កំពង់ធំៈ ឈ្មួញស្រែប្រាំងចាប់ផ្តើមកំរើកសារជាថ្មី ក្នុងសកម្មភាពឈូសឆាយដីព្រៃលិចទឹក ដែលជាតំបន់ហាមឃាត់ ដោយពុំមានការខ្លាចញញើតសូម្បីតែបន្តិច ទោះជាត្រូវបានជាប់ឈ្មោះក្នុងបញ្ជីរខ្មៅរួចម្តងទៅហើយ ក៏ឈ្មួញស្រែប្រាំង ពុំទាន់បាក់ស្បាត ថែមទាមងធ្វើសកម្មភាពឈូសឆាយដីព្រៃយ៉ាងអាណាធិបតេយ្យ ធ្វើមានការសង្ស័យថា មក ពីលោក គន ចាន់សីហា នាយសង្កាត់រដ្ឋបាលជលផលស្ទោង និងលោក ព្រឹម រដ្ឋា អភិបាលស្រុកបើកភ្លើងខៀវ។
ដីព្រៃលិចទឹកដែលឈ្មួញកំពុងតែឈូសឆាយ ដោយមានការអែបអាងថា មានច្បាប់មកពីសាលាខេត្តកំពង់ធំ អនុញ្ញាតិ ឲ្យមានការ ជួសជុលអាងទឹក តែឈ្មួញបានឆ្លៀតឳកាសរុករាន្ទដីថ្មី កាយប្រព័ន្ឋ ឈូសឆាយដីព្រៃលិចទឹក ស្ថិតនៅតំបន់៣ ឃុំសព្រោជ ស្រុកស្ទោង ខេត្តកំពង់ធំ ដែលត្រូវបាន គេស្គាល់ឈ្មោះឈ្មួញស្រែប្រាំង ទី១ លោក ជា គឹមហូវ បានឈូសឆាយ នៅចំនុច ត្រពាំងថ្កាស ទី២ លោក ប៉ែន ដន នៅចំនុច ខាងលិច ត្រពាំងថ្កាស ទី៣ ឈ្មោះ ហេង ស៊ានថាយ នៅចំនុច ប៉ូឡ ទី៤ លោក ផល្លា ទី៥ លោក ធ្លក ប៊ុនធន អ្នកទាំង៥នាក់នេះ បានធ្វើ សកម្មភាពដូចពាក្យចាស់ថា កន្ទេលធំបន្លំដេក បានច្បាប់ជួសជុល ។
លោក ព្រឹម រដ្ឋា អភិបាលស្រុកស្ទោង បានអះអាងថា ការកាយអាងទឹកនេះគឺក្រុមថៅកែអាងបានសុំគោលការណ៍ពី ខេត្តមក គឺដើម្បីជួសជុលអាងទឹកដែលត្រូវបានបាក់ និងខូចខាត ក្នុងនោះគឺសុទ្ធតែមានស្ថានប័នជំនាញពាក់ព័ន្ឋចុះ ទៅពិនិត្យត្រឹមត្រូវ ថែមទាំងបានឲ្យកម្លាំងចុះទៅពិនិត្យមើល លោក ព្រឹម រដ្ឋា បានបញ្ជាក់ថា ករណីជួសជុល និងរៀមចំអាងទឹកនេះ គឺលោក ពុំហ៊ានចុះហត្ថលេខានោះទេ ទាំងភូមិ ទាំងឃុំ ស្រុកគឺពុំហានចុះហត្ថលេខាឯកភាពជាដាច់ខាត ព្រោះភូមិ ឃុំ ស្រុក បាក់ស្បាតម្តងរួចមកហើយ ដោយសារតែកន្លងមក អ្នកចុះហត្ថលេខាផ្សេងៗ ដល់ពេលមាន រឿងស្រាប់តែយកលោក និង ឃុំ មកដាក់ទោសទៅវិញ ដូច្នេះលោក ខ្លាចខុសទៀតគឺមិនចុះហត្ថលេខាទុកឲ្យអភិបាល ខេត្តជាអ្នកសម្រេច ។
លោក គន ចាន់សីហា នាយសង្កាត់រដ្ឋបាលជលផលស្ទោង បានឆ្លើយយករួចខ្លួនថា លោកពុំមានការពាក់ព័ន្ឋនោះទេ ហើយក៏ពុំបានអនុញ្ញាតិទេ គឺលោក អភិបាលខេត្តជាអ្នកសម្រេចទេ ព្រោះរឿងក្តីលោក មិនលោកមិនទាន់ចប់នៅឡើយទេ ពាក់ព័ន្ឋទៅនឹងតុលាការឲ្យទៅបង្ហាញមុខ និយាយឲ្យចំគឺភូមិឃុំ ស្រុក ពុំមាននណាហ៊ាន អនុញ្ញាតិទេ ។
ដោយ ផន សុខជាតិ
