កំពង់ធំៈ សម្តេចអគ្គមហាពោធិសាលាកិត្តិព្រឹទ្ធបណ្ឌិត ជា ស៊ី ប្រធានគណបក្សប្រជាជនកម្ពុជា ប្រធានព្រឹទ្ធសភា នៃព្រះរាជាណាចក្រកម្ពុជា និងជាអ្នកនយោបាយវ័យចំណាស់ លេចធ្លោមួយនៅកម្ពុជា ត្រូវបានមរណៈភាពកាលពីថ្ងៃទី៩ ខែ មិថុនា ឆ្នាំ ២០១៥ ដោយរោគគារពាធ និងបានធ្វើឲ្យបងប្អូនប្រជាពលរដ្ឋ ដែលធ្លាប់តែគោរពរាប់អាន និងមាន ការសោកស្តាយនូវវីរៈបុរស ដ៍ឆ្នើមប្រធានគណៈបក្សប្រជាជនកម្ពុជា និងធ្លាប់មានស្នារដៃរំដោះជាតិមាតុភូមិ ឲ្យផុតពី គុគអត់ជញ្ជាំង ។
មន្ត្រីរាជការ និងកងកម្លាំងប្រដាប់អាវុធ ព្រមទាំងប្រជាពលរដ្ឋ មកពីបណ្តាឃុំ សង្កាត់ ស្រុកក្រុង បានអញ្ជើញមកចូល រួមគោរពវិញ្ញាណក្ខន្ទ សម្តេចអគ្គមហាពោធិសាលាកិត្តិព្រឹទ្ធបណ្ឌិត ជា ស៊ី ប្រធានគណបក្សប្រជាជនកម្ពុជា ដែល សម្តេចបានលាកូនចៅទៅកាន់ឋានផុតទុក្ខ ធ្វើអោយមានការអាឡោះអាល័យ សោកស្តាយនូវគុណនបការៈ ដែលសម្តេចបានសាងមក និងរកសុខសន្តិភាព បានយ៉ាងពេញលេញជូនប្រជារាស្ត្រខ្មែរ ដោយពិធីគោរពវិញ្ញាណក្ខន្ទនេះ ត្រូវបានប្រារព្វឡើងនៅព្រឹកថ្ងៃទី ១២ ខែ មិថុនា ឆ្នាំ ២០១៥ នៅស្នាក់ការគណៈបក្សខេត្តកំពង់ធំ ដែលមានការចូលរួម ចំនួន ៩២២នាក់ ។
ពិធីគោរពវិញ្ញាណក្ខ័ន្ធ ដែលប្រារព្វឡើងយ៉ាងអធឹកអធ័ម ត្រូវបានចូលរួម ពីសំណាក់ ឯកឧត្តមឈុន ឈន់ ប្រធានក្រុម ប្រឹក្សាខេត្ត និងឯកឧត្តម អ៊ុត សំអន អភិបាលខេត្តកំពង់ធំ ព្រមទាំងអភិបាលរង ដោយមានការសូទ្រមន្តបាងស្កូល ឧទ្ធិសកុសល់ផលបុណ្យ ជូនដល់ដួងព្រលឹងសម្តេចទៅកាន់ឋានសុខគតិភព តែកេរ្តិ៍ឈ្មោះ វីរៈភាពរបស់សម្តេច សមិទ្ធិផលកេរតំណែល និងអនុស្សាវរីយ៍ប្រកបដោយ ស្នាមញញឹម បានធ្វើឲ្យប្រជាជនកម្ពុជា នឹករលឹកដល់សម្តេចដោយ មិនអាចបំភ្លេចបាន ជាក់ស្តែងនៅក្នុងខេត្តកំពង់ធំ សម្តេចបានបន្សល់ទុកកេរមរតក សំខាន់ៗជាច្រើន ដូចជាវីទ្យាល័យ ជាស៊ីម កំពង់ថ្ម វិទ្យាល័យជា ស៊ីមប្រឡាយ និងបានដាំកូនឈើជាច្រើននៅក្នុងបរិវេណប្រាសាទសំបូរព្រៃគុក ដើម្បីឲ្យ កូនចៅជំនាន់ក្រោយថែរក្សា ដូច្នេះសូមវិញ្ញាក្ខ័ន្ធរបស់សម្តេច បានទៅសោយសុខក្នុងសុគតិភព ។
ដោយ ប៊ុន រដ្ឋា
