ខេត្តកំពង់ឆ្នាំង៖មានការភ្ញាក់មួយបានកើតឡើងនៅម៉ោង៥ទាបភ្លឺថ្ងៃទី២៤ ខែកក្កដា ឆ្នាំ២
០១៥ ដោយអ្នកស្រុកមកធ្វើស្រែបានប្រទះឃើញស្ត្រីចំណាស់ម្នាក់អង្គុយស្លាប់ផ្កាប់មុខកណ្តាលផ្លូវលំមួយ នៅក្នុងភូមិព្រៃខ្មែរ ឃុំរលាប្អៀរ ស្រុករលាប្អៀរ។ លោក យឹម សុផល នាយផ្នែកព្រហ្មទណ្ឌ័នគរបាលស្រុករលាប្អៀរ ដែលបានចុះទៅ
ពិនិត្យនិងធ្វើកោសល្យវិច្ច័យសពស្ត្រីរងគ្រោះនៅក្នុងកន្លែងកើតហេតុ នាព្រឹកថ្ងៃទី២៤ ខែ
កក្កដា ឆ្នាំ២០១៥នេះបានអោយដឹងថា៖ ស្ត្រីរងគ្រោះមានអាយុជាង៥០ឆ្នាំ មិនស្គាល់អត្ត
សញ្ញាណឡើយ។គាត់បានស្លាប់អង្គុយអោនក្បាលចុះដល់ដី នៅកណ្តាលផ្លូវលំកន្លែងកើតហេតុនៅជុំវិញខ្លួនស្ត្រីរងគ្រោះមាន ឥវ៉ាន់ប្រើប្រាស់មួយចំនួនកាហូបខោអាវ អង្ករ ចានឆ្នាំង សាច់ជ្រូក១គីឡូ និងស្រាថ្នាំ១ដបទឹកសុទ្ធ និងរបស់របរមួយចំនួនទៀត។តាមការពិនិត្យសាកសព សមត្ថកិច្ចអោយដឹងថា៖ពុំមានស្លាកស្នាមអ្វីលើដងខ្លួនគួរ
អោយចាប់អារម្មណ៍ក្នុងរឿងឃាតកម្មឡើយ ហើយស្ត្រីរងគ្រោះអាចស្លាប់នៅចន្លោះម៉ោង
១ដល់ម៉ោង៣ទាបភ្លឺថ្ងៃទី២៤ ខែកក្កដា ឆ្នាំ២០១៥នេះ ដោយសង្ស័យថាខ្យល់គរ។អ្នកស្រុ
កក្នុងភូមិព្រៃខ្មែរ បានអោយដឹងថា៖កាលពីម៉ោង៦ល្ងាចថ្ងៃទី២៣ ខែកក្កដា ឆ្នាំ២០១៥ គេ បានឃើញគាត់នៅអង្គុយកៀនផ្លូវលំក្បែរកន្លែងកើតហេតុទំនងជាចាំអ្នកម្នាក់ និងកាលពី៤ទៅ៥ថ្ងៃមុននេះអ្នកស្រុកបានឃើញស្ត្រីរងគ្រោះដើរវែកឥវ៉ាន់ទៅមកៗ នៅក្នុងភូមិ និងហាក់ដូចជាមានស្មារតីមិនសូវនឹងន្នរនោះឡើយ។សពស្ត្រីរងគ្រោះស្លាកខោជើងវែងផ្កាក្រហម ស ពាក់អាវដៃវែងពណ៌ប្រផេះ សមត្ថកិច្ចក៏សូមអំពាវនាវរកគ្រួសារសពដែលមានអត្តសញ្ញាណដូចខាងលើ មកទទួលយកសពទៅតាមប្រពៃណី។បើគ្មានគ្រួសារមកទទួលទេ សមត្ថកិច្ចនិងប្រគល់ជូនអាជ្ញាធរមូលដ្ឋាន និងគណៈកម្មការអាចារ្យវត្ត ក្នុងភូមិចាត់ចែងធ្វើបុណ្យបូជា ឬបញ្ចុះសព ទៅតាមលទ្ធភាពកន្លែងណាមួយ ទៅតាមប្រពៃណីខ្មែរហើយ៕