ប្រជាពលរដ្ឋបាននាំគ្នារិះគន់ធ្ងន់ៗទៅលើទីបញ្ជាការប៉េអ៊ឹមស្រុកបុរីជលសាថាអស់រយៈពេលជាងមួយឆ្នាំទៅហើយដែលទីបញ្ជាការនេះនៅពោះម៉ាយប្រហែលថ្នាក់លើគ្មានលុយធ្វើបង្ហើយនោះទេមើលទៅ។ពួកគាត់បានលើកឡើងថាអាគារទីបញ្ជាការនេះគឺជាកន្លែងធ្វើការងាររបស់កងរាជអាវុធហត្ថស្រុកបុរីជលសារតែបច្ចុប្បន្នអាគារខាងលើសង់បានតែពាក់កណ្ដាលនៅពាក់កណ្ដាលទៀត។បើកន្លែងធ្វើការរបស់ពួកគាត់ធ្វើមិនទាន់រួចរួលបែបនេះ តើកងកំលាំងនិងនាំគ្នាទៅដេកនៅទីណាទៅហើយការពារសន្ដិសុខជូនប្រជាជនបែបណាទៅ បើសូម្បីតែទីបញ្ជាការរបស់ខ្លួនមិនអាចស្នាក់នៅបានផងនោះ។ជុំវិញករណីខាងលើក៏មានការបកស្រាយពីលោក ឡា ស្មាអ៊ែល មេបញ្ជាការកងរាជអាវុធហត្ថស្រុកបុរីជលសារឲ្យដឹងថា លោកមានលត្ថភាពធ្វើទីបញ្ជាការនេះបានតែពាក់កណ្ដាលនោះទេហើយនៅពាក់កណ្ដាលទៀតលោកមិនមានលុយធ្វើបង្ហើយឡើយ។លោកបានបន្ដទៀតថាបច្ចុប្បន្នលោកនិងកំលាំងរបស់លោកនាំគ្នាស្នាក់នៅក្នុងរោងប្រើដោយស្លឹកត្នោត ហើយនៅពេលមានភ្លៀងធ្លាក់ម្ដងៗគឺកំលាំងរបស់លោកមិនអាចស្នាក់នៅរោងនេះបានទេព្រោះបើខ្យល់ខ្លាំងវានិងបក់ប៉ើងរោងនេះធ្លាក់ចូល
ស្ទឹងបាត់ជាមិនខាននោះទេ។លោកបន្ដទៀតថាមិនដឹងពេលណានោះទេដែលលោកអាចមានលទ្ធភាពធ្វើឲ្យហើយទាំងស្រុងព្រោះមិនដឹងថាបានលុយពីណាផង។ជុំវិញករណីនេះផងដែរលោកឡា ឡៃមេបញ្ជាការកងរាជអាវុធខេត្តតាកែវបាននិយាយយ៉ាងខ្លីថាលោកជាប់រវល់ប្រជុំនៅខេត្តកំពត់គ្មានពេលបកស្រាយប្រាប់អ្នកយកព័ត៌មានកម្ពុជាថ្មីទេពេលនេះ។
