ខេត្តបន្ទាយមានជ័យ៖អំពើឃាតកម្មមួយបានកើតឡើងរវាងគ្រូបង្រៀនអង្គេសម្នាក់ត្រូវបានជនកំណាចម្នាក់និងបក្សពួក៤នាក់ទៀតព្រួតចាក់សម្លាប់យ៉ាងព្រៃផ្សៃគ្រាន់តែរឿងទំនាស់ពាក្យសំដីក្នុងការលេងទាត់សោះនៅថ្ងៃទី៦ខែមិថុនាឆ្នាំ៧០៦៥នោះ។ បន្ទាប់ពីសមិត្តកិច្ចបានចុះធ្វើការស្រាវជ្រាវជាបន្ទាន់យ៉ាងយកចិត្តទុកដាក់រហូតឈានទៅដល់ការចាប់ខ្លួនជនដៃដល់សង្សារនិងបក្ខពួកទាំងអស់៤នាក់ដែលពាក់ព័ន្ឋទៅនឹងអំពើឃាតកម្មចាក់សម្លាប់គ្រូបង្រៀនម្នាក់ដោយសារជម្លោះរឿងលេងបាល់ទាត់ នៅក្នុងទីលានបាល់ទាត់ មួយកន្លែង ក្នុងភូមិគោរដ្ឋាន សង្កាត់អូរអំបិល ក្រុងសេរីសោភ័ណ ខេត្តបន្ទាយមានជ័យកាលពីល្ងាចថ្ងៃទី៦ ខែមិថុនា ឆ្នាំ២០១៥ ។លោកឧត្តមសេនីយ៍ត្រីអាត់ខែមស្នងការនគបាលខេត្តបន្ទាយមានជ័យបាន
និយាយថា ក្រោយពីការឃាត់ខ្លួននារីជាសង្សារ និងបក្ខពួកម្នាក់កាលពីព្រឹកថ្ងៃទី៧ខែមិថុនាឆ្នាំ២០១៥នោះរួចមកកម្លាំងនគរបាលខេត្តនិងនគបាលជំនាញព្រហ្មទណ្ឌ និងស្រុក ក្រុង បានបន្តដេញបង្ក្រាបនិងចាប់ខ្លួនជនដៃដល់និងបក្ខពួកបាន២នាក់បន្តទៀត ដល់ស្រុកស្វាយចេកដែលមានចម្ងាយប្រមាណ២០គីឡូម៉ែត្រពីទីរួមខេត្តដោយជននេះបានបើកម៉ូតូគេចខ្លួនកាត់វាលតាមព្រៃ ។លោកអាត់ខែមស្នងការខេត្តបន្ទាយមានជ័យក៏បានណែនាំទៅម្ចាស់តារាងបាល់ទាត់ឲ្យចូលរួមលើកកិច្ចការពារសន្តិសុខនិងទប់ស្កាត់អំពើហិង្សានៅទីនោះតាមរយ:ការបំពាក់កាមេរ៉ាសុវត្ថិភាព ការជួលសន្តិសុខឯកជន ទៅយាមប្រចាំការនិងការដាក់លេខ ទូរស័ព្ទទំនាក់ទំនងជាមួយសមត្ថកិច្ចមូលដ្ឋានងាយស្រួលជួយអន្តរាគមន៍ទាន់ពេលវេលានៅពេល
មានហេតុការណ៍កើតឡើងនោះ ។សម្រាប់ជនដៃដល់ និងបក្ខពួកទាំង៤នាក់ត្រូវបានបញ្ជូនទៅធ្វើការសួរនាំនិងឃុំខ្លួនជាបណ្តោះអាសន្ននៅស្នងការដ្ឋាននគរបាលខេត្តដើម្បីកសាងសំណុំរឿងបញ្ជូនទៅកាន់តុលាការចាត់ការបន្តតាមនិតិវិធីច្បាប់ ។សូមបញ្ជាក់ថា កាលពីល្ងាចថ្ងៃទី៦ ខែមិថុនា ឆ្នាំ២០១៥ បុរសម្នាក់គឺជាគ្រូបង្រៀននៅវិទ្យាស្ថានទ្រទ្រង់ក្មេងជំនាន់ក្រោយ ឈ្មោះ ថេង យុទ្ឋិ អាយុ២៤ឆ្នាំត្រូវបានមនុស្សមួយក្រុមព្រួតវាយហើយយកកាំបិតចុងស្រួចចាក់ចំក្រោមពោះបណ្តាឲ្យស្លាប់ ពេលបញ្ជូនទៅកាន់មន្ទីរពេទ្យក្រោយពីជនរងគ្រោះនិងជនបង្កឈ្លោះប្រកែកគ្នាព្រោះតែរឿងលេងបាល់សោះ៕
