សៀមរាបៈ មានអ្នកវិនិយោគទុន និងអ្នកធុរៈកិច្ច ៥១ប្រទេសជុំវិញពិភពលោក បានចូលរួមក្នុងពិធីសម្ពោធសៀវភៅ ដែលមានឈ្មោះ The Busniness of Doing Good ដែលបានចងក្រងនិពន្ឋដោយលោក Anton Simanowitz និងបានបញ្ជាក់ពីដំណើរការបង្កើតស្ថាប័ន ឬប្រកបធុរៈកិច្ចក្នុងជំហានទាំង៦ ធ្វើអោយប្រកបលទ្ធផលជោគជ័យ និងជាវិធីសាស្ត្រថ្មី សម្រាប់គ្រិះស្ថានមីក្រូហិរញ្ញវត្ថុ និងស្ថាប័នដែលមានបំណងជួយដល់សង្គម ។
ពិធីនេះត្រូវបានរៀបចំឡើងក្នុងសណ្ឋាគារ រ៉ូយ៉ាលអង្គររីសត ស្ថិតនៅក្នុងក្រុងសៀមរាប នៅរសៀលថ្ងៃទី ៩ ខែមិថុនា ឆ្នាំ ២០១៥ នៅក្នុងពិធីសម្ពោធសៀវភៅនេះ ត្រូវបានលើកបែបយ៉ាងគ្រិះស្ថានមីក្រូហិរញ្ញវត្ថុ អេ អឹម ខេ ក្នុងការអនុវត្តទាំង៦ជំហានក្នុងការស្ថាបនា ប្រជាពលរដ្ឋនៅតាមជនបទឲ្យមានជីវភាពល្អប្រសើរ និងជួយដល់សង្គមជាតិទាំងមូល ដោយសៀបភៅ The Busniness of Doing Good ត្រូវបានចងក្រងដោយឆ្លងកាត់ពេលវេលា ២០ឆ្នាំ នូវបទពិសោធន៍ ទាំងទុក្ខលំបាក ទាំងបរាជ័យ ទាំងជោគជ័យ ដោយសរសេរជាភាសាអង្លេស និងបានបញ្ជាក់ពីការដោះស្រាយនូវបញ្ហាទាំង៦ចំនុច ប្រកបដោយបទពិសោធន៍ យ៉ាងស៊ីជំម្រៅពីការងារវាយតំលៃអភិវឌ្ឍន៍ និងដែលអាចជួយដល់ស្ថាប័នមីក្រូហិរញ្ញវត្ថុ និងស្ថាប័នសង្គមជាច្រើនឲ្យ ក្លាយខ្លួនជាអ្នកក្រេបចំណេះដឹង និងប្រាស្រ័យទាក់ទងគ្នាកាន់តែល្អប្រសើរ ។
លោក Anton Simanowitz បានមានប្រសាសន៍ថា គោលបំណងនៃការសម្ពោធន៍ សៀវភៅជផ្លូវការ គឺចង់ឲ្យ ពិភពលោក បានដកស្រង់នូវបទពិសោធន៍ក្នុងសៀវភៅ ដែលអាចប្រើការការលទ្ធផលជោគជ័យ យកទៅអនុវត្តទូទាំងពិភពលោក ដើម្បីជួយដល់សង្គមជាតិ និងជួយអភិវឌ្ឍន៍ជីវភាពប្រជាពលរដ្ឋនៅតាមជនបទ ដោយប្រើតាមយន្តការសៀវភៅដ៏ល្អមួយនេះ ។
ដោយ ប៊ុន រដ្ឋា
