សៀមរាបៈ មានស្ថាប័នមីក្រូហិរញ្ញវត្ថុជាច្រើនទាំងក្នុងប្រទេសនិងក្រៅប្រទេសចូលរួម សម្តែងនូវការអប់អរសារទ ចំពោះស្ថាប័នមីក្រូហិរញ្ញវត្ថុធានាគារភូមិ ដែលបានបើកបំរើសេវាកម្ម ដល់អថិតិជន និងបានបំពេញនូវលក្ខ័ន្ទតាមស្តង់ដា លើការថែទាំយកចិត្តទុកដាក់អថិតិជន និងត្រូវបានស្ថាប័នអន្តរជាតិ Smart Campaign ទទួលស្គាល់និងបានប្រគល់ វិញ្ញាបនបត្រជូនកាលពីរសៀលថ្ងៃទី ១០ ខែមិថុនា ឆ្នាំ ២០១៥។
ពិធីប្រគល់វិញ្ញាបនបត្រ នេះត្រូវបានចាត់ធ្វើឡើងនៅសណ្ឋាគារ រ៉ូយ៉ាល់ អង្គរ រីសត ស្ថិតនៅក្នុងក្រុងសៀមរាប ខេត្តសៀមរាប ដោយមានការចូលរួម ពីសំណាក់ឯកឧត្តម គិម វ៉ាដា អគ្គនាយកត្រួតពិនិត្យ នៃធាគារជាតិនៃកម្ពុជា និងលោក សុខ វឿន ប្រធាននាយកប្រតិបត្តិ ធានាគារភូមិ ព្រមទាំងមានភ្ញៀវជាតិ និងអន្តរជាតិ មកពីស្ថាប័នផ្សេងៗចូលរួមជាង២០០នាក់ ។
លោក សុខ វឿន បានឲ្យដឹងថា យើងខ្ញុំមានសេចក្តីរំភើបរីករាយ ដែលបានក្លាយជាគ្រិះស្ថានមីក្រូហិរញ្ញវត្ថុ និងបាន ទទួលនូវវិញ្ញាបនបត្រ ពីស្ថាប័នអន្តរជាតិ Smart Campaign និងសូមប្តេជ្ញាចិត្ត ជួយកាត់បន្ថយភាពក្រីក្រដល់ប្រជាពលរដ្ឋនៅក្នុងព្រះរាជាណាចក្រកម្ពុជា និងត្រូវបានគាំទ្រពីអថិតិជន ដល់ទៅ១៩០០០០នាក់ ដែលជឿជាក់និងទុកចិត្តពី គុណតម្លៃពីធានាគារភូមិ និងបានផ្តល់សិទ្ធិអំណាចដល់អថិតិជន ធានាគារភូមិបាន បង្កើតនូវការវិនិយោគដ៏សំខាន់ មួយក្នុងការអនុវត្តកិច្ចការពារអតិថិជន ។
ដោយ ប៊ុន រដ្ឋា