បន្ទាយមានជ័យ ៖ ផ្ទះប្រជាពលរដ្ឋមួយខ្នងដែលរងគ្រោះដោយសារខ្យល់កន្ត្រាក់កាលពីដើសប្តាហ៍នេះត្រូវបានកំលាំងអាវុធហត្ថខេត្តបន្ទាយមានជ័យដឹកនាំដោយលោក ស៊ុន សម្បត្តិ មេបញ្ជាការរងកងរាជអាវុធហត្ថខេត្ត និងជាតំណាងឯកឧត្ដម ឱ បូរិន្ទ មេបញ្ជាការកងរាជអាវុធហត្ថខេត្តបន្ទាយមានជ័យ ជួយជួសជុលសាងសង់ឡើងវិញ កាលពីថ្ងៃទី០២ មិថុនា ២០១៥ ។លោក ស៊ុន សម្បត្តិ បានអោយដឹងថា ក្នុងបេសកកម្មនេះលោកបានដឹកនាំកំលាំងអាវុធហត្ថ ទាំងក្រុមការងារស្រុក-ឃុំ ចុះជួយជួសជុលផ្ទះមួយខ្នងរបស់ ឈ្មោះ ភាន សារិន ភេទ ប្រុស អាយុ ៥៨ឆ្នាំ និងប្រពន្ធ ឈ្មោះ ខុម ស្រី អាយុ ៥៧ឆ្នាំ ដែលបានរងគ្រោះថ្នាក់ដោយខ្យល់កន្ត្រាក់កាលពីយប់ថ្ងៃទី១ មិថុនា ២០១៥កន្លងមកនេះ ស្ថិតនៅភូមិស្រះរាំង ឃុំស្រះរាំង ស្រុកមង្គលបូរី ខេត្តបន្ទាយមានជ័យ ។ ហើយជាមួយនិងការជួសជុលនេះដែរឯកឧត្ដម ឱ បូរិន្ទ និងក្រុមការងារខេត្តបានជួយឧប្បត្ថម្ភជាសម្ភារៈមួយចំនួនរួមមានៈ ឈើផ្លាន ៥×៥ ប្រវែង៨ម៉ែត្រចំនួន៧ដើម ស័ង្កសីប្រវែង២ម៉ែត្រចំនួន២៤សន្លឹក ដែកគោលមួយចំនួន សរុបជាថវិកាអស់ចំនួន ៨០៩.៥០០រៀល(ប្រាំបីសែនប្រាំបួនពាន់ប្រាំរយរៀល)។
លោកបន្តថា ដោយមានការគិតគូរយកចិត្តទុកដាក់ពីថ្នាក់ដឹកនាំនាពេលបច្ចុប្បន្ន គ្រប់ប្រជាពលរដ្ឋដែលជួបការលំបាក ឬគ្រោះថ្នាក់ដោយប្រការណាមួយអង្គភាពអាវុធហត្ថ និងក្រុមការងារ មិនយកភ្នែកមើលនោះទេ គឺតែងចុះជួយដោយមិនថាគណៈបក្សនយោបាយណាឡើយ ៕