ខេត្តកំពង់ធំៈ ស្ត្រីជើងឆ្នើមបីនាក់បើករថយន្តកាមរីឆ្លាមដឹកឈើគ្រញូងឆ្លងដែន ត្រូវបានកម្លាំងស្នងការដ្ឋានខេត្តកំពង់ធំ ក្របួចជាប់ ខណៈដែលពួកគេកំពុងធ្វើសកម្មភាពដឹកឈើនៅលើផ្លួវជាតិលេខ៦២ កាលពីរសៀលថ្ងៃទី២០ ខែមេសា ឆ្នាំ២០១៤ ត្រង់ចំនុចភូមិស័ក្តបីអ៊ុំ ឃុំកំពង់ស្វាយ ស្រុកកំពង់ស្វាយ ខេត្តកំពង់ធំ។
លោកអាំងសុជា នាយការិយាល័យប្រឆាំងបទល្មើសសេដ្ឋកិច្ចបានប្រាប់អ្នកយកព័ត៍មានទូរទស្សន៏ហង្សមាសឲ្យដឹងថា មុននឹងចាប់រថយន្តដឹកឈើគ្រញូងខាងលើនេះបាន ព្រមទាំងឃាត់ខ្លួនស្ត្រីបីនាក់ គឺលោកបានទទួលព័ត៍មានពី បណ្តាញ ថាមានរថយន្តឆ្លាមពព៍សរ គ្មានស្លាកលេខដឹកឈើគ្រញូងចេញពីចំនុចគោលដៅ ដោយក្តាប់បានសភាពការណ៏ភ្លាមៗ លោកក៏ស្នើសុំទៅថ្នាក់លើដើម្បីបញ្ជាកម្លាំងឃាត់ចាប់រថយន្តនោះតែម្តង។
យោងតាមចម្លើយសារភាពរបស់ស្ត្រីបីនាក់នោះបានឲ្យដឹងថា ពួកគេបានដឹកឈើគ្រញូងនេះ ចេញមកពីភូមិស្រអែម ខេត្តព្រះវិហារ ហើយបំរុងយកទៅលក់នៅខេត្តកំពង់ចាម តែត្រូវអស់ល័ក្ខជាប់អន្ទាក់សមត្ថកិច្ចខេត្តកំពង់ធំ។ ស្ត្រីបីនាក់ខាងលើនោះបានបន្តថា សូមកុំឲ្យអ្នកសារព័ត៍មានថតរូបគាត់ ព្រោះពួគគាត់ស្មាស់គេថែមទាំងមិនប្រាប់ឈ្មោះហើយ
គ្រាន់តែដឹងថាពួកគេទាំងបីនាក់នេះ រស់នៅស្រុកមេមត់ ខេត្តកំពង់ចាម បច្ចុប្បន្នរថយន្តដឹកឈើគ្រញូងនឹងស្ត្រីនាក់បានប្រគល់អោយផ្នែករដ្ឋបាលព្រៃឈើស្ទោងធ្វើការវាស់វែង ឈើគ្រញូងនៅក្នុងរថយន្តនោះមានចំនួន២១ដុំ ស្មើនឹង២០០គីឡូក្រាម ចំនែកស្ត្រីបីនាក់កម្លាំងសមត្ថកិច្ចកសាងសុំណុំរឿងបញ្ជូនទៅតុលាការដើម្បីចាត់ការទៅតាមនិតិវិធី។ 
