បុរស់ម្នាក់ស្រវឹងស្រា បើករថយន្ដតាកូម៉ា១គ្រឿង ក្នុងល្បឿនលឿន រេចង្កូតទៅបុកបង្គោលភ្លើងបំភ្លឺផ្លូវ នឹងបំពង់ទឹក បណ្ដាលអោយរងការខូចខាត ។ ដែលហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង០៣ នឹង១៥នាទីយប់ ឈានចូលថ្ងៃទី០៦ ខែមិថុនា ឆ្នាំ២០១៥ តាមបណ្ដោយផ្លូវលេខ២១៧ ស្ថិតក្នុងសង្កាត់ ផ្សារអូឬស្សីទី៣ ខណ្ឌ៧មករា ។យោងតាមប្រភពព័ត៌មាននៅជិតកន្លែងកើតហេតុ បានអោយដឹងថា នៅមុនពេលកើតហេតុ គេបានឃើញមាន រថយន្ដ១គ្រឿង ម៉ាកតាកូម៉ា ពណ៍ស្លែរ ពាក់ស្លាកលេខភ្នំពេញ 2N-6150 បើកបរដោយបុរស់ម្នាក់ ស្ថិតក្នុងស្ថានភាពស្រវឹង ក្នុងល្បឿនយ៉ាងលឿន ធ្វើដំណើរតាមបណ្ដោយផ្លូវលេខ២១៧ ទិសដៅពីកើតទៅលិច លុះមកដល់ចំនុចកើត ហេតុ ក៏រេចង្កូតមកខាងស្ដាំដៃ បុកបង្គោលភ្លើងបំភ្លឺផ្លូវ រងការខូចខាតចំនួន១ដើម ហើយរថយន្ដបានខ្ទៀតទៅបុក នឹងបំពង់ទឹក បណ្ដាលអោយបាក់ រងការខូចខាត នឹងរថយន្ដខូចខាតផ្នែកខាងមុខ បន្តដំណើរទៅមុខលែងរួចតែម្ដង។
ប្រភពដដែលបានបន្តថា ក្រោយកើតហេតុ កំលាំងសម្ថតកិច្ចមូលដ្ឋាន បានចុះទៅដល់កន្លែងកើតហេតុ នឹង ឃាត់ម្ចាស់រថយន្ដបានភ្លាមៗនៅនឹងកន្លែង ។
ក្រោយមកកំលាំងជំនាញចរាចរណ៍ បានចុះធ្វើការវាស់វែង និងស្ទូចយករថយន្ដដែលបង្ករ យកទៅរក្សាទុកនៅការិយាល័យចរាចរណ៍ រាជធានីភ្នំពេញ ដើម្បីរងចាំធ្វើការដោះស្រាយ នៅពេលក្រោយ ៕
សូមបញ្ជាក់ថា ក្នុងហេតុការណ៍គ្រោះថ្នាក់ចរាចរណ៍នេះ មិនបណ្ដាលអោយមាននរណាម្នាក់ រងបួស និងបង្ករ អោយមានអ្នកបាត់បង់ជីវិត្តនោះទេ ៕
