របស់អាជីវករនៅស្តង់បុរីកីឡា ត្រូវបានរងការខូចខាតទ្វារផ្នែកខាងមុខ ដោយសារតែរថ យន្ដម៉ាស្ដារ១គ្រឿង បានបើកបុកពេញទំហឹង កាលពីវេលាម៉ោង០២នឹង៤០នាទី យប់ឈានចូលថ្ងៃទី ០៦ ខែមិថុនា ឆ្នាំ២០១៥ តាមបណ្ដោយផ្លូវបេតុង ស្ថិតក្នុងសង្កាត់វាលវង់ ខណ្ឌ៧មករា ។
តាមប្រភពព័ត៌មានពីសាក្សី នៅជិតកន្លែងកើតហេតុ បានអោយដឹងថា នៅមុនពេលកើតហេតុ គេបានឃើញ មានរថយន្ដ១គ្រឿង ម៉ាកម៉ាស្ដារ ពណ៍សរ ពាក់ស្លាកលេខ ខម០9 2-2626 បើកបរដោយនារីម្នាក់ នឹងរួមដំណើរជា មួយបុរស់ម្នាក់ តាមបណ្ដោយផ្លូវបេតុង ទិសដៅពីត្បូងទៅជើង ក្នុងល្បឿនលឿន លុះមកដល់ចំនុចកើតហេតុ ក៏រេចង្កូតទៅខាងឆ្វេងដៃ ជ្រុលទៅបុកតូបលក់របស់អាជីវករពេញទំហឹង បណ្ដាលអោយរងការខូចខាត តូបចំនួន២តូប នឹងរថ យន្ដរងការខូចខាតផ្នែកខាងមុខ តែសំណាងល្អ មិនបណ្ដាលអោយមាននរណាម្នាក់ រងរបួសនោះទេ ។
ក្រោយកើតហេតុ នារីដែលជាអ្នកបើកបរ បានបើកទ្វាររថយន្ដចុះគេចខ្លួនបាត់ ទុកបុរស់ដែលរួមដំណើរជាមួយនៅនឹងកន្លែងកើតហេតុ ។ ប្រភពដដែលបានបន្តថា ក្រោយមកគេក៏ឃើញមានដំណាងខាងរថយន្ដ បានមកធ្វើការចរចារជាមួយតំណាងផ្សារ ដោយព្រមសងថ្លៃការជួសជុលតូប ចំនួន៥០០$ដូល្លា ដើម្បីបញ្ចប់រឿងនៅនឹងកន្លែងកើតហេតុ ។ ចំនែករថយន្ដត្រូវបានម្ចាស់ហៅរថយន្ដស្ទូច មកស្ទូចយកទៅជួសជុលដោយខ្លូនឯង ៕