ខេត្តកំពង់ឆ្នាំង បុរសម្នាក់បានរងរបួសយ៉ាងធ្ងន់ធ្ងរ បន្ទាប់ពីជិៈម៉ូតូលឿនហួសផ្លូវ ហោះទៅបុកនិងរបង ថ្ម នៅលើកំណាត់ផ្លូវជាតិលេខ៥៣ ចំណុចលូទឹក ស្ថិតក្នុង ភូមិម៉ុងបារាំង សង្កាត់ប្អេរ ក្រុងកំពង់ឆ្នាំង នៅ
វេលាម៉ោង ៨ និង៣០នាទី យប់ថ្ងៃទី ០៣ ខែកក្កដា ឆ្នាំ២០១៥ ។
មន្ត្រីនគរបាលក្រុងកំពង់ឆ្នាំង បាននិយាយអោយដឹងថា៖ មុនពេលកើតហេតុ គេបានឃើញជនរងគ្រោះរូបនោះ បានជិៈម៉ូតូ ម៉ាកស៊ុយហ្សុយគីស្មាស់រីវ៉ូ ពណ៏ខ្មៅពាក់ស្លាកលេខ កំពង់ឆ្នាំង 1D. 2682 ក្នុង
ដំណើរ ពីត្បូងទៅជើងតាមបណ្តោយផ្លូវលំ ក្នងល្បឿនយ៉ាងលឿន លុះមកដល់ចំណុចកើតហេតុ ជាផ្លូវឡើងប្រសប់ជាមួយផ្លូវជាតិ ជនរងគ្រោះបានបើកហួសថ្នល់ជាតិ ហោះទៅបុកនឹងរបងថ្ម ដែលមានចម្ងា យប្រមាណ៦ម៉ែត្រ បណ្តាលអោយរងរបួសជាទម្ងន់ និងសន្លប់នៅនឹងកន្លែងតែម្តង។
ក្រោយពេលកើតហេតុភ្លាមៗ គេមិនបានស្គាល់អត្តសញ្ញាណជនរងគ្រោះនោះទេ តែបន្តិចក្រោយមកមានមិត្តភ័ក្រ បានមកដល់ បានអះ អាងថា៖ជនរងគ្រោះទើបតែបែកចេញពីខ្លួនមុននេះបន្តិចស្រាប់តែ
មកជួបគ្រោះថ្នាក់បែបនេះ ដែលមិត្តភ័ក្រជាជនរងគ្រោះមានឈ្មោះ សុទ្ឋ បញ្ញា អាយុ២៣ ឆ្នាំ មានទីលំ នៅ ភូមិស្រះកែវ ឃុំមេលុំ ស្រុកបរិបូរណ៌។
ជនរងគ្រោះត្រូវបានសមត្ថកិច្ចនគរបាលបានហៅរថយន្តរបស់មន្ទីពេទ្យខេត្ត ដឹកយកទៅសង្គ្រោះនៅមន្ទីរពេទ្យខេត្ត ចំណែកម៉ូតូដែលរងការខូចខាងមួយកំណាត់មុខ ត្រូវបានសមត្ថកិច្ចនគរបាលក្រុងកំពង់ឆ្នាំង ដឹកមករក្សាទុកនៅអធិការដ្ឋាននគរបាលក្រុងកំពង់ឆ្នាំង ៕
