កំពង់ធំ៖ បទល្មើសព្រៃឈើ ត្រូវបានគេសង្កេតឃើញមានការ កាប់ដុត វាទទីយកដី និង អាឈើដោយខុសច្បាប់ ពីសំណាក់ឈ្មួញយ៉ាងរង្គាល ពីសំណាក់ឈ្មួញ ដែលត្រូវបានគេដឹងថា ការអាឈើដែលប្រព្រឹត្ត ទៅបាននេះដោយសារតែមានការ ឃុបឃិតគ្នាជាមួយសមត្ថកិច្ច ទើបអាចដំណើរការបាន ។
សិប្បកម្មខុសច្បាប់ជាច្រើនកន្លែង ដែលបានដំណើរការដោយគ្មានច្បាប់ អនុញ្ញាតិ និងត្រូវបានដឹកឈើចេញ ពីព្រៃអង់តែន ដែលជាព្រៃអភិរក្សរបស់ប្រទេសជប៉ុន ដើម្បីរក្សាទុកជាកន្លែងរ៉េនបូរ ក្នុងការពិសោធន៍ តែបែជាមានការកាប់បំផ្លាញយ៉ាងអាណាធិបតេយ្យ នឹងត្រូវបានដឹកឈើយកមកធ្វើជាសិប្បកម្មក្នុង ឃុំបឹងល្វា ស្រុកសន្ទុក ខេត្តកំពង់ធំ ។
ទើបតែថ្ងៃនេះ លោក សូ រ៉ាត់ នាយសង្កាត់រដ្ឋបាលព្រៃឈើតាំងក្រសាំងបានដឹកនាំកម្លាំង ចុះបង្ក្រាប សិប្បកម្មគ្មានច្បាប់អនុញ្ញាតិ ស្ថិតនៅក្នុងភូមិខ្វែក ឃុំបឹងល្វា ស្រុកសន្ទុក ខេត្តកំពង់ធំនេះ ដោយសារតែមានបញ្ជាពីថ្នាក់ដឹកនាំខេត្តទើបឈានដល់ការបង្ក្រាប តាមពិតចំនុចទីតាំងនេះមានសិប្បកម្មយ៉ាងតិច ១០កន្លែង ដែលត្រូវបានម្ចាស់សិប្បកម្មអួតអាងថាមានច្បាប់ ការបង្ក្រាបក្នុងពេលនេះ ត្រូវបានម្ចាស់សប្បកម្មរត់គេច ខ្លួនដោយសុវត្តិភាព ដោយបន្សល់បានត្រឹមតែវត្ថុតាង ម៉ាស៊ីនច្រៀកឈើ១គ្រឿង កង់យោង១ ផ្លែរណាខ្សែ១ និងឈើប្រភេទលេខ២ចំនួន៤ម៉ែត្រគូប នាំយកមករក្សាទុកនៅផ្នែករដ្ឋបាលព្រៃឈើកំពង់។
តាមការឲ្យដឹងពីអ្នកឃាំមើលសកម្មភាព កាប់រុករាន្ទព្រៃឈើបានឲ្យដឹងថា ទោះបីជាផ្នែក សង្កាត់រដ្ឋបាល ព្រៃឈើចេញច្បាប់ឲ្យដាក់គ្រឿងចក្រ សម្រាប់ធ្វើសិប្បកម្មក៏ដោយ ម្ចាស់សិប្បកម្មក៏នៅតែខុសច្បាប់ដដែល ដោយសារតែម្ចាស់សិប្បកម្ម ពុំបានអនុវត្តតាមការណែនាំរបស់ខណ្ទរដ្ឋបាលព្រៃឈើ ឲ្យនាំយកឈើពី ដីសម្បទាន ឬឈើសល់ពីការបង្ករបង្កើនផលចំការរបស់ ប្រជាពលរដ្ឋនោះទេ តែបែរជានាំគ្នាអាឈើចេញពីព្រៃ អង់តែន ព្រៃឡង់ និងព្រៃអភិរក្ស ដឹកបន្តកន្ទុយគ្នាចូលសិប្បកម្ម អាជ្រៀកជាឈើលេខ២ ដឹកចូលដេប៉ូឈើ យ៉ាងរំភើយ សកម្មភាពទាំងនេះសមត្ថកិច្ចមេព្រៃ និងសមត្ថកិច្ចពាក់ព័ន្ឋដឹងច្បាស់ជាងគេ តែមិនខ្ចីបង្ក្រាប បែរជាកន្ទេលធំបន្លំដេកទៅវិញ។
ចំណែកការបង្ក្រាបបនសិប្បកម្មនេះ គឺត្រូវបានគេសង្ស័យថា ចាប់មួយគំរាម១០ ដើម្បីគៀងត្រីឲ្យចូលទ្រូ បន្ទាប់ពីទើបកាន់តំណែងថ្មី បង្កើនស្នារដៃ ចំណែកសិប្បកម្មឯទៀតពុំទាន់បង្ក្រាបនោះទេ រងចាំថាតើត្រី ទាំងនោះចូលទ្រឬអត់ ចំណែករថយន្តដឹកឈើបន្តកន្ទុយគ្នា ទាំងរថយន្តកូរ៉េ និងយីឌុប សមត្ថកិច្ចមេព្រៃដែល បានដាក់កុងត្រូវចាំយកលុយនៅចំនុចស្ពានបាក់ស្នារ សមត្ថកិច្ចពុំដែលឡើយក្នុងការបង្ក្រាបនោះទេ រីឯកាឡេថងរបស់ប្រជាពលរដ្ឋដឹកអុស រកព្រឹកខ្វះល្ងាច ប្រឹងចាប់ទំលាក់គ្មានធម្មមេត្តា ទោះជាអង្វរយ៉ាងណា នោះក៏គ្មានប្រណីដែរ។
ដោយ ប៊ុន រដ្ឋា
