បន្ទាយមានជ័យ៖ លោក ឡាំ ប៊ុនថន ប្រធានការរិយាល័យគយច្រកទ្វារតំបន់បឹងត្រកួនត្រូវបានរងការរិះគុណដាក់ប៉ុស្តិ៍ជជុសតាមផ្លូវដែលមិនមែននៅមាត់ច្រកយកលុយពីឈ្មួញដឹកកសិផលនាំចេញទៅលក់នៅប្រទេសថៃ តាមច្រករបៀងក្នុងភូមិសាស្ត្រស្រុកថ្មពួកខេត្តបន្ទាយមានជ័យ ។ទីតាំងដែលគយច្រកទ្វារតំបន់បឹងត្រកួនដាក់ប៉ុស្តិ៍ចាំយកលុយពីឈ្មួញនាំចេញនាំចូលទំនិញគេចពន្ធឬក៍កសិផលនោះស្ថិតនៅតាមផ្លូវទៅកាន់ច្រកបឹងត្រកួនក្នុង ឃុំគោករមៀត ស្រុកថ្មពួក ដែលចម្ងាយពីច្រកបឹងត្រកួនប្រមាណជា៦គីឡូមែត្រ ។តាមការរៀបរាបរបស់ឈ្មួញនាំស្រូវចេញទៅលក់អោយថៃ តាមច្រករបៀងមួយនាក់ដែលសុំមិនបញ្ចេញឈ្មោះបានធ្វើការចោទប្រកាន់ទៅលើ មេគយច្រកតំបន់បឹងត្រកួនថាបានប្រើមនុស្សមិនមែនជាមន្ត្រីគយ(ចៃគយ)ចាំស្ទាករថយន្តដែលដឹកទំនិញកសិផលដូចជា ស្រូវ ដំឡូងយកលុយតាមរយះការដាក់កុងត្រូលជជុសមួយកន្លែងដែលឆ្ងាយពីមាត់ច្រកទ្វារតំបន់បឹងត្រកួន ក្នុងឃុំគោរមៀត ។ សម្រាប់កសិផលដែលបានរៀបរាប់នេះ ក្នុងមួយរថយន្តយីឌុប ត្រូវបង់លុយជូនមន្ត្រីគយតាមរយៈចៃគយដែលប្រចាំការនៅទីនោះ ៥០០បាត ឬ៥ម៉ឺនរៀល ចំនែករថយន្តកង់៦គឺបង់៣ម៉ឺនរៀល ។ក្រៅពីកសិផលដែលនាំចេញទៅលក់នៅប្រទេសថៃ សូម្បីតែទំនិញបន្តិចបន្ទួចដែលប្រជាពលរដ្ឋ ទៅទិញពីប្រទេសថៃយកមកលក់នៅតាមផ្ទះ ក៏ត្រូវតែបង់លុយដែរ បើមិនព្របង់លុយដូចការកំណត់ខាងលើ នោះគេនឹងឃាត់រថយន្តមិនអោយទៅណាឡើយ ។ តែបើរថយន្តកាមារីដឹកទំនិញគេចពន្ធដូចជា ហ្គាស ទំនិញចាហួយ និងទំនិញគេចពន្ធជាច្រើនទៀតដែលបានបង់លុយជូនមន្ត្រីគយគឺអាចចរាចរបានយ៉ាងងាយស្រួល ។ឆ្លើយតបនិងការចោតប្រកាន់នេះលោក ឡាំ ប៊ុនថន ប្រធានការិយាល័យគយច្រកទ្វារតំបន់បឹងត្រកួន បានធ្វើការបដិសេធថា គ្មានការកាក់រថយន្តដឹកកសិផលយកលុយដូចដែលបានលើកឡើងខាងលើនោះទេ ហើយលោកក៏គ្មានប៉ុស្តិ៍សម្រាប់កាក់រថយន្តដែល តែលោកមានក្រុមការងារចល័ត២ក្រុម សម្រាប់ត្រួតពិនិត្យទំនិញ ។
សូមបញ្ចាក់ថា តំបន់ព្រំដែនកម្ពុជាថៃ ដែលស្ថិតនៅក្នុងព្រំប្រទល់ស្រុកថ្មពួក ក្នុងមួយថ្ងៃ ៗ មានទំនិញកសិផលរបស់កម្ពុជាជាច្រើនដូចជា ស្រូវដំឡូង បានចរាចរនាំចេញទៅលក់នៅប្រទេសថៃ ហើយផ្ទុយនិងការនាំចេញ ក៏មានទំនិញនាំចូលពីប្រទេសថៃស្ទឺគ្រប់ប្រភេទ ដែលភាគច្រើនត្រូវបានឈ្មួញត្រូវរូវជាមួយសមត្ថកិច្ចព្រំដែន នាំចូលដោយគ្មានការបង់ពន្ធ បន្តមកទីរួមខេត្តបន្ទាយមានជ័យ ។