បន្ទាយមានជ័យៈ តំណែងប្រធាមន្ទីរការងារខេត្តបន្ទាយមានជ័យ លោក លឹម សុថេត ត្រូវបានផ្លាស់ប្តូរដោយដាក់ជំនួសប្រធានមន្ទីរថ្មីដែលជាអនុប្រធាននៃមន្ទីរននេះតែម្តង។
ពីធីផ្លាស់ប្តូរនេះធ្វើឡើងនៅរសៀលថ្ងៃទី២២ មិថុនា ២០១៥ ក្រោយអធិបតីភាពឯកឧត្តម បណ្ឌិត អិុត សំហេង រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវះ។
លោក លឹម សុថេត ប្រធាមន្ទីរការងារខេត្តបន្ទាយមានជ័យដែលត្រូវផ្លាស់ប្តូរចេញពីតំណែង បានលើកឡើងពីស្ថានភាពការងារនៅក្នុងមន្ទីរកន្លងមកដែលស្ថិតក្រោមការគ្រប់គ្រងរបស់លោកគឺលោកដឹកនាំតាមបែបប្រជាធិបតេយ្យដោយដឹកនាំដោយធ្វើការអ្វីមួយពិភាក្សាគ្នានិងដេកនាំតាមរបៀបមេខ្លាគឺរកចំណីអោយកូនសីុមិនដណ្តើមចំណីពីកូនទ្បើយ។លោកក៍បានបង្ហាញពីការខិតខំរបស់លោកជាប្រធានមន្ទីរគឺតាំងពីមិនទាន់មានមន្ទីរទៅជួលអាគារគេធ្វើការនិងខ្វះមន្ត្រីខ្វះសំភារះរហូតមានអាគារខ្លួនឯងនិងមានការរីកចំរើនគ្រប់វិស័យ។
លោក គោ ស៊ុំសារឿត អភិបាលខេត្តបន្ទាយមានជ័យបានលើកទ្បើងកោតសរសើរដល់លោក លឹម សុថេត ដែលបានដឹកនាំការងារធ្វើអោយមន្ទីរការងារមានភាពរីចំរើនយ៉ាងឆាប់ជាពិសេសគឺការខិតខំបណ្តុះបណ្តាលវិជ្ជាជីវះដល់ប្រជាពលរដ្ឋមានជំនាញនិងការងារធ្វើនិងការដឹកនាំអោយមានការសាមគ្គីភាពផ្ទៃក្នុងបានយ៉ាងល្អ។
លោកក៍បានផ្តាំផ្ញើរដល់ប្រធានមន្ទីរថ្មីគឺលោក រស់ សារុំត្រូវបន្តខិតខំអនុវត្តអោយបានសម្រេចគោលនយោបាយនិងយុទ្ធសាស្ត្រចតុកោនរបស់រដ្ឋាភិបាលដំណាក់ការទី3។បន្តពង្រឹងនូវកិច្ចសហការអោយបានកាន់តែល្អ។
លោក លឹម សុថេត ត្រូវបានសម្រួលភារកិច្ចពីប្រធានមន្ទីរការងារខេត្តបន្ទាយមានជ័យទៅបម្រើការងារនៅទីស្តីការក្រសួងការងារដោយដាក់ លោក រស់ សារុំ ពីអនុប្រធានមន្ទីការងារខេត្តបន្ទាយមានជ័យទៅជាប្រធានមន្ទីរវិញ៕