កំពង់ធំៈ បច្ចុប្បន្ននៅក្នុងខេត្តកំពង់ធំ ស្ថិតនៅក្នុងស្រុកកំពង់ស្វាយ និងស្រុកស្ទោង គេសង្កេតឃើញមានការឈូសឆាយដីព្រៃដោយគ្មានច្បាប់អនុញ្ញាតិ ទាំងដីព្រៃលិចទឹក និងដីផ្នែកវាលខាងលើ សកម្មភាពនេះត្រូវបានគេរិះគន់ទៅ ទៅលើសមត្ថកិច្ចជំនាញរដ្ឋបាលព្រៃឈើ និង អាជ្ញាធរ ដែលខ្វះវិធានការក្នុងការគ្រប់គ្រង់ បណ្តាលឲ្យឈ្មួញលបលួច រំលោភបំពានដីព្រសរបស់រដ្ឋយកធ្វើជាកម្មសិទ្ធ។
ជាក់ស្តែងនៅរសៀលថ្ងៃទី ១១ ខែ មិថុនា ឆ្នាំ ២០១៥ លោក សាយ ណូរ៉ា ព្រះរាជអាជ្ញារង ខេត្តកំពង់ធំ សហការជា មួយសង្កាត់រដ្ឋបាលព្រៃឈើកំពង់ស្វាយ ចុះឃាត់គ្រឿងចក្រ ដែលកំពុងតែធ្វើសកម្មភាព ឈូសឆាយដីព្រៃដោយគ្មាន ច្បាប់អនុញ្ញាតិ ស្ថិតនៅចំនុចអូអំបែង ឃុំត្បែង ស្រុកកំពង់ស្វាយ ខេត្តកំពង់ធំ ឈ្មួញដែលត្រូវបានឃាត់ខ្លួន ទី១ ឈ្មោះ យ៉ុក វង្ស ភេទប្រុស ប្រពន្ឋឈ្មោះ ឈួន ផាន ជាម្ចាស់ដី ចំនែកម្ចាស់គ្រឿងចក្រឈ្មោះ សួន ផា និង ពៅថន តៃកុងឡាន ត្រូវបានចាប់ខ្លួនម្ចាស់គ្រឿងចក្រ និងម្ចាស់ដីនៅវេលាម៉ោង ១២.២០នាទី ។
លោក សាយ ណូរ៉ា ព្រះរាជអាជ្ញារង ត្រូវបានបញ្ជារឲ្យនាំរថយន្តបែន មួយគ្រឿងពាក់ស្លាកលេខ A3 -0504 ពណ៌ខៀវ និងគ្រឿងចក្រអាប៊ុល ដែលជាកម្មសិទ្ធិរបស់លោក ឈួន ផាន រស់នៅភូមិបាគង ស្រុកកំពង់ស្វាយ ខេត្តកំពង់ធំ និង ត្រូវបានបញ្ជូនមកកាន់ ផ្នែករដ្ឋបាលព្រៃឈើស្ទោង ដើម្បីសួរនាំ និងកសាងសំណុំរឿងបញ្ជូនទៅកាន់តុលាការ ។
ពាក់ព័ន្ឋទៅនឹង លោក តុង យី នាយផ្នែករដ្ឋបាលព្រៃឈើស្ទោង លោកបានកំហោកយ៉ាងចាស់ដៃមកវិញថា ពាក់ព័ន្ឋ ទៅនឹងការចាប់គ្រឿងចក្រ ម៉េចលោកឯងមិនទៅសួរលោក ព្រះរាជអាជ្ញាទៅ សម្រាប់ស្ថាប័នខ្ញុំបានសំអាងទៅលើ ផែនទី តែពិនិត្យមើលទៅពុំមានប៉ះពាល់និងគម្របព្រៃឈើ គឺខ្ញុំមិនមានចំណាត់ការនោះទេ តែបើមានការពាក់ព័ន្ឋទៅ នឹងគំម្រកព្រៃឈើទើបស្ថាប័នខ្ញុំ តែនេះការឲ្យឈូស ឆាយដី ដោយពុំមានច្បាប់អនុញ្ញាតិ វាស្ថិតនៅលើអាជ្ញាធរស្រុក សូមបញ្ជាក់ផងដែរថា សំដីរបស់លោក តុង យី បាននិយាយមកកាន់ អ្នកសារពត៌មាន ព្រៀបបាននិងចងកំហឹង១០ ជាតិពីមុនអញ្ចឹង ធ្វើឲ្យមានការសង្ស័យថា ប្រហែលជាមានការប៉ះពាល់លាភស្ការៈទេដឹង បានទេនិយាយដូចខឹងច្រឡោតម្លេះ ។
ដោយ ប៊ុន រដ្ឋា
