ខេត្តប៉ៃលិន ៖ បុរសម្នាក់ បានរងរបួសផ្នែកចង្កេះធ្ងន់ធ្ងរ ត្រូវបានរថយន្តសមត្ថកិច្ចនគរបាលដឹកយកទៅសង្គ្រោះនៅមន្ទីរពេទ្យបង្អែកខេត្ត ខណៈពេលជិះម៉ូតូឆ្លងផ្លូវក៏ត្រូវបានរថយន្តយីឌុបមិនស្គាល់ម៉ាកបុកពេញទំហឹងតែម្តង ។ ហេតុការណ៏គ្រោះថ្នាក់ចរាចរណ៏នេះ បានកើត
ឡើងកាលពីវេលាម៉ោង១១និង៣០នាទីព្រឹកថ្ងៃទី១២ ខែកក្កដា ឆ្នាំ២០១៥ លើកំណាត់ផ្លូវលំក្រវ៉ាត់ក្រុង ក្នុងភូមិក្បាលព្រលាន សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន ។ជនរងគ្រោះដែលគ្រោះថ្នាក់ចរាចរណ៏មានឈ្មោះ ឌឿន ឌៀ ហៅញ៉ាញ ភេទប្រុស អាយុ២៦ឆ្នាំ ជាកម្មករ រងរបួសចង្កោះ រស់នៅភូមិដីក្រហម សង្កាត់អូរតាវ៉ៅ ក្រុងប៉ៃលិន បើកបរម៉ូតូម៉ាកវីវ៉ា ពណ៌ខ្មៅ ស៊េរីឆ្នាំ២០១០ អត់ស្លាកលេខ ម៉ូតូរងការខូចខាតផ្នែកខាងក្រោយ ។ ចំណែករថយន្តយីឌុបមិនស្គាល់ម៉ាក ក្រោយពេលកើតហេតុ បន្ថែមល្បឿនដាក់មេប្រូចគេចបាត់ស្រមោល ។ប្រភពព័ត៌មានពីនគរបាលចរាចរណ៏បានឲ្យដឹងថា៖ ជនរងគ្រោះឈ្មោះ ឌឿន ឌៀ ហៅញ៉ាញ ភេទប្រុស អាយុ២៦ឆ្នាំ ជាកម្មករ រងរបួសចង្កោះ រស់នៅភូមិដីក្រហម សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន, ចំណែករថយន្តយីឌុបមិនស្គាល់ម៉ាក ក្រោយពេលកើតហេតុ បន្ថែមល្បឿនដាក់មេប្រូចគេចបាត់ស្រមោល ។ ប្រភពបន្តថា៖ មុនពេលកើតហេតុ គេឃើញជនរងគ្រោះបើកម៉ូតូ ក្នុងទិសដៅពីលិចទៅកើត លុះមកដល់ត្រង់ចំណុចផ្លូវបំបែក ស្រាប់តែជនរងគ្រោះបានបើកឆ្លងផ្លូវដោយមិនប្រុងប្រយ័ត្ន ខណៈរថយន្តបង្កកំពុងបើកបរក្នុងល្បឿយ៉ាងលឿន ក្នុងទិសដៅពីជើងទៅត្បូង បុកចំគូទម៉ូតូពេញទំហឹង បណ្តាលឱ្យរងរបួសធ្ងន់សន្លប់នៅនឹងកន្លែងតែម្តង ។
បច្ចុប្បន្នជនរងគ្រោះត្រូវបានបញ្ជូនទៅសំរាកព្យាបាលនៅមន្ទីពេទ្យបង្អែកខេត្តប៉ៃលិន ចំណែករថយន្តមិនស្គាល់អត្តសញ្ញាណបានរត់គេចខ្លួនបាត់ស្រមោល ម៉ូតូជនរងគ្រោះរក្សាទុកនៅស្នងការនគបាលខេត្តប៉ៃលិន ៕
