ខេត្តកំពង់ឆ្នាំង៖ប្រជាពលរដ្ឋនៅក្នុងភូមិចុងកោះ សង្កាត់ ផ្សារឆ្នាំង ក្រុងកំពង់ឆ្នាំង ជាច្រើនគ្រួសារ ដែលរស់នៅជាប់មាត់ទន្លេ បានសម្តែងនូវក្តីបារម្មណ៏ជាខ្លាំង ដោយបានលើកគ្នាតវ៉ា ជាមួយលោកមេភូមិដើ
ម្បីទាមទារសុំយកលិខិខជាស្នាមមេដៃរបស់ពួកគាត់ត្រឡប់មកវិញ បន្ទាប់ពីមានលេចឮនូវពាក្យចចាមអារាមថា៖ការផ្តិតយកស្នាមមេដៃរបស់ពួកគាត់ ដែលគ្មានសរសេរ ពីបំណងអោយបានច្បាស់លាស់ កាលពីថ្ងៃទី៣០ ខែមិថុនា ឆ្នាំ២០១៥មុននេះ គឺជាការព្រមព្រាងរុះរើលំនៅដ្ឋានរបស់ពួកគាត់ដែលកំពុងរស់នៅ អោយចេញពីមាត់ទន្លេ។ប៉ុន្តែអាជ្ញាធរភូមិមិនបានបានអះអាងថាៈស្នាមមេដៃទាំងនោះត្រូវខ្យល់ប៉ើងចេញពីម៉ូតូបាត់ទៅហើយ។ការតវ៉ានេះបានធ្វើឡើងនៅសាលាបុណ្យ ភូមិចុងកោះ កាលពីរសៀលថ្ងៃទី០២ ខែកក្កដា ឆ្នាំ២០១៥ ។
ប្រជាពលរដ្ឋម្នាក់ឈ្មោះ នៅ ភាព អាយុ ៥២ឆ្នាំ បាននិយាយថា៖ពួកគាត់លើកគ្នាមកពេលនេះ គឺសុំតវ៉ាយកស្នាមមេដៃដែលបានផ្តិតកាលពីថ្ងៃទី ២៩ និង៣០ ខែមិថុនាត្រឡប់មកវិញ ព្រោះពេលផ្តិតមិនបានបញ្ជាក់ថាធ្វើអីទេ តែលោកអនុភូមិបានបង្ខំថា ចេះតែផ្តិតទៅមិនដែលគេអោយទៅងាប់នោះទេ ទើបអួកគាត់នាំគ្នាផ្តិតទៅ។
បុរសឈ្មោះ ម៉ូវ លីម បានលើកឡើងថា៖ពួកខ្ញុំមកនេះគឺសំណូមពរសុំមេដៃត្រឡប់មកវិញ ព្រោះថា ប្រធានភូមិ និងលោកមេឃុំឆបោកពួកខ្ញុំ ព្រោះពេលផ្តិតមេដៃម្តងថា បើកអំណោយម្តងថា ផ្តិតដើម្បីជំរឿន និងពេលខ្លះទៀតថា ផ្តិតៗទៅ គេមិនអោយយើងទៅងាប់នោះទេ ជួនកាលកត់ឈ្មោះប្តីយកប្រពន្ឋមកផ្តិត ដែលពួកគាត់ភ័យព្រួយខ្លាចជាផ្តិតមេដៃដេញផ្ទះសំបែងពួកគាត់ និងខ្លាចយកស្នាមតដៃទៅកឹបជាប់ជាមួយនិងពាក្យដែលគេរុះរើផ្ទះថា ជាស្នាមមេដៃប្រជាពលរដ្ឋព្រមរុះរើផ្ទះសំបែងចេញដោយខ្លួនឯងផង។ចំណែកផ្ទះពួកខ្ញុំនៅលើគោកជាប់មាត់ទន្លេ មិនមែននៅក្នុងទឹកទេកាលឆ្នាំ២០០០ ដេញពួកខ្ញុំពីក្នុងទឹកមករស់នៅលើគោកជាប់មាត់ទន្លេ ដល់ខ្ញុំមកនៅលើគោកមានការទទួលស្គាល់ពីរាជរដ្ឋាភិបាលហើយមកដេញពួកគាត់ទៀត? ។
ស្ត្រីឈ្មោះ ហួត ពៅ អាយុ៥១ឆ្នាំ មានលើកឡើងថា៖ស្នាមមេដៃទាំងនោះ ប្រាកដជាយកទៅដល់ខេត្តហើយ តែមកកុហកថាស្នាមមេដៃទាំងនោះ ខ្យល់ប៉ើងបាត់អស់ទៅវិញ។ ប៉ុន្តែបើបាត់មែនពួកខ្ញុំជាប្រជាពលរដ្ឋ បានអោយពួកគាត់ជាអាជ្ញាធរទាំង៣នាក់ ធ្វពាក្យបដិសេធន៍ មិនយកស្នាមមេដៃពួកខ្ញុំទៅធ្វើជាឯកសារផ្លូវការណាមួយឡើយ។ស្ត្រីរូបនោះលើកឡើងថា លោក រ៉េះ ទីន សមាជិកក្រុមប្រឹក្សាសង្កាត់ និយាយមួយម៉ាត់ណាក៏ ង៉ែង ហង ដែរគាត់ជារដ្ឋអំណាច មិនគួប្រើពាក្យសំដីបែបនេះឡើយ។
ដោយឡែកលោក យ៉ើ អ៊ីត អនុប្រធានភូមិចុងកោះវិញបាននិយាយថា៖លោកអភិបាលក្រុងបានអោយអាជ្ញាធរភូមិធ្វើជំរឿនកត់ឈ្មោះមេគ្រួសារ និងអោយពួកគាត់ផ្តិតមេដៃផង ពេលពួកគាត់មកធ្វើក៏មានប្រតិកម្មពីប្រជាពលរដ្ឋ ខណៈពេលពួកគាត់ធ្វើទើបបាន៣៦គ្រួសារតែប៉ុណ្ណោះ។ ប្រជាពលរដ្ឋភ័យព្រួយ ខ្លាចយកស្នាមមេដៃពួកគាត់ទៅធ្វើអ្វីមួយដែលអាចអោយមានទោស ចំណែកស្នាមមេដៃនោះគាត់បានធ្វើអោយប៉ើងបាត់ពីម៉ូតូទៅហើយ គាត់មានស្នាមមេដៃអីអោយ មានតែធ្វើលិខិតបដិសេធន៍ មិនទទួលស្គាល់លើស្នាមមេដៃទាំងនោះដើម្បីអោយពួកគាត់ស្ងប់ចិត្ត។
ប្រជាពលរដ្ឋបានសំដែងនៅទុក្ខកង្វល់ថា អាជ្ញាធរមានផែនការបណ្តេញពួកគាត់អោយចេញពីការរស់នៅលើផ្ទះជាប់មាត់ទន្លេ គ្រាដែលប្រជាជនវៀតណាម ជាច្រើនរយគ្រួសារកំពុងរស់នៅលើផ្ទៃទឹកទន្លេមិនទាន់ត្រូវបានចេញពីទន្លេផងនោះ ៕