កំពង់ឆ្នាំង៖ ប្រជាពលរដ្ឋចំនួន៤៩គ្រួសារដែលបានរងគ្រោះរលំផ្ទះ ទ្រេតផ្ទះ និងប៉ើងដំបូល ជញ្ជាំងផ្ទះនៅក្នុងស្រុកបរិបូណ៌ បានទទួលអំណោយមនុស្សធម៌ពីសម្តេចចៅហ្វាវាំងគង់សំអុលអនុប្រធានអចិន្ត្រៃយ៍នៃគណៈកម្មាធិការកណ្តាលកាកបាទក្រហមកម្ពុជា នៅព្រឹកថ្ងៃទី០៦ ខែមិថុនា ឆ្នាំ២០១៥ ដែលបានប្រារព្ធពិធីនេះធ្វើឡើង នៅក្នុងភូមិក្រោលជី ឃុំពពេល ស្រុកបរិបូណ៌ខេត្តកំពង់ឆ្នាំង។លោក ឃួនសៅរុំ ប្រធានសាខាកាកបាទក្រហមកម្ពុជាស្រុកបរិបូណ៌បានរាយការណ៍ថា៖ កាលពីល្ងាចម៉ោង៦និង៣០នាទី ថ្ងៃទី០៣ ខែមិថុនាឆ្នាំ២០១៥មាន ភ្លៀង ព្យុះខ្យល់កន្ទាក់មួយមេធំបានធ្វើអោយផ្ទះចំនួន៤៩ខ្នង របស់ប្រជាពលរដ្ឋនៅឃុំ៣មានឃុំពន្លៃ ឃុំពពេលនិងឃុំអញ្ចាញរូងក្នុងស្រុកបរិបូណ៌បានរងការខូចខាតក្នុងនោះផ្ទះរងការខូចខាតរលំដល់ដីចំនួន០៤ខ្នង របើកដំបូល និងទ្រេត៤៥ខ្នង។ឯកឧត្តមឈួរច័ន្ទឌឿនប្រធានកិត្តិយសគណៈកម្មាធិការសាខាកាកបាទក្រហមខេត្តបានមានប្រសាសន៍អោយដឹងថា៖អំណោយមនុស្សធម៌របស់កាកបាទក្រហមកម្ពុជា ក្នុងពេលនេះគ្រួសារជនរងគ្រោះទាំង៤៩គ្រួសារ ក្នុង១គ្រួសារទទួលបានៈ អង្ករ៣០គក្រ មីម៉ាៗ១កេះ ត្រីខ១០កំប៉ុងឃីត១កញ្ចប់
( មាន មុង១ ភួយ១ សារុង១ ក្រម៉ា១ ) ដោយឡែក៤គ្រួសារដែលរងគ្រោះរលំផ្ទះដល់ដីមានអំណោយបន្ថែមក្នុង១គ្រួសារៗ តង់កៅស៊ូ១ និងស័ង្កសី២៥សន្លឹក។សម្តេចចៅហ្វាវាំងគង់សំអុលបានឧបត្ថម្ភថវិកាដល់គ្រួសាររងគ្រោះរលំផ្ទះដល់ដីចំនួន៤គ្រួសារ១គ្រួសារៗទទួល
បានថវិកា២០ម៉ឺនរៀលនិងគ្រួសាររងគ្រោះរបើកដំបូលនិងទ្រេត៤៥គ្រួសារទទួលបានក្នុងមួយគ្រួសារចំនួន១០ម៉ឺនរៀល។លោកឧកញ៉ាថៃប៊ុនឡុងក៏បានឧបត្ថម្ភថវិកាដល់គ្រួសាររងគ្រោះ៤៩គ្រួសារក្នុងមួយគ្រួសារ១ម៉ឺនរៀលក្រៅពីនេះមានសប្បុរសជនបានជួយឧបត្ថម្ភទឹកសុទ្ធនំប៉័ងដល់គ្រួសាររងគ្រោះផងដែរ។ សម្តេចចៅហ្វាវាំងគង់សំអុលអនុប្រធានអចិន្ត្រៃយ៍នៃគណៈកម្មាធិការកណ្តាលកាកបាទក្រហមកម្ពុជា កាកបាទក្រហមកម្ពុជាបានមានប្រសាសន៍ដោយ ពាំនាំនូវប្រសាសន៍ផ្តាំផ្ញើសាកសួរសុខទុក្ខពីសំណាក់ សម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន សម្តេច តែងតែខ្វាយខ្វល់ជានិច្ចចំពោះប្រជាពលរដ្ឋរងគ្រោះគ្រប់ទីកន្លែង សុខទុក្ខរបស់ប្រជាពលរដ្ឋរងគ្រោះទាំងអស់ គឺជាសុខទុក្ខរបស់សម្តេច ហើយសម្តេចកិត្តិព្រឹទ្ធបណ្ឌិតប្រធានកាកបាទក្រហមកម្ពុជា តែងតែផ្តល់អំណោយមនុស្សធម៌ជូនជនរងគ្រោះគ្រប់ទីកន្លែង ដោយមិនប្រកាន់ពូជសាសន៍ និងនិន្នាការនយោបាយឡើយ។សម្តេចចៅហ្វាវាំងគង់សំអុលបានផ្តាំផ្ញើដល់ប្រជាពលរដ្ឋទាំងអស់ថា៖ សូមថែទាំសុខភាពអោយបានល្អ ត្រូវហូបចុកស្អាត រស់នៅស្អាតមានអនាម័យល្អ បុរសៗមិនត្រូវហូបចុកស្រវឹងប្រើអំពើហឹង្សាក្នុងគ្រួសារ ត្រូវគិតគូរពីសុវត្តិភាពជាចម្បង ទប់ស្កាត់និងបង្កាគ្រោះមហន្តរាយដោយធម្មជាតិ ដូចជាខ្យល់ព្យុះ ទឹកជំនន់ គ្រោះអគ្គីភ័យ គ្រោះថ្នាក់ចរាចរណ៍ជាដើមដែលក្នុង១ថ្ងៃៗ គ្រោះថ្នាក់ចរាចរណ៍ធ្វើអោយមនុស្សស្លាប់ និងរបួសធ្ងន់ស្រាលមានជារៀងរាល់ថៃ្ង។ កុំហូបទឹកទន្លេឆៅ ត្រូវប្រើធុងចំរោះ ឬដាំទឹកអោយឆ្អិន ត្រូវឧស្សាហ៍ព្យាយាមដាំដុះដំណាំរួមផ្សំ កុំទុកដីជុំវិញផ្ទះអោយនៅទំនេរដើម្បីផ្គត់ផ្គង់ជីវភាពរស់នៅអោយបានមានជីវភាពធូរធាកាត់បន្ថយបានភាពក្រីក្រនិងបង្កើនប្រាក់ចំណូលក្នុងគ្រួសារ៕