បន្ទាយមានជ័យ៖ យ៉ាងហោចណាស់កម្មករសំណង់ពីរនាក់ម្នាក់ស្លាប់ និងម្នាក់ទៀតរងរបួសធ្ងន់ ខណ:កំពុងរៀបចំដាក់អន្ទា (ជណ្តើរជាន់ផ្សារឬលាបថ្នាំ)ប៉ះខ្សែភ្លើង បណ្តាលអោយឆក់កាលពីវេលាម៉ោង ៨ព្រឹកថ្ងៃទី២០ ខែកក្កដា ឆ្នាំ២០១៥ នៅការដ្ឋាន សំណង់កាណាឌីយា ក្នុងដីប្លុកអក្សរអ៊ុយ ស្ថិតក្នុងភូមិ៣ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។
លោក ស៊ីវ សុជាតិ អធិការក្រុងសិរីសោភ័ណ បានឲ្យដឹងថា ជនរងគ្រោះដែលត្រូវបានចរន្តអគ្គី សនីឆក់ស្លាប់មានឈ្មោះ សូន្យ វ៉ៃ ភេទប្រុស អាយុ២១ឆ្នាំ និង ជនរងគ្រោះម្នាក់ទៀតរងរបួសធ្ងន់ ឈ្មោះ ហ៊ីង ចេស ភេទប្រុស អាយុ៣៤ឆ្នាំ អ្នកទាំង២ មានស្រុកកំណើតនៅភូមិឈូក ឃុំត្រម៉ែង ស្រុកឈូក ខេត្តកំពត បច្ចុប្បន្នរស់នៅក្នុងទីតាំងការដ្ឋានសំណង់ ខាងលើដូចគ្នា ។ លោកបន្តថា មុនកើតហេតុជនរង គ្រោះទាំង២នាក់បាននាំគ្នាដោះអន្ទាដែកដាក់តគ្នាឡើងទៅលើ លុះនាំគ្នាលើកដាក់មកលើដីក៍ប៉ះនិងខ្សែ ភ្លើងដែល ដាក់បណ្តាលអោយឆ្លង់ចរន្តឆក់ស្លាប់ នៅនឹងកន្លែងកើតហេតុតែម្តង ចំណែកម្នាក់ទៀត ត្រូវបានកម្មកដឹកយកពេទ្យក្បែនោះសង្គ្រោះបន្ទាន់។ បច្ចុប្បន្នសពជនរងគ្រោះ ម្នាក់ដែលស្លាប់ត្រូវបាន ប្រពន្ធ និងសាច់ញាតិ បញ្ជូនទៅធ្វើបុណ្យតាមប្រពៃណីនៅស្រុកកំណើត រីឯកម្មករដែលរងគ្រោះត្រូវបានថៅកែសន្យាចេញថ្លៃព្យាបាល៕