ខេត្តបន្ទាយមានជ័យ៖រថយន្តបែនធុនធំ១គ្រឿងដឹកថ្នាំកសិកម្មខុសច្បាប់ចំនួន១៤៦កេះតំលៃជាង១ម៉ឺនដុល្លាត្រូវបានមន្ត្រីមន្ទីរកសិកម្មខេត្តចាប់វេលាម៉ោង៨,៣០នាទីថ្ងៃទី២០ខែកក្តដាឆ្នាំ២០១៥នៅចំណុចច្រករបៀងខុសច្បាប់ស្ថិតភូមិកណ្តាលឃុំនិងស្រុកម៉ាឡៃខេត្តបន្ទាយមានជ័យ។ លោកសេងម៉េងអនុប្រធានមន្ទីកសិកម្មខេត្តបន្ទាយមានជ័យបានប្រាប់ឲ្យដឹងថាថ្នាំកសិកម្មដែលមន្ត្រីលោកចាប់នោះក្រោយពីការស្រាវជ្រាវមុខសញ្ញាហើយឈានដល់ឃាត់រថយន្តធុនធំបែនម៉ាក់ហីយិនដាយដែលគ្មានដាក់ផ្លាកសញ្ញាឲ្យបានត្រឹមត្រូវបានឆែកឆេររកឃើញមានថ្នាំកសិកម្មដែលមានចម្រុះភាគច្រើនជាប្រភេទថ្នាំបាញ់សម្លាប់ស្មៅនិងសត្វល្អិតដែលមានចំនួន១៤៦កេះ។ លោកបានបន្តថាថ្នាំកសិកម្មដែលមន្ត្រីកសិកម្មខេត្តចាប់បានជាប្រភេទថ្នាំដែលឈ្មួញលួចនាំចូលដោយខុសច្បាប់លក់ចែកចាយដោយខុសច្បាប់នៅតាមបណ្តាខេត្តផ្សេងៗហើយថ្នាំកសិកម្មនេះឈ្មួញនាំចូលដោយខុសច្បាប់ចំនួន១៤៦កេះ បាន
ទិញពីប្រទេសថៃក្នុង១កេះតំលៃជាង២,០០០បាតសរុប២៩២,០០០រៀល។លោក សេង ម៉េង បានបញ្ជាក់ថាថ្នាំកសិកម្មដែលមន្ត្រីជំនាញចាប់បានចំនួន១៤៦កេះនេះឈ្មួញមានឈ្មោះ លឹម គង់ ជាឈ្មួញដែលលក់ចែកចាយមានស្តង់នៅក្រុងសិរីសោភ័ណដែលត្រូវបានមន្ត្រីចម្រុះបង្ក្រាបកាលពីថ្ងៃទី១៤កក្តដា២០១៥រកឃើញថ្នាំកសិកម្មដែលគ្មានច្បាប់ដាក់លក់និងស្តប់ក្នុងឃ្លាំងស្ថិតភូមិសូភី សង្កាត់កំពង់ស្វាយ ក្រុងសិរីសោភ័ណ ដែលមានចំនួន១២៧កេះនិង២១ការ៉ុងដែលស្មើរទឹកលុយប្រមាណជាង១ម៉ឺនដុល្លា។ ហើយសំណុំរឿងដែលបង្ក្រាបស្តង់និងឃ្លាំងស្តុបថ្នាំកសិកម្មគ្មានច្បាប់ដែលរឹបអូសបានរយះពេលកន្លងមកនោះសាលាដំបូងកំពុងអនុវត្តន៍តាមច្បាប់និងថ្នាំកសិកម្មរក្សាទុកនៅឃ្លាំងរក្សាទុកមន្ទីកសិកម្មខេត្តបន្ទាយមានជ័យ៕
