ខេត្តក្រចេះ៖ ជនសង្ស័យចំនួន ៥នាក់ក្នុងចំណោមបក្ខពួក៧នាក់ ដែលសុទ្ឋសឹងជាមុខសញ្ញាប្រើប្រាស់គ្រឿងញៀន ត្រូវបានសមត្ថកិច្ចបញ្ជួនខ្លួនទៅសាលាដំបូងខេត្តកាលពីព្រឹកថ្ងៃ ទី១៩ ខែកក្តដា ឆ្នាំ២០១៥នេះ លើករណីឃាតកម្ម ព្រួតវាយចាក់សម្លាប់បុរស់ម្នាក់ នៅក្នុងឃុំកំពង់ដំរី ស្រុកឆ្លូង កាលពីពេលកន្លងទៅ ។កាបញ្ជូនខ្លួនជនទាំង៥នាក់ខាងលើនេះធ្វើបន្ទាប់ពី មន្ត្រីនគរបាលស្រុកឆ្លូង ធ្វើឃាត់ខ្លួនបាន កាលពី ថ្ងៃទី១៦ ខែកក្កដា ឆ្នាំ២០១៥ បន្ទាប់ពីពួក គេបានធ្វើសកម្មភាពព្រួតវាយ ចាក់សម្លាប់ជនរងគ្រោះ ឈ្មោះ ទូច ទឿន អាយុ២០ឆ្នាំ មានទីលំនៅ ស្រុកតំបែរ ខេត្តត្បូងឃ្មុំ បានមកស្នាក់នៅធ្វើការក្នុង ឃុំកំពុងដំរី ស្រុកឆ្លូង ហើយជនរងគ្រោះ ត្រូវបានស្លាប់ពេលដែលបញ្ជូនទៅសង្គ្រោះ នៅមន្ទីរពេទ្យបង្អែកខេត្ត ។
ក្រុមជនសង្ស័យទាំង៥នាក់មាន ១.ឈ្មោះ អ៊ាត ហើម អាយុ១៩ឆ្នាំ ទី២.ឈ្មោះ ឆន ផែន អាយុ២០ឆ្នាំ ទី៣.ឈ្មោះ យ៉ុន ស៊ីណាត អាយុ ១៤ឆ្នាំ ទី៤.ឈ្មោះឈ្មោះ ឆន ផាត អាយុ២៦ឆ្នាំ និងទី៥.កូល វ៉ាន់ អាយុ២០ឆ្នាំ គឺជាជនដៃដល់ ជនសង្ស័យទាំងនេះ រស់នៅក្នុង ភូមិកើតហេតុខាងលើ ។
សមត្ថកិច្ចបញ្ជាក់ថា យោងតាមសចម្លើយរបស់ជនសង្ស័យ ឈ្មោះ កូល វ៉ាន បានឲ្យដឹងថា កន្លងទៅ រូបគេធ្លាប់មានការគុំគួនជាមួយ និងជនរងគ្រោះ បន្ទាប់ពីជនរងគ្រោះ តែងតែបបួលរូបគេទៅជក់ ថ្នាំញៀនច្រើនលើកច្រើនសារពេក ហើយនៅយប់កើតហេតុមាន ពិធីរាំធុងបាស់ក្នុងភូមិ ពួកគេក៏បានស្ទាក់ ផ្លូវជនរងគ្រោះ និងបាននាំគ្នាព្រួតវាយ រហូតឈានដល់ការចាក់សម្លាប់ ជនរងគ្រោះដោយដែករឹង បណ្តាលឲ្យមុតជ្រៅក្រោមឆ្អឹងជំនីខាងមុខ និង ត្រូវបានស្លាប់ខណះពេលបញ្ចូនទៅ កាន់មន្ទីរពេទ្យ។
មន្ត្រីនៃអធិការនគរបាលស្រុកឆ្លូង បានឲ្យដឹងថា ជនសង្ស័យមានគ្នា ចំនួន៧នាក់ ដោយឡែកដៃដល់មាន២នាក់នៅក្នុងករណីឃាត់កម្មខាងលើនេះ គឺឈ្មោះកូល វ៉ាន់ អាយុ២០ឆ្នាំ ត្រូវបានឃាត់ខ្លួនក្នុង៥អ្នកខាងលើ និងម្នាក់ស្ថិតនៅក្នុងចំណោម២នាក់ដែលកំពង់រត់គេចខ្លួន ។
ក្រុមជនសង្ស័យក្មេងស្ទាវ ទាំងត្រូវបានសមត្ថកិច្ចជំនាញ កសាងសំណុំរឿងបញ្ជូនទៅកាន់សាលាដំបូងខេត្ត កាលពីព្រឹកថ្ងៃទី១៩ កក្តដា ដើម្បីចាត់ការបន្តតាមនិតិវិធីច្បាប់ ដោយឡែកចំពោះបក្ខពួក ២នាក់ផ្សេងទៀត ដែលរត់គេច ក៏កំពុងតែតាមស្រាវជ្រាវតាមចាប់ខ្លួនផងដែរ៕
