ខេត្តប៉ៃលិន៖យុវជនម្នាក់ត្រួវបានកម្លាំងកងរាជអាវុធហត្ថខេត្ត ធ្វើការឃាត់ខ្លូន ខណៈយុវជនរូបនេះ បានយកថ្នាំញៀនដែលជាម្យ៉ៅពណ៌ស លាក់ទុកក្បែរផ្ទះក្នុងកញ្ចប់បារីហ្វីន និងដកហូតបានម្យ៉ៅពណ៌ស ០៣ កញ្ចប់តូច ។ ហេតុការនេះ បានកើតឡើងកាលពីវេលាម៉ោង ១៥ និង៥៥នាទីរសៀល ថ្ងៃទី៩ ខែមិថុនា ឆ្នាំ២០១៥ ស្ថិតក្នុងភូមិប៉ាហ៊ីជើង សង្កាត់ប៉ៃលិន ក្រុងប៉ៃលិន ខេត្តប៉ៃលិន ។
ជនសង្ស័យមានឈ្មោះ សាន់ វ៉ាន់ឡី ភេទប្រុស អាយុ២៨ឆ្នាំ រស់នៅភូមិប៉ាហ៊ីជើង សង្កាត់ប៉ៃលិន ក្រុងប៉ៃលិន ខេត្តប៉ៃលិន រិបអូសម្យ៉ៅពណ៌ស(ថ្នាំញៀន) ចំនួន០៣កញ្ចប់តូច ។
លោក នង វណ្ណនី ប្រធានមន្ទីរ ស្រាវជ្រាវ យុត្តិធម៌ នៃបញ្ជាការដ្ឋានកងរាជអាវុធហត្ថខេត្តប៉ៃលិន បានឲ្យដឹងថា៖ ក្រោយពីបានទទូលបញ្ជារពីលោក ជុំ សែនសទ្ធា ព្រះរាជអាជ្ញាអមសាលាដំបូងខេត្តប៉ៃលិន ក្នុងការចុះឆែកឆេរផ្ទះជនសង្ស័យ រួចមក កម្លាំងលោកមានគ្នា០៨នាក់ បានធ្វើការឃាត់ខ្លួនជនសង្ស័យម្នាក់ឈ្មោះ សាន់ វ៉ាន់ឡី ភេទប្រុស ដោយសង្ស័យថាលាក់ទុកនូវសារធាតុញៀន ។ លោកបន្តថា៖នៅរសៀលថ្ងៃទី៩ ខែមិថុនា ឆ្នាំ២០១៥ កម្លាំងលោកបានធ្វើការឆែកឆេរក្នុងផ្ទះជនសង្ស័យ តែពុំឃើញមានអ្វីនោះឡើយ, គ្រានោះកម្លាំងយើង បានស្រាវជ្រាវរកជុំវិញផ្ទះ ក៏ប្រទះឃើញកញ្ចប់បារីហ្វីន ក៏សង្ស័យឆែកមើល ឃើញម្យ៉ៅពណ៌ស ចំនួន០៣កញ្ចប់តូច (សារធាតុជាតិញៀន ) ហើយក៏ឃត់ខ្លួនជនសង្ស័យតែម្តង ។ ក្រោយពីឃាត់ខ្លួន រួចបញ្ចូនមកបញ្ជារការដ្ឋានកងរាជអាវុធហត្ថខេត្ត ជនសង្ស័យ បានសារភាពថា ខ្លួនពិតជាបានយកម្យ៉ៅពណ៌ស នេះ ច្រកចូលក្នុងកញ្ចប់បារីហ្វីនពិតប្រាកដមែន ។
បច្ចុប្បន្នជនសង្ស័យ និងវត្ថុតាង ត្រួវបានកម្លាំងការិយាល័យមន្ទីរស្រាវជ្រាវ យុត្តិធម៌ រៀបចំសំណុំរឿងបញ្ជូនទៅសាលាដំបូងខេត្ត ចាត់ការតាមនិតិវិធី ៕
