ខេត្តឧត្តរមានជ័យ៖បញ្ហាទំនាស់ដីធ្លីដ៏រ៉ាំរៃ ស្ថិតនៅចំណុចអូរអំបិល ភូមិអូរតាម៉េង ឃុំអន្លង់វែង ស្រុកអន្លង់វែង ខេត្តឧត្តរមានជ័យ ប្រជាពលរដ្ឋជាង ៣៥០គ្រួសារ ដែលបានចាញ់បោកគេមកទិញដី និងបានមករស់នៅកាប់រុករានដីព្រៃ នៅលើដីហាមឃាត់របស់រដ្ឋ គូលែន-ព្រហ្មទេព។ នៅពេលនេះ ពួកគាត់បានទទួលដំណោះស្រាយពីអាជ្ញាធរខេត្ត បានវាស់វែង ឃ្វាលក្បាលដី
ជួនពួកគាត់ និងបានប្រកាសបិទផ្សាយជាសាធារណៈ ចាប់ពីថ្ងៃទី១៧ ខែកក្កដា ឆ្នាំ២០១៥។
អាជ្ញាធរខេត្ត ចុះបិទផ្សាយក្បាលបញ្ចប់ការវាស់វែងដី ជូនប្រជាពលរដ្ឋនៅចំណុចអូរអំបិល ក្រោមអធិបតីភាពឯកឧត្តម វ៉ាត ប៉ារ៉ានីន អភិបាលរងខេត្តឧត្តរមានជ័យ តំណាងឱ្យឯកឧត្តម ស ថាវី បានដឹកនាំមន្ត្រីជំនាញភូមិបាលស្រុក និងគណៈកម្មការ ដោះស្រាយដីធ្លីថ្នាក់ខេត្ត និងថ្នាក់ស្រុក។បញ្ហាចម្រោងចម្រាស់រវាងប្រជាពលរដ្ឋចំណាក់ មករស់នៅចំណុចអូរអំបិល និងកងកម្លាំងប្រដាប់អាវុធ ការពារព្រៃដែនជម្រកសត្វព្រៃគូលែន-ព្រហ្មទេព។ តាំងពីឆ្នាំ២០០៧ មក នឹងបានដុតបំផ្លាញផ្ទះខ្ទមស្បូវរបស់ប្រជាពលរដ្ឋ ពីសំណាក់កងកម្លាំង ដោយសារតែពួកគាត់ព្យាយាមសាងសង់ នៅតំបន់ព្រៃស្អាក់នេះ។ ដោយចំពោះបញ្ហានេះ តំណាងរបស់ប្រជាពលរដ្ឋចំនួន ៣៥០គ្រួសារ បានតវ៉ាប្តឹងអាជ្ញាធរ ដល់ស្ថាប័នកំពូលនានា ក្នុងប្រទេស ដើម្បីជួយអន្តរាគមន៍។ក្នុងឱកាសចុះសំណេះសំណាលជាមួយប្រជាពលរដ្ឋចំនួន ៣៥០គ្រួសារ នៅចំណុចអូរអំបិល ឯកឧត្តម វ៉ាត់ ប៉ារ៉ានីន បានមានលើកឡើងថា អាជ្ញាធរខេត្ត មានគោលការណ៍ដោះស្រាយ វាស់វែងដីធ្លី តែចំពោះប្រជាពលរដ្ឋមានដីអាស្រ័យផល និងដីលំនៅដ្ឋានពិតប្រាកដប៉ុណ្ណោះ។ ហើយគណៈកម្មការវាស់វែងដី សុំឱ្យម្ចាស់ដី ចុះបោះបង្គោលព្រំដីឱ្យបានច្បាស់លាស់។ ហើយបន្ទាប់ពីបញ្ចប់ការវាស់វែង រួចក្រុមការងានឹងធ្វើប័ណ្ណកាន់កាប់ដីធ្លីបណ្តោះអាសន្ន។ឯកឧត្តមបានបន្តថា ការប្រកាសបិទផ្សាយក្បាលដីដែលបានវាស់រួចមួយចំនួនប៉ុណ្ណោះ និងបានបិទប្រកាសបញ្ជីឈ្មោះដែលបានប្តឹងតវ៉ា មកបង្ហាញទីតាំងដីពិ
ប្រាកដ ហើយគណៈកម្មការនឹងធ្វើការវាស់វែងជូន។ ដោយឡែកសំរាប់ប្រជាពលរដ្ឋ ដែលមានឈ្មោះប្តឹងតវ៉ាទៅអាជ្ញាធរទាមទារដីធ្លីនៅចំណុចអូរអំបិលនេះ ក្នុងចំនួន ៣៥០គ្រួសារ ផ្ទុយទៅវិញ មានតែឈ្មោះ តែពុំមានដីរបស់ខ្លួន អាជ្ញាធរក៏ពុំមានគោលការណ៍ ដោះស្រាយនោះឡើយ។ឯកឧត្តមបញ្ជាក់ថា អាជ្ញាធរធ្វើបែបនេះ ព្រោះនៅមានជនខិលខូចមួយចំនួន បានយកប្រើប្រាស់ឈ្មោះរបស់ប្រជាពលរដ្ឋ ទៅប្តឹងអាជ្ញាធរ ដែលប្រជាពលរដ្ឋទាំងនោះ ភាគច្រើន គឺពុំមានដីកាន់កាប់អាស្រ័យផលពិតប្រាកដនោះទេ ហើយដល់ពេលឱ្យបង្ហាញដីបែបជាថា គ្មានដីទៅវិញ៕
