សៀមរាប : ក្នុងកិច្ចចុះប្រិត្តិការណ៍តាមដានស្រាវជ្រាវនិងឈានដល់ការចាប់ឃាត់ខ្លួនជនសង្ស័យទាំង៤នាក់នេះត្រូវបានសមត្ថកិច្ចជំនាញធ្វើឡើងកាលពី ថ្ងៃទី ០៧ខែ មិថុនា ឆ្នាំ ២០១៥ កន្លងទៅ នៅក្នុងភូមិ ត្រពាំងសេះសង្កាត់ គោកចក ក្រុង និង ខេត្តសៀមរាប ។ លោក
វរសេនីយ៍ទោ អ៊ុំ សាអាត នាយការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបបានអោយដឹងថាដោយអនុវត្តតាមការយកចិត្តទុកដាក់ខ្ពស់ជាប្រចាំពីសំណាក់លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាប ក៏ដូចជាដើម្បីធ្វើអោយការអនុវត្តនូវគោលនយោបាយភូមិឃុំមានសុវត្ថិភាព អោយ កាន់តែមានប្រសិទ្ធភាពខ្ពស់។ ទើបជាក់ស្តែងជនសង្ស័យទាំង៤នាក់នេះ ១មាន ឈ្មោះ ជុំពិសិទ្ឋ ភេទប្រុស អាយុ ១៤ ឆ្នាំ ២មាន ឈ្មោះ រ៉ានវិរុណភេទ ប្រុស អាយុ ១៦ឆ្នាំ
៣ឈ្មោះហេងអានភេទប្រុសអាយុ១៧ឆ្នាំ៤ឈ្មោះមុំភត្រាភេទប្រុសអាយុ១៦ឆ្នាំហើយនាក់
ទាំង៤នាក់នេះរស់នៅក្នុងក្រុងសៀមរាប បានប្រព្រឹត្តក្នុងករណីចាត់ចែងអោយប្រើប្រាស់នូវសារធាតុញៀនខុសច្បាប់និងករណីអំពើលួច នេះមិនអាចរត់គេចពីសមត្ថកិច្ចជំនាញបានឡើយ ។ លោក វរសេនីយ៍ទោ អ៊ុំ សាអាត បានបន្តអោយដឹងទៀតថា បន្ទាប់ពីបានធ្វើការឃាត់ខ្លួននិងបានសួរនាំជនសង្ស័យជាប់ពាក់ព័ន្ធក្នុងករណីខាងលើហើយសមត្ថកិច្ចបានដកហូតបានសម្ភារះជក់មួយចំនួនធំនិងដកហូតបានដាវសាំមរ៉ៃ១ដើមម៉ូតូ១គឿងនិងទូរសព្ទដៃ៤គឿងផងដែរ។ហើយនៅមុខសមត្ថកិច្ចជនសង្ស័យបានឆ្លើយសារភាពថាគេពិតជាបានប្រព្រឹត្តនៅករណីខាងលើពិតប្រាកដមែន ។ បច្ចុប្បន្នជនសង្ស័យទាំង៤នាក់ត្រូវបានសមត្ថកិច្ចកសាងសុំណុំរឿងបញ្ជូនទៅកាន់តុលាការនៅរសៀលថ្ងៃទី០៨ខែមិថុនាឆ្នាំ២០១៥នេះ ដើម្បីចំណាត់ការទៅតាមផ្លូវច្បាប់បន្ត ៕