ភ្នំពេញ៖ ហេតុការណ៍គ្រឿងថ្នាក់ចរណ៍មួយ បង្កឡើងដោយសារតែរថយន្ត២គ្រឿង បានបុកតកន្ទុយគ្នាបណ្តាលឲ្យរងការខូចខាតទាំងសងខាង កាលពីវេលាម៉ោង២២និង២៥នាទីយប់ ថ្ងៃទី៧ ខែមិថុនា ឆ្នាំ២០១៥ នៅចំណុចផ្លូវលេខ១៥៤ កែងផ្លូវលេខនរោត្តមន៍ ស្ថិតក្នុងសង្កាត់ផ្សារចាស់ ខណ្ឌដូនពេញ ។
តាមសាក្សីនៅកន្លែងកើតហេតុ បានឲ្យដឹងថា មុនពេលកកើតហេតុ គេបានឃើញរថយន្តម៉ាកសាំយុង ពណ៌ស ពាក់ស្លាកលេខ ភ្នំពេញ 2V-9521 ធ្វើដំណើរតាមបណ្តោយផ្លូវនរោត្តមន៍ ក្នុងទិសដៅពីត្បូងទៅជើង ខណៈមកដល់ចំណុចកើតហេតុ ដោយជាន់ហ្វ្រាំងឈប់ចាំស្តុប ភ្លាមនោះស្រាប់តែ មានរថយន្តមួយគ្រឿងទៀត ម៉ាកម៉ែកសឺដេស ពណ៌ស បើកបរដោយបុរសម្នាក់ និងមានប្រុសស្រី២នាក់ទៀត ធ្វើដំណើរជាមួយ បានមកបុកពីក្រោយ បណ្តាលឲ្យរងការខូចខាតផ្នែកខាងមុខយ៉ាងដំណំ ចំណែករថយន្តសាំយុង រងការខូចខាតផ្នែងខាងក្រោយបន្តិចបន្ទូច ។
