ខេត្តព្រះសីហនុ៖សំណង់កំពង់ផែដ៍ធំមួយរបស់ជនជាតិរុស្សីដែលកំពង់ធ្វើការសាងសង់យ៉ាងរលូននៅលើផ្ទៃសមុទ្រនិងដីចំណីឆ្នេរសមុទ្រត្រង់ចណុចតាមបណ្តោយផ្លូវទៅកាន់ទីបញ្ជាការកងទព័ជើងទឹកមូលដ្ឋានសមុទ្រ(មូលដ្ឋានរាម)ស្ថិតនៅក្នុងឃុំរាមស្រុកព្រែនប់ខេត្តព្រះសីហនុនោះកំពង់ត្រូវមហាជនទូទៅធ្វើការរិះគន់ថាកាដ្ឋានសំណង់ កំពង់ផែមួយនេះបានយកផ្លូវសាធារណ៍ប្រើប្រាស់បង្ករឲ្យមានភាព កកស្ទះ ចរាចរណ៍ ជាប្រចាំហើយបច្ចុប្បន្នផ្លូវមួយខ្សែរនៅត្រង់ចំណុចនោះបានរងការខូចខាតមាន ទឹកដក ជោគជាំស្ទើរក្លាយជាផ្លុកក្របីដេកទៅហើយ។ចំណែកឯបរិស្ថាននៅទីនោះវិញគ្មានវាចារនិង ផ្លែងទេគឺកាកសំណល់ក៍ដូចជាកំទេចកំន្ទីនែសំណង់ត្រូវបានគេយកទៅចាក់ចោលលើដីឆ្នេរសមុទ្រមើលទៅដូចជាគំនសំរាមទៅហើយ។
.មន្ត្រីយោធាមួលដ្ឋានសមុទ្ររាមម្នាក់បាននិយាយថាចាប់តាំងពីរកំពង់ផែមួយនោះចាប់ផ្តើមធ្វើការសាងសង់កាលណាមកបានធ្វើឲ្យផ្លូវសាធារណៈចំណុចនោះបង្ករភាពស្មុកស្មាញជាពីសេសនៅពេលមានភ្ញៀវគណៈប្រតិភូចូលទៅមូលដ្ឋានរាមម្តងៗមានភាពកក់ស្ទះចរាចរណ៍រហូតពិបាកធ្វើដំណើរហើយផ្លូវក៍រងការខូចខាតពោរពេញទៅដោយផ្លុកទឹកភក់ជ្រាំគូរឲ្យខ្ពើមរអើមបំផុត។
.ជាមួយគ្នានេះមន្ត្រីយោធាមួលដ្ឋានសមុទ្ររាមដ៍ដែលបានធ្វើសំណូមពរទៅដល់មន្ត្រីជំនាញមន្ទីរសាធារណៈការណ៍និងដឹកជញ្ជូនខេត្តព្រះសីហនុមេត្តាចុះមកពិនិត្យមើលផ្លូវមួយខ្សែរនេះផងជាពិសេសគឺសំណង់កំពង់ផែនេះតែម្តង តើមានច្បាប់សាងសង់ត្រឹមត្រូវដែរឬអស់ពីព្រោះដីចំណុចនេះជាដីឆ្នេរ សមុទ្រសាធារណៈរបស់រដ្ឋ។
.លោក ណុប ហេង ប្រធានមន្ទីរសាធារណៈការណ៍និងដឹកជញ្ជូនខេត្តព្រះសីហនុបានធ្វើការ បញ្ជាក់ថាសំណង់កំពង់ផែនេះមិនទាន់មានច្បាប់គ្រាប់គ្រាន់នោះឡើយប៉ុន្តែរកន្លងមកទីតាំងចំណុចនេះក៍ធ្លាប់មានការសុំច្បាប់ធ្វើការសាងសង់ជាផែសំរាប់ចតទូកនិងដឹកសំភារៈសំណង់បន្តិតបន្តូចទៅកាន់ដីកោះពីរមន្ទីររបស់លោកដែរ តែមិនមែនបានន័យថាអនុញាត្តិឲ្យធ្វើការសាងសង់ជាកំពង់ផែក្នុងទ្រុង ទ្រាយ ធំដូចនេះទេ។
.ពាក់ពន្ធ័ទីតាំងដីចំណុចខាងលើនេះបើតាមមន្ត្រីអាជ្ញាធរមូលដ្ឋានឃុំរាមបានប្រាប់ឲ្យដឹងថាដីតំបន់កំពង់សាងសង់កំពង់ផៃខាងលើនោះមិនមានប្លង់កម្មសិទ្ធិអ្វីទេហើយក៍មិនអាចធ្វើប្លង់កម្មសិទ្ធិបាននោះដែរពីព្រោះដីទីតាំងចំណុចនេះជាដីឆ្នេរសមុទ្រសាធារណៈ។មន្ត្រីអាជ្ញាធរមូលដ្ឋានឃុំរាមដ៍ដែលបានបន្តប្រាប់ឲ្យដឹងទៀតថាដីចំណុចខាងលើនេះដើមឡើយត្រូវបានមន្ត្រីយោធាមូលដ្ឋានសមុទ្ររាមម្នាក់ដឹកដីចាក់លុបចូលសមុទ្ររាប់រយឡានរូចហើយលក់ទៅឲ្យជនជាត់រុស្សីម្នាក់ក្នុងតំលៃ២២ម៉ឺនដុល្លាសហរដ្ឋអាមេរិក។ជនជាតិរុស្សីដែលបានទឹញដីខាងលើក្រោយពីទិញដីនេះរូចក៍បានចាប់ផ្តើមធ្វើការសាងសង់កំពង់ផៃសំរាប់ចតទូកចតអូរប័រចាក់គ្រិះយ៉ាងរឹងមាំលយចូលទៅក្នុងសមុទ្រប្ថែមទៀតរហូតមកដល់បច្ចុប្បន្ននេះតែម្តងទៅ។
គូររំលិកឡើងវិញផងដែរថាដោយសារតែភាពធូរលុងក្នុងការគ្រប់គ្រងដីតំបន់ឆ្នេរសមុទ្រជាហេតុធ្វើឲ្យដីឆ្នេរសមុទ្រជាច្រើននៅក្នុងខេត្តព្រះសីហនុបានក្លាយជាកម្មសិទ្ធិបុគ្គល់ដោយខុសច្បាប់អស់ទៅហើយគូរឲ្យសោកស្តាយបំផុត៕