ខេត្តបន្ទាយមានជ័យ៖លោកអនុសេនីយ៍ឯកជាដាមេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែតបានចុះឃាត់ខ្លួនយុវជន២នាក់ក្នុងខ្លួនមានគ្រឿងញៀន៣កញ្ចប់ក្នុងពេលចុះល្បាតក្នុងភូមិសាស្ត្រក្រុងប៉ោយប៉ែត និងត្រួតពិនិត្យអាវុធជាតិផ្ទុះតាមដងផ្លូវត្រង់ចំណុចមុខវត្តបាលិលេយ្យ ស្ថិតក្នុងភូមិក្បាលស្ពាន២ សង្កាត់និងក្រុងប៉ោយប៉ែត ខេត្តបន្ទាយមានជ័យនៅព្រឹកថ្ងៃទី២០ខែកក្កដាឆ្នាំ២០១៥ ។លោកជាដាបានឲ្យដឹងថាជនសង្ស័យទី១-ឈ្មោះ ប៊ិន សុឃឿន ហៅ ចេង ភេទប្រុស អាយុ ៣៣ឆ្នាំ មានស្រុកកំណើតភូមិ ជើងភ្នំ ឃុំ ជើងភ្នំ ស្រុកបាភ្នំ ខេត្តព្រៃវែង ស្នាក់នៅមិនពិតប្រាកដមានមុខរបរកម្មករ ទី២ឈ្មោះលីហានហៅមូមភេទប្រុសអាយុ៣២ឆ្នាំមានស្រុកកំណើតភូមិថ្មីឃុំថ្មី ស្រុកស្រែអំបិល ខេត្តកោះកុង បច្ចុប្បន្ន ភូមិបាលិលេយ្យ2
សង្កាត់និងក្រុង ប៉ោយប៉ែត ខេត្ត បន្ទាយមានជ័យមុខរបរកម្មករ ។ក្រោយបញ្ជូនមកទីបញ្ជាកងរាជអាវុធហត្ថខេត្តលោកឨបូរិន្ទមេបញ្ជាការកងរាជអាវុធហត្ថខេត្តបន្ទាយមានជ័យបាននិយាយថានៅមុខអាវុធហត្ថជនសង្ស័យបានឆ្លើយសារភាពថាគ្រឿងញៀនទាំង៣កញ្ចប់នោះពួកគេបានទិញពីមនុស្សម្នាក់ទិញមកដើម្បីជក់ព្រោះវាមានកំលាំងនៅពេលធ្វើការងារសំណង់ ។ដោយមានចំលើយសារភាពជនសង្ស័យបច្ចុប្បន្នកម្លាំងអាវុធហត្ថបានកំពុងកសាងសំណុំរឿងបញ្ជូនទៅតុលាការចាត់ការតាមនីតិវិធីច្បាប់ ៕
