បន្ទាយមានជ័យៈ បុរសជាឪពុកបង្កើតម្នាក់ត្រូវបានសមត្ថកិច្ចឃាត់ខ្លួន ភ្លាមៗ បន្ទាប់ពីកូនស្រីខ្លួនប្តឹងទៅមេភូមិ ព្រោះតែទង្វើរចាប់រំលោភសេពសន្ថវៈ បានសម្រេចជាច្រើនដង ។
តាមការអោយដឹងពីអាជ្ញាធរឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ បានអោយដឹងថា កាលបីព្រឹកម៉ោង៨ ថ្ងៃទី០៧ កក្កដា ២០១៥ មេភូមិភ្នំលៀបជើង ត្រូវបានក្មេងស្រីឈ្មោះ ឈ,ស,ន អាយុ១៧ឆ្នាំ បានមកប្តឹងថា ខ្លួនត្រូវឪពុកបង្កើតរបស់ខ្លួនចាប់រំលោភ បានសម្រេចជាច្រើនដង ក្នុងរយៈពេល២ឆ្នាំមកនេះ ។ ដោយទ្រាំនិងភាពឈឺចាប់នេះពុំបានទើបមកប្តឹងអោយអាជ្ញាធរជួយ ។ ក្រោយពីទទួលបានបណ្តឹងផ្ទាល់មាត់ពីក្មេងស្រីរងគ្រោះ អាជ្ញាធរឃុំភ្នំលៀបសហការជាមួយស្នាក់អាវុធហត្ថ៦៦៦ប្រចាំភ្នំលៀប ឃាត់ខ្លួនជនសង្ស័យជាឪពុកដែលមានឈ្មោះ រឹត ម៉ៅ អាយុ៣៧ឆ្នាំ នៅភូមិភ្នំលៀបជើង ឃុំភ្នំលៀប ស្រុកព្រះនេត្រព្រះ ខេត្តតបន្ទាយមានជ័យ បញ្ជូនបន្តបន្ទាប់ពីអាវុធហត្ថស្រុកព្រះនេត្រព្រះមកអាវុធហត្ថខេត្តបន្ទាយមានជ័យ ។
តាមរយៈការឃាត់ខ្លួននេះជនសង្ស័យ នៅចំពោះមុខអាជ្ញាធរសមត្ថកិច្ចបានសារភាពថា ខ្លួនគេបានរំលោភកូនស្រីរបស់ខ្លួនបានចំនួន២ដងដោយឆ្នាំមុនម្តង និងឆ្នាំនេះម្តង ។
ក្មេងស្រីរងគ្រោះជាក្មេងកំព្រាម្តាយនៅជាមួយឪពុក និងម្តាយចុង ។
តាមរយៈទង្វើរឪពុករំលោភកូនឯនេះ ប្រជាពលរដ្ឋក្នុងឃុំភ្នំលៀប បាននិយាយតតគ្នាថា អាជ្ញាធរសមត្ថកិច្ចគួរតែដាក់ទោសទៅលើជនសង្ស័យអោយបានធ្ងន់ធ្ងរព្រោះថា វាជាទង្វើអាក្រក់ដែលពុំអាចទទួលយកបាន ៕