ប៊ុន រិទ្ធី កំពង់ធំ=នៅរសៀលថ្ងៃទី៩ ខែមិថុនាឆ្នាំ២០១៥នៅទីបញ្ចាការតំបន់សឹករងកំពង់ធំ បានរៀបចំពិធីប្រជុំត្រួតពិនិត្យការងារជីករុករកអដ្ឋិធាតុកងទ័ពស្ម័គចិត្តនៃប្រជាជនវៀតណាម ក្នុងសម័យសង្គ្រាមនាទសវត្សឆ្នាំ១៩៧០ក្នុងកិច្ចប្រជុំនេះមានការចូលរួមពី ឧត្តមសេនីត្រីយ៍ 
សោម ស៊ុន មេបញ្ចាការ តំបន់ប្រតិបត្តិការសឹករងកំពង់ធំ ព្រមទាំងសហការី១៨រូប និងភាគីវៀតណាមដឹកនាំដោយ លោកឧត្តម សេនីយ៍ត្រី ចិន វ៉ាន់ហ៊ុងមេបញ្ចាការរងយោធាភូមិភាគទី៧និងសហការី១៨រូប។
ឧត្តមសេនីយ៍ត្រី សោម ស៊ុន បានអានរបាយការណ៍សង្ខេបស្ដីពីសកម្មភាពជីករក អដ្ឋិធាតុកងទ័ពស្ម័គ្រចិត្តវៀតណាមដែលបានពលីជីវិតនៅកម្ពុជានាសម័យសង្គ្រាមទសវត្សឆ្នាំ១៩៧០លើទឹកដីខេត្តកំពង់ធំ ដំណាក់កាលទី១ ឆ្នាំ២០០៣ រហូតដល់ដំណាក់កាលទី១៤ឆ្នាំ២០១៤, ២០១៥ រយះពេល១៣ឆ្នាំ ដោយយោងតាមកំណត់ហេតុក្នុងកិច្ចសហប្រតិបត្តិការរវាងកម្លាំងតំបន់សឹករងកំពង់ធំជាមួយក្រុមk70 យោធាភូមិភាគទី៧និងក្រុមk72 ប៊ិញភឿកសាធារណះរដ្នសង្គមនិយមវៀតណាមទទួលបានលទ្ធផលសរុបទាំង១៤លើក ជីកគាស់បាន៩៥៣ អដ្ឋិធាតុ ក្នុងនោះ កម្លាំងk70ជីកបានចំនួន ២៦២អដ្ឋិធាតុ និងកម្លាំងk72ជីកបានចំនួន៦៩១អដ្ឋិធាតុ គឹតត្រឹមថ្ងៃទី៨ខែមិថុនាឆ្នាំ២០១៥ ដោយ អដ្ឋិធាតុ៩៤០បានធ្វើមាតុភូមិនិវត្តន៍រួចហើយ 
នៅសល់តែ១៣អដ្ឋិធាតុដែលទើបជីកគាសយកបានថ្មីៗនិងធ្វើមាតុភូមិនិវត្តន៍នូវថ្ងៃខាងមុខឆាបៗ ទទឹមនិងនោះចំនុចខ្លាំងគឺដោយមានការយកចិត្តទុកដាក់របស់គណះកម្មការជំនាញខេត្តក្នុងការផ្សព្វផ្សាយដល់អាជ្ញាធ័រ ឃុំ ស្រុក ចង្អុលបង្ហាញពីកន្លែងកប់សាកសពច្បាស់លាស់ងាយស្រួយដល់ក្រុមបច្ចេកទេសក្នុងការជីករក ក្នុងនោះក៏មានចំនុចខ្សោយត្រង់អាជ្ញាធ័រ ភូមិ ឃុំពុំបានផ្សព្វផ្សាយពីគោលនយោបាយរបស់ប្រទេសទាំង២ក្នុងការស្រាវជ្រាវរកអដ្ឋិធាតុដល់ប្រជាពលរដ្នអោយទូលំទូលាយ ខ្វះការសហការ សាកសពកប់យូ ភូមិសាស្ដ្រប្រែប្រួល អ្នកដឹកកន្លែងកប់សាកសពអាយុចាស់ពេក ខ្លះស្លាប់បាត ដូច្នេះកន្លែងទាំងនោះត្រូវបាតតែម្ដងបន្ទាប់មក ឧត្តម សោមស៊ុន បានសំណូមពរអោយខាងភាគីវៀតណាមជួយជួសជុសអាគារចាស់ទ្រុធទ្រមផងដែរ។
លោកឧត្តមសេនីយ៍ត្រី ចិន វ៉ាន់ហ៊ុង មេបញ្ចាការរងយោធាភូមិភាគទី៧នៃកងទ័ពប្រជាជនវៀតណាម បានថ្លែងអំណរគុណដល់អាជ្ញាធ័រខេត្តប្រជាពលរដ្ននិងកងកំលាំងប្រដាប់អាវុធខេត្តកំពង់ធំជាពិសេស អង្គភាពតំបន់ប្រតិបត្តិការកំពង់ធំ ដែលបានសហការណ៍អនុវត្តការងារមនុស្សធម៍ប្រកបដោយស្មារតីទទួលខុសត្រូវខ្ពស់និងទទួលបានលទ្ធផលល្អ បន្ទាប់មកខាងភាគីវៀតណាមប្រគល់អំណោយជាការដូរដល់កងទ័ពតំបន់ប្រតិបត្តិការសឹករងកំពង់ធំ៕ប៊ុន រិទ្ធី
