្ងៃទី០៩ . ១០ ឧសភា ) នៅព្រឹកថ្ងៃទី២៤ខែឧសភា ឆ្នាំ២០១៥ សហពន្ធ័កីឡាខ្មែរអត្តពលកម្មស្មគ្រ័ចិត្ត បានដឹកនាំរៀបចំការប្រកួតកីឡាសិស្សបឋ មសិក្សា និងមធ្យមសិក្សានៅក្នុងកីឡាដ្ឋានខេត្ត ស្ថិតនៅក្នុងភូមិ
ធម្មយុត្តិ សង្កាត់ប្អេរ ក្រុងកំពង់ឆ្នាំង ក្រោ មអធិ បតីភាពឯឧត្តម ប៊ុន សុខ ទីប្រឹក្សារាជរដ្ឋាភិបាល និងជាប្រធានសហពន្ធ័កីឡាខ្មែរអត្តពលកម្មស្មគ្រ័ ចិត្ត ដោយមានកីឡាករ កីឡាការិនីមកពីសាលាឋមសិក្សា២កន្លែង និងមកពីវិទ្យាល័យ និងអនុវិទ្យាល័យ៥កន្លែងចូលរួមប្រកួតកីឡាអត្តពលកម្មដណ្តើមយកជ័យជំនៈប្រចាំខេត្ត។
លោក ប៉ែន វុទ្ធី អគ្គលេខាធិការសហពន្ធ័កីឡាខ្មែរអត្តពលកម្មស្មគ្រ័ចិត្ត បានថ្លែងអោយដឹងថា៖នៅក្នុងពិធីប្រកួតកីឡាអត្តពលកម្មអបអរទិវាកីឡាអត្តពលកម្មពិភពលោកទី២០ នៅព្រឹកថ្ងៃទី២៤ ខែឧសភា ឆ្នាំ២០១៥ ក្នុងខេត្តកំពង់ឆ្នាំងពេលនេះ កីឡាករ កីឡាករិនី មកចូលរួមប្រកួតមមានសិស្សសាលាបឋ មសិក្សាគំរូក្រុង និងបឋមសិក្សាស្មែត (ស្រុករលាប្អៀរ) វិទ្យាល័យសុរាម្រឹត វិទ្យាល័យប៊ុនរ៉ានី ហ៊ុនសែ ន រលាប្អៀរត្បូង វិទ្យាល័យហ៊ុនសែនកំពង់លែង អនុវិទ្យាល័យគីរីសុវណ្ណវង្ស និងអនុវិទ្យាល័យព្រះធាតុ។
ចំណែកវិញ្ញាសារប្រកួតរួមមាន៖វិញ្ញាសាររត់១០០០មនារី , រត់២០០០ម យុវជន , រត់បណ្តាក់៥០ម គុណនិង៤ នារី និងយុវជន , រត់បណ្តាក់ ៤០០ ម នារី , រត់បណ្តាក់ ៨០០ម យុវជន និងចោលស្នរ នារីនិងយុវជន ដែលវិញ្ញាសារប្រកួតទាំអស់នេះបានប្រើថេរៈវេលា២ម៉ោងនិង៣០នាទីទើបបានបញ្ចប់។
ឯកឧត្តម ប៊ុន សុខ ជាប្រធានសហពន្ធ័កីឡាខ្មែរអត្តពលកម្មស្មគ្រ័ចិត្ត បានមានប្រសាសន៍អោយដឹងថា៖នៅក្នុងឆ្នាំ២០២៣កម្ពុជា នឹងធ្វើជាម្ចាស់ផ្ទះនៃការប្រកួតកីឡាស៊ីហ្គែមអត្តជាតិ។ដែលខាងមុខនេះប្រទេសចិនសន្យាជួយថវិកាចំនួន១០០លានដុល្លាសំរាប់កសាងកីឡាដ្ឋានថ្មីមួយអោយកម្ពុជា។
ឯកឧត្តមបានថ្លែងទៅកាន់ក្រុមកីឡាករ កីឡាការិនីថា៖កីឡាគឺជាការពង្រឹងកាយសម្បទាអោយបានម៉ាំមួន ទាំងបញ្ញា ស្មារតី និងការរៀនសូត្រ កីឡាគឺជាការវាស់ស្ទង់សមត្ថភាព និងបច្ចេកទេស ដើម្បីដណ្តើមជ័យជំនះអោយខ្លួន ក្រុមរបស់ខ្លួន សាលាខ្លួន ស្រុកក្រុងខ្លួន ខេត្តរបស់ខ្លួន និងប្រទេសរបស់ខ្លួន។
កីឡាផ្តើមចេញដំបូងពីកុមារបឋមសិក្សា មធ្យមសិក្សា បន្ទាប់មកគឺឧត្តមសិក្សា និងជាកីឡាថ្នាក់ជាតិ។កន្លងមកនេះកីឡាកម្ពុជាយើង ត្រូវបានអន្តរជាតិទទួលស្គាល់ ដែលនេះគឺបានមកពីការខិតខំប្រឹងប្រែងរបស់យើង របស់ក្រសួង របស់សហពន្ធ័កីឡា និងរបស់ប្រមុខរាជរដ្ឋាភិបាលនៃយើង។
នៅឆ្នាំមុនៗការប្រារពទិវាកីឡាអត្តពលកម្មពិភពលោកដូចនេះ គឺបានធ្វើនៅតែក្នុងទីក្រុងភ្នំពេញតែឥឡូវនេះមានការផ្លាស់ប្តូរមកធ្វើតាមខេត្តវិញ ដើម្បីអោយកីឡាករ កីឡាការិនីយើងនៅថ្នាក់ខេត្ត ថ្នាក់ស្រុកយល់ដឹង និងចូលរួមលើកស្ទួយវិស័យកីឡាអោយមានការរីកចំរើនឡើង ជាក់ស្តែងកីឡាសិស្សនៅក្នុងខេត្តកំពង់ឆ្នាំង កន្លងមកទៅប្រកួតនៅថ្នាក់ជាតិបានទទួលមេដាយមាស ជាច្រើនគ្រឿង និងទទួលបានចំណាត់ថ្នាក់លេខមួយនៅថ្នាក់ជាតិថែមទៀតផង។
ឯកឧត្តម ប៊ុន សុខ បានថ្លែងអំណរគុណដល់មន្ទីរអប់រំខេត្ត លោកគ្រូអ្នកគ្រូ និងកីឡាករ កីឡាការិនីទាំងអស់ និងអាជ្ញាធរខេត្ត ដែលគាំទ្រនិងចូលរួមលើកតម្កើងវិស័យកីឡារបស់ជាតិយើង និងសំណូមពរត្រូវខិតខំជាបន្តទៀត ដើម្បីទទួលបានជោគជ័យក្នុងការប្រកួតកីឡាស៊ីហ្គែមឆ្នាំ២០២៣នៅក្នុងប្រទេសកម្ពូជារបស់យើង។នៅក្នុងឱកាសនោះដែរ ឯកឧត្តមបានប្រគល់រង្វាន់លើកទឹកចិត្តផងដែរ ដល់កីឡាករ កីឡាការិនីដែលទទួលបានចំណាត់ថ្នាក់លេខ១ លេខ២ និងលេខ៣គ្រប់សាលានិងវិទ្យាល័យទាំងអស់៕
