ខេត្តកំពង់ធំ
កំពង់ធំ=នៅរសៀលថ្ងៃទី២៥ ខែមិថុនា ឆ្នាំ២០១៥ ឧត្តម អ៊ុត សំអន អភិបាលខេត្តកំពង់ធំបានដឹកនាំក្រុមការងារចុះចែកអំណោយជូនប្រជាពលរដ្នចំនួន៣ឃុំដែលរងផលប៉ះពាលខ្យល់ព្យុះរលំផ្ទះ កាលពីម៉ោង៦ល្ងាចថ្ងៃទី២៤ខែ មិថុនា ឆ្នាំ២០១៥ ដោយមានការចូលរួមពីអភិបាលក្រុង
ស្ទឹងសែន អភិបាលស្រុកកំពង់ស្វាយ មន្ដ្រីកាកបាទក្រហមសាខាខេត្ត មន្ដ្រីមកពីតាមបណ្ដាមន្ទីរជុំវិញខេត្តជាច្រើននាក់។
ក្នុងការចែកអំណោយនេះមានប្រជាពលរដ្នដែលទទួលរងគ្រោះដោយខ្យល់ព្យុះរលំផ្ទះ របើកដំបូល និងរបួស ក្នុងសង្កាត់ ស្រយ៉ូវ ក្រុងស្ទឹងសែន ចំនួន ១១គ្រួសារ និងស្រុកកំពង់ស្វាយមានឃុំកំពង់គោ ៧គ្រួសារ ឃុំត្រពាំងឬស្សី១២គ្រួសារ និងអ្នករបួសក្រៅ២គ្រួសារ ក្នុង១គ្រួសារ ទទួលបាន អង្ករ ២៥គឺឡូក្រាម មុង ១ ភួយ១ សារុង១ ក្រម៉ា១ តង់១ សំរាប់គ្រួសាររលំផ្ទះថែមកន្ទេល១ និងឆ្នាំង២ក្នុង១គ្រួសារ ក្នុងនោះសរុប៣០គ្រួសារ ចំណាយអង្ករអស់៨០០គឺឡូក្រាម តង់៣០ សារ៉ុង៣០ ម៉ុង៣០ ភួយ៣០ ក្រម៉ា៣០ កន្ទេល៤ ឆ្នាំង៨ ថវិការ ២០ម៉ីនរៀល ជាអំណោយសាខាកាកបាទក្រហមខេត្តកំពង់ធំ ក្នុងនោះដែរ អំណោយ ផ្ទាល់របស់ឧត្តម អ៊ុត សំអន និងសប្បុរសជនរួមជាមួយថវិការថ្នាក់ជាតិដែលមានឧត្តម ថោង ខុនជាប្រធាន បានចំណាយ ថវិការសំរាប់អ្នករបួសធ្ងន់ ២នាក់ក្នុង១នាក់២០ម៉ីនរៀល របួសស្រាល ៣នាក់ក្នុង១នាក់១០ម៉ីនរៀល និងថែមថវិការ៥ម៉ីនរៀលចំពោះគ្រួសារដែលរលំផ្ទះទាំងស្រុងចំនួន៤នាក់ផងដែរ។
េឧត្តម អ៊ុត សំអន បានមានប្រសាសន៍សំណេះសំណាល់សួរសុខទុក្ខប្រជាពលរដ្ននិងផ្ដាំផ្ញើរ អោយមានការប្រុងប្រយ័ត្នខ្ពស់ចំពោះ ក្រុមគ្រួសារ ជាពិសេសចំពោះមនុស្សចាស់ ក្មេងតូចៗ នៅពេលមានខ្យល់ ឬភ្លៀង ហាមច្រូកក្រោមដើមឈើ ត្រូវរកកន្លែងមានសុវត្តិភាពជៀសវាងគ្រោះមហន្ដរាយ ធម្មជាតិ ដូចជារន្ទះបាញ់ ខ្យល់កន្តាក់រលំដើមឈើ រលំផ្ទះជាដើម សង្កត់ជាដើម ក្នុងនោះដែរ ឧត្តមអ៊ុត សំអនក៏បានថ្លែងអំណរគុណចំពោះ លោក ជំទាវ ប៊ុនរ៉ានីហ៊ុនសែន ប្រធានកាកបាទក្រហមកម្ពុជាដែលបានជួយដល់ប្រជាពលរដ្នដែលកំពុងរងគ្រោះដោយសារគ្រោះធម្មជាតិខ្យល់ព្យុះរលំផ្ទះនេះសមទៅនិងពាក្យ ទីណាមានទុក្ខលំបាកទីនោះមានកាកបាទក្រហមចាំជួយជានិច្ច ចុងក្រោយ េឧត្តម ក៏បានអស់គុណចំពោះសាខាកាកបាទក្រហមសាខាខេត្តកំពង់ធំនិងក្រុមការងារទាំងអស់ ថ្វីត្បិតតែអំណោយទាំងនេះមានសភាពតិចតួចស្ដួចស្ដែង តែអាចជួយអោយបងប្អូនប្រជាពលរដ្នបាន១គ្រាដែរ៕ ប៊ុន រិទ្ធី
