សៀមរាបៈ ដោយមានការយកចិត្តទុកដាក់ពីសំណាក់ថ្នាក់ដឹកនាំ ខេត្តសៀមរាប និងតំណាងរាស្ត្រមណ្ឌលសៀមរាប បានជម្រុញឲ្យទឹកដីឃុំកំពង់ឃ្លាំង ដែលស្ថិតនៅប៉ែកខាងទន្លេសាប ក្នុងស្រុកសូទ្រនិគម ខេត្តសៀមរាប កាន់តែមាន ភាពល្អស្រស់ត្រកាល និងជាមន្តស្នេហ៍សម្រាប់តំបន់ទេសចរណ៍ដ៏ល្អប្រណិត មិនតែប៉ុណ្ណោះឃុំកំពង់ឃ្លាំងអាចទាក់ ទាញភ្ញៀវទេសចរណ៍ រាប់សិបម៉ឺននាក់ឲ្យចូលមកទស្សនា ដែលមានទិដ្ឋភាពគួរឲ្យចាប់អារម្មណ៍យ៉ាងខ្លាំងចំពោះការ រស់នៅរបស់ប្រជាពលរដ្ឋ ស្ថិតនៅពាក់កណ្តាលគោក ពាក់កណ្តាលទឹក ។
ទិដ្ឋភាពដែលគួរអោយគយគន់ នូវការដំរងជីវិតប្រចាំថ្ងៃ និងប្រកបមុខរបរជាអ្នកនេសាទ ក្នុងឃុំកំពង់ឃ្លាំង គេសង្កេត ឃើញលំនៅដ្ឋានរបស់ប្រជាពលរដ្ឋដែលរស់នៅ តំបន់នេះ មានភាពខុសប្លែកពីប្រជាពលរដ្ឋដែលរស់នៅប៉ែកខាងលើ ដោយផ្ទះនៅមួយត្រូវបានសាងសង់ឡើង តំម្រូវនូវទឹកទន្លេសាប ដែលមានកម្ពស់ដល់ទៅ៦ម៉ែត្រ ទៅ៨ម៉ែត្រនៅរដូវ ប្រាំងសំឡឹងមើលផ្ទះ ទៅគួរអោយមានអារម្មណ៍ខ្លាច តែសម្រាប់រដូវវស្សាទឹកទន្លេបាន ឡើងស្នើរនឹងរ៉ុតផ្ទះ ។
លោក ហូវ សាវី ប្រធានសហគមន៍ ទេសចរណ៍ បានឲ្យដឹងថា ប្រជាពលរដ្ឋនៅទីនេះ រស់នៅបានសុខសប្បាយនិងមាន សុវត្តិភាពល្អ ដោយសារខិតខំប្រឹងប្រែងរបស់ អាជ្ញាធរ ឃុំ ប៉ូលិស ប៉េអ៊ឹម រួមសហការគ្នា លុបបំបាត់ការប្រព្រឹត្ត បទល្មើសនានា នៅក្នុងមូលដ្ឋាន មិនតែប៉ុណ្ណោះត្រូវបានអភិវឌ្ឍន៍ ផ្លូវថ្នល់និងរៀបចំការណូតសម្រាប់ស្វាគមន៍ ភ្ញៀវ ទេសចរណ៍ ជាតិនិងអន្តរជាតិ ឲ្យមានបង្គន់អាម័យ អាវពោង និងចរាចណ៍ផ្លូវមានសុវត្តិភាពជូនភ្ញៀវទេសចរណ៍ មិនតែប៉ុណ្ណោះ ឯកឧត្តម វណ្ណ វិសាល មេបញ្ជាការកងរថពាថដែក សម្តេចតេជោ កន្លងមក
ធ្លាប់រស់នៅជាស្រុកកំណើតនៅកំពង់ឃ្លាំង ឯកឧត្តម បានជួយជីកស្រះ៥ ជូនប្រជាពលរដ្ឋ ដើម្បីឲ្យប្រជាពលរដ្ឋប្រើប្រាស់ទឹកដោយសារតែនៅ ឃុំកំពង់ឃ្លាំងនេះខែប្រាំងខ្វះខាតទឹកខ្លាំងណាស់ ពុំអាចនិងជីកអណ្តូងបានទេ ក្នុងនោះដែរប្រជាពលរដ្ឋមានសេចក្តីត្រេត អរយ៉ាងខ្លាំងចំពោះសណ្តានចិត្តរបស់ឯកឧត្តម បានសន្យាសាងសង់ស្ពានដែលមានប្រវែង៣៣ម ទទឹង៥ ម ធ្វើអំពីដែកម៉ាឡេ ជូនប្រជាពលរដ្ឋ ធ្វើដំណើរឆ្លងកាត់ ដែលមានប្រជាពលរដ្ឋ ចំនួន១០ភូមិ ក្នុងឃុំកំពង់ឃ្លាំង ខណៈនេះ កំពុងតែចាក់ដីពង្រៀបក្បាលស្ពានសងខាង ដោយសារតែស្ពានឈើបច្ចុប្បន្នមានសភាពចាស់ឌ្រុឌទ្រម បាក់បែក។
ប្រជាពលរដ្ឋមានចិត្តសប្បាយរីករាយយ៉ាងក្រៃលែង ចំពោះអំណោយដ៏ថ្លៃថ្លារបស់ ឯកឧត្តក វណ្ណ វិសាល ដែលបានធ្វើបុណ្យដាក់ទានជូនប្រជាពលរដ្ឋ បានផឹកទឹកស្អាត បានដើរឆ្លងកាត់ស្ពាន ព្រមទាំងបានកសាងព្រះវិហារកំពង់ឃ្លាំង ធ្វើឲ្យប្រជាពលរដ្ឋ មិនអាចបំភ្លេចនូវគុណបំណាច់បានទេ ។ ដោយ ប៊ុន រដ្ឋា 
