សៀមរាប : ប្រជាពលរដ្ឋ ចំនួន ៣៨ នាក់ ក្នុងនោះស្រី ១៦ នាក់ រស់នៅក្នុងភូមិ អញ្ចាញ សង្កាត់ នគរធំ ក្រុងសៀមរាប កាលពីព្រឹកថ្ងៃទី ០៨ ខែ កក្តដា ឆ្នាំ ២០១៥ នេះ បានចូលរួមក្នុងពិធីផ្សព្វផ្សាយស្តីពីការអនុវត្តគោលនយោបាយភូមិឃុំមានសុវត្ថិភាព ដែលមានលក្ខណះសម្បត្តិទាំង ៩ យ៉ាង ក្រោមការផ្សព្វផ្សាយនិងពន្យល់ណែនាំបន្ថែមលំអិតពីសំណាក់ លោកអនុសេនីយ៍ឯក យ៉ូម យ៉ាត់ នាយប៉ុស្តិ៍នគរបាលរដ្ឋបាលសង្កាត់ នគរធំ ក្រុងសៀមរាប ។ ដោយពិធីផ្សព្វផ្សាយនេះធ្វើឡើងគឺក្នុងគោលបំណងដើម្បីឲ្យបងប្អូនទាំងអស់បានយល់ដឹងកាន់តែច្បាស់បន្ថែមទៀតដើម្បីយើងរួមគ្នាពិភាក្សារកគន្លឹះល្អៗយកទៅអនុវត្តបន្តក្នុងការបង្ការទប់ស្កាត់និងធ្វើការបង្ក្រាបឲ្យបានទាន់ពេលវេលានៅរាល់បទល្មើសដើម្បីយើងធានាបាននូវ
ការកាត់បន្ថយបទល្មើសគ្រប់ប្រភេទដែលនៅសេសសល់បន្តិបន្តួចអោយអស់ពីភូមិឃុំរបស់យើង។ ដោយលោកអនុសេនីយ៍ឯក យ៉ូម យ៉ាត់ នាយប៉ុស្តិ៍នគរបាលរដ្ឋបាលសង្កាត់ នគរធំ ក្រុងសៀមរាប ក៏បានធ្វើការសំណូមពរដល់បងប្អូនទាំងអស់ត្រូវតែមានចិត្តក្លាហានក្នុងការជួយផ្តល់ ព័ត៍មានមកដល់សមត្ថកិច្ចនិងអាជ្ញាធរមានសមត្ថកិច្ចគ្រប់លំដាប់ថ្នាក់នៅពេលដែលបានឃើញឫក៏មានការសង្ស័យនូវករណីទាំង៩ ចំណុចក្នុងការអនុវត្តគោនយោបាយភូមិឃុំមានសុវត្ថិភាពនេះត្រូវប្រញាប់ ទំនាក់ទំនងមកដល់សមត្ថកិច្ចនិងអាជ្ញាធរមានសមត្ថកិច្ចដែលអាចធ្វើទៅបានឲ្យបានទាន់ពេលវេលាដើម្បីជាភាពងាយស្រួលដល់សមត្ថកិច្ចជំនាញចុះប្រតិបត្តិការណ៍ធ្វើការបង្ក្រាបឲ្យបានឆាប់រហ័សផងដែរ ៕
ដោយ លោក ស៊ាន ជី
