ព្រ
ខេត្តបន្ទាយមានជ័យ៖លោកឧត្តមសេនីយ៍ត្រី អាត់ខែមស្នងការនគរបាលខេត្តបន្ទាយមានជ័យបានធ្វើប្រមានយ៉ាងធ្ងន់ៗទៅដល់នគរបាលការពារព្រំដែនគោកមួយចំនួនដែលកំពុងឈរជើងនៅក្នុងភូមិសាស្ត្រ ក្រុងប៉ោយប៉ែត និងភូមិសាស្ត្រស្រុកអូរជ្រៅពាក់ព័ន្ធនិងករណីយកប្រាក់ពីពលករខ្មែរឆ្លងដែន ទៅរកការងារធ្វើនៅប្រទេសថៃក្នុងម្នាក់ៗ២ពាន់រៀលទៅ៥ពាន់រៀលនិងអាចប្រឈមនឹងផ្លូវច្បាប់បើសិននៅតែបន្តសកម្មភាពយកប្រាក់ពីពលករខ្មែរតទៅទៀតបើមិនបញ្ឈប់នោះ។ការប្រមានធ្ងន់ៗទៅលើនគរបាលការពារព្រំដែនគោករបស់លោកឧត្តមសេនីយ៍ស្នងការបែប នេះពេលដែលលោកទទួលព័ត៌មានពីប្រជាពលរដ្ឋរាយការណ៍មកលោកនិងតាមបណ្តាសារព័ត៌មានក្នុងស្រុកមួយចំនួនបានចុះផ្សាយពី
សកម្មភាពរបស់នគរបាលការពារព្រំដែនគោកខ្លះដែលអនុវត្តខុសនិងគោលការច្បាប់ករណីនេះលោកឧត្តមសេនីយ៍ស្នងការសូមឱ្យអង្គភាពនៃវរៈការពារព្រំដែនគោកដែលឈរជើងក្នុងភូមិសាស្ត្រក្រុងប៉ោយប៉ែតនិងស្រុកអូរជ្រៅត្រូវពិនិត្យឡើងវិញពីបញ្ហានេះ។លោកអាត់ខែមបានលើកឡើងទៀតថារាល់បញ្ហាច្រករបៀងគឺបញ្ចប់កុំកើតមានតទៅទៀតពីព្រោះសម្តេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃបានចេញបញ្ជាហាមដាច់ខាតឱ្យបិទច្រករបៀងទាំងព្រំដែនថៃនិងព្រំដែន ថៃមិនអនុញ្ញាតឱ្យមានទៀតឡើយ។ការព្រមានរបស់លោកទៅលើនគរបាលវរៈការពារព្រំដែន លើកឡើងក្នុងកិច្ចប្រជុំបូកសរុបលទ្ធផលការងារប្រចាំឆមាសទី១ និងលើកទិសដៅការងារឆមាសទី២ របស់ស្នងការដ្ឋាននគរបាលខេត្តបន្ទាយមានជ័យ កាលពីព្រឹកថ្ងៃទី២០ ខែកក្កដា ឆ្នាំ២០១៥ នៅសាលប្រជុំរបស់ស្នងការដ្ឋាន នគរបាលខេត្តបន្ទាយមានជ័យ។
សូមបញ្ជាក់ថាពាក់ព័ន្ធនិងច្រករបៀងខុសច្បាប់នោះដែរ កន្លងមកឯកឧត្តមនាយឧត្តមសេនីយ៍ ខេងសុមេធអគ្គស្នងការរងនគរបាលជាតិ និងជាប្រធានគណៈបញ្ជាការ ទទួលទិសភូមិភាគ៤និងភូមិភាគ៥ ធ្លាប់ធ្វើការប្រមានដល់កម្លាំងនគរបាលគារពារព្រំដែន គោកទាំងអស់បញ្ចប់នូវសកម្មភាពឃុបឃិតជាមួយឈ្មួញខិលខូចឱ្យមានការនាំចូលទំនិញខុសច្បាប់តាមច្រករបៀងនិងការឱ្យមានពលករឆ្លងដែនខុសច្បាប់ជាដើមនោះ។នៅពេលនោះ នាយឧត្តមសេនីយ៍អគ្គស្នងការរង ក៏បានឱ្យនាយប៉ុស្តិ៍ នាយរងប៉ុស្តិ៍ព្រំដែននៃវរៈទាំង៤ ធ្វើកិច្ចសន្យាផ្តិតមេដៃបញ្ឈប់កុំឱ្យមានបទល្មើសឆ្លងដែនខុសច្បាប់តាមច្រករបៀងតទៅទៀត បើនៅតែល្មើស បទបញ្ជាបុគ្គលនោះ នឹងប្រឈមតាមផ្លូវច្បាប់ឬដាក់ទោសទណ្ឌរបស់វិន័យកងកម្លាំងនគរបាលជាតិ ៕
