ខេត្តបន្ទាយមានជ័យ បុរស់ម្នាក់ជិះម៉ូតូបញ្ច្រាសទិសត្រូវបានរថយន្តពាក់ស្លាកលេខ ខ ម បុកពេញទំហឹងបណ្តាលឲ្យបាក់ស្មងជើង៣កំណាត់នៅកន្លែងកើតហេតុក្រោយពីកើតហេតុបុកកេបាក់ជើងរួចបើករថយន្តចុះគេចខ្លួនបាត់តែម្តង។ហេតុការណ៍គ្រោះថា្នក់ចរាចរណ៍នេះកើតឡើងនៅមេលាម៉ោង២រសៀលថ្ងៃទី១៩ខែកក្កាដាឆ្នាំ២០១៥នៅចំណុចខាងត្បូងជាប់រង្វង់មូលដៃ៨ទល់មុខកងរាជអាវុធហត្ថ នៅភូមិគោរដ្ឋាន សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ។លោកវរះសេនីយ៍ទោ សនគីមសួគ៍ នាយការិយាល័យចរាចរណ៍ខេត្តបន្ទាយមានជ័យបានឲ្យដឹងថាជនរងគ្រោះមានឈ្មោះ ធឿត ប្រុសអាយុ៣៣ឆ្នាំរស់នៅភូមិឈ្នួ
មានជ័យ ឃុំឈ្នួមានជ័យ ស្រុកព្រះនេត្រព្រះ ខេត្តបន្ទាយមានជ័យ។លោកសួគ៍បាននិយាយបន្តថាមុនពេលកើតហេតុមានរថយន្តមួយគ្រឿងម៉ាកឡង់គ្រឺស័រព៌ណសំបកឳឡឹកពាក់ស្លាកលេខ ខេមរភូមិន្ទ ២.៣៤១៥បើកយ៉ាងលឿនពីលិចមកកើតលុះបើកមកដល់ចំណុចរង្វង់មូលដៃ៨ស្របពេលនោះជនរងគ្រោះបានជិះមា៉កហុងដាទ្រីមសេ១២៥ព៌ណខ្មៅពាក់ស្លាកលេខ បាត់ដំបង ១B២១៦៥បើកពីកើតទៅលិចច្រាសទិសគ្នាលុះបើកមកដល់រង្វង់មូលនោះក៏បត់ទៅឆ្វេងដៃក៏ត្រូវរថយន្តនោះបុកពេញទំហឹងតែម្តងបណ្តាលឲ្យបាក់ស្មងជើង៣កំណាត់ភ្លាមៗនោះត្រូវបានរថយន្តសង្គ្រោះរបស់កងរាជអាវុធហត្ថដឹកទៅមន្ទីរពេទ្យមិត្តភាព កម្ពុជា ជប៉ុនដើម្បីសង្គ្រោះជីវិតចំណែករថយន្តដឹងថាបុកគេហើយបានបើកទៅមុខយ៉ាងលឿនហើយឈប់រថយន្តចុះគេចខ្លួនបាត់ស្រមោលតែម្តង។លោកសួគ៍បានបន្តទៀត ថារថយន្តរបស់ជនល្មើសដែលលួចពាក់ស្លាក ខ ម ខុសច្បាប់នោះត្រូវបាននគបាលចរាចរណ៍អូសយកទៅទុកនៅស្នងការដើម្បីចាត់ការទៅតាមផ្លូវច្បាប់នៅថ្ងៃក្រោយ៕
