ខេត្តបន្ទាយមានជ័យ ស្រីវ័យក្មេងម្នាក់អង្គុយលក់ក្រឡាននៅចិញ្ចើមលើថ្នាល់ជាតិលេខ៥សុខៗស្រាប់តែមានរថយន្តកាមរីបើកជៀសនិងគោយន្តកន្ត្រៃបុកស្លាប់ភ្លាមនៅនិងកន្លែងកើតហេតុ។ហេតុការគ្រោះថ្នាក់ចរាចរដ៏គួរឲ្យរន្ធត់នោះបានកើតឡើងនៅវេលាម៉ោង១២ថ្ងៃត្រង់ថ្ងៃទី១៩ខែកក្កដាឆ្នាំ២០១៥នៅផ្លូវជាតិលេខ៥ត្រង់ចំណុចអ្នកលក់ក្រឡាន ភូមិគោកទំលាប់ ឃុំបន្ទាយនាង ស្រុកមង្គលបូរី ខេត្តបន្ទាយមានជ័យ។លោកសីុឌីអធិការនគបាលស្រុកមង្គលបូរីបានឲ្យដឹងថាជនរងគ្រោះមានឈ្មោះ ផាត់រស្មី ស្រីអាយុ២៣ឆ្នាំមុខរបលក់ក្រឡាន រស់នៅភូមិ គោកទំលាប់ ឃុំបន្ទាយនាង ស្រុកមង្គលបូរី ខេត្តបន្ទាយមានជ័យ។លោកសីុឌីបាននិយាយបន្តថាមុនពេលកើតហេតុមានរថយន្តមួយគ្រឿងម៉ាកកានរី សេរី៩៨ព៌ណឆ្លូញ ពាក់ស្លាកលេខ ភ្នំពេញ ២F៣៦៨៨បើកបរដោយឈ្មោះ ឡាន់ចិន្តា ប្រុសអាយុ២៤រស់នៅភូមិគោកទំលាប់ ឃុំបន្ទាយនាង ស្រុកមង្គលបូរីបានជិះរថយន្តនៅតាមផ្លូវជាតិលេខ៥ពីជើងទៅត្បូងលុះបើកមកដល់ចំណុចកើតហេតុក៏ឡើងវ៉ាគោយន្តកន្ត្រៃបើកស្របទិសគ្នាក៏រេចង្កូតទៅបុកនិងជនរងគ្រោះដែលអង្គុយលក់ក្រឡាននៅលើចិញ្ចើមថ្នាល់ជាតិនោះពេញទំហឹងបណ្តាលឲ្យស្លាប់ភ្លាមនៅនិងកន្លែងកើតហេតុតែម្តង។រថយន្តមុខខ្ទេចអស់ចំណែកអ្នកបើកគ្មានរបួសនោះទេត្រូវនគបាលចរាចរណ៍ធ្វើការឃាត់ខ្លួន។ទាំងរថយន្តទាំងម្ចាស់ត្រូវបាននគបាលចរាចរណ៍អូសយកទៅរក្សាទុកនៅអធិការនគបាលស្រុកមង្គលបូរីដើម្បីរង់ចាំដោះស្រាយទៅតាមផ្លូវច្បាប់៕