ខេត្តកំពង់ឆ្នាំង៖ផ្ទះឈើប្រក់សង្កសី និងបាំងជញ្ជាំងស្លឹកមួយខ្នងត្រូវបានអគ្គីភ័យឆាបឆេះអស់ទាំងស្រុង រួមទាំងទ្រព្យសម្បត្តិឆេះម៉ត់ផងដែរដោយសារតែម្ចាស់ផ្ទះដុះព្រៃក្បែរផ្ទះរាលដាលឆេះដល់ផ្ទះ។ គ្រោះអគ្គីភ័យនេះបានកើតឡើងនៅវេលាម៉ោង ៥និង៣០នាទីល្ងាច ថ្ងៃទី០២ ខែកក្កដា ឆ្នាំ២០១៥ នៅ ភូមិកំពង់ត្រឡាចក្រោម ក្នុងឃុំកំពង់ត្រឡាច ស្រុកកំពង់ត្រឡាច ។
លោកអធិការនគរបាលស្រុកកំពង់ត្រឡាច បានអោយដឹងថា៖ ម្ចាស់ផ្ទះរងគ្រោះខាងលើនេះមាន ប្តីឈ្មោះ ប្រាក់ ចាន់ថន និងប្រពន្ឋឈ្មោះ សុខ សាវិន។នៅ ក្នុងរបាយការណ៏នគរបាលមូលដ្ឋាន បាន
បញ្ជាក់អោយដឹងថា៖ផ្ទះខាងលើនេះមានទំហំ៧ម៉ែត្រ គុណនិង១៥ម៉ែត្រ ធ្វើពីឈើ ប្រក់ស័ង្កសី បាំងជ ញ្ជាំងស្លឹក និងពុំមាមអ្នកណាម្នាក់រងរបួសក្នុងហេតុកាណ៏នោះទេ តែទ្រព្យសម្បត្តិជាច្រើនបានឆេះរងការខូចខាតដោយអគ្គីភ័យនោះ ក្នុងនោះមាន៖ ប្រាក់ខ្មែរ៥លានរៀល ស្រូវ៥តោន មាស១៥តម្លឹង ប្លង់ដី១ច្បាប់ ទូរទស្សន៏១គ្រឿង ធុងបាស១គ្រឿង ម៉ាស៊ីនដេរ១គ្រឿង និងសំភារៈជាច្រើនទៀត។
ចំណែកករណីដែលនាំអោយមានអគ្គីភ័យនេះ គឺបណ្តាលមកពី ស្ត្រីជាម្ចាស់ផ្ទះបានដុតព្រៃដែល
មានចម្ងាយប្រមាណជាង១០ម៉ែត្រពីផ្ទះ និងគាប់ជួនមានខ្យល់បក់មកផងនោះ ទើបណ្តាលអោយភ្លើងព្រៃឆេះរាលដាលដល់ផ្ទះតែម្តង ។
នៅពេលកើតហេតុភ្លាមៗប្រជាពលរដ្ឋក្នុងភូមិបាននាំគ្នាជួយអន្តរាគមន៏ពន្លត់ដែរ តែគ្មានលទ្ឋភាព
ទប់ស្កាត់បាន ព្រោះភ្លើងបានឆេះលឿនណាស់ ដោយសារតែជញ្ជាំងផ្ទះបាំងស្លឹក។ ចំណែករថយន្តពន្លត់អគ្គីភ័យរបស់ស្នងការដ្ឋាននគរបាលខេត្ត ក៏ពុំបានចេញអន្តរាគមន៏ទេ ដោយសារតែអគ្គភ័យបានឆេះតែមួយសន្ទុះអស់ផ្ទះទាំងមូលតែម្តង ម្យ៉ាវិញទៀត កន្លែងកើតហេតុមានចម្ងាយ ជាង៤០គីឡូម៉ែត្រពីស្នងការដ្ឋាននគរបាលខេត្តទើបជួយអន្តរាគមន៍មិនទាន់ ៕