ខេត្តបន្ទាយមានជ័យ៖នៅវេលាម៉ោង៨និង៣០នាទីព្រឹកថ្ងៃទី២៦ខែកក្កដាឆ្នាំ២០១៥នៅក្នុងវត្តសមាធិផល ស្ថិតក្នុងភូមិ៤ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ លោកលីសារីប្រធានមន្ទីររៀបចំដែនដីនគរូបនីយកម្មសំណង់និងសុរិយោដីខេត្តបន្ទាយមានជ័យ លោកស្រីចាន់ថេងអភិបាលក្រុងសិរីសោភ័ណនិងពុទ្ធបរិស័ទជាច្រើននាក់ទៀតបាននាំយកទានព្រះវស្សា និងទេយ្យទានមួយចំនួនទៅប្រគេនដល់វត្តចំនួន៨វត្ត មានវត្តព្រះពន្លា វត្តសមាធិផល វត្តពង្រ វត្តម្កាក់ វត្តភ្នៀត វត្តទឹកថ្លា វត្តចំការខ្នុរ និងវត្តគោះពងសត្វ ស្ថិតនៅក្នុងក្រុងសិរីសោភ័ណ ខេត្តបន្ទាយមានជ័យនេះ។ពិធីនេះបានប្រព្រឹត្តទៅនៅក្នុងវត្តសមាធិផលដែលក្នុងមួយវត្តទទួលបានទានព្រះវស្សាមួយគូថវិកា១០ម៉ឺនរៀលអង្ករ៥០គីឡូក្រាម ស្លាដកមួយធុងទឹកអូរឈិ២យួរ ទឹកសុទ្ធ៤យួរ។លោកលីសារីបាននិយាយ ថាក្រោមការយកចិត្តទុកដាក់និងដឹកនាំប្រទេសរបស់ប្រមុខរាជរដ្ឋាភិបាលសម្តេចតេជោហ៊ុនសែនក្នុងនោះមានវិស័យពុទ្ធចក្រក៏មានការរីកចំរើនយ៉ាងខ្លាំងផងដែរហើយនៅថ្ងៃជិតចូលវស្សានេះថ្នាក់ដឹកនាំនិងមន្ត្រីពាក់ព័ន្ធនានាបាននាំយកទានវស្សាទេយ្យទានក៏ដូចជាបច្ច័យមួយចំនួនធំយកទៅប្រគេនព្រះនៅក្នុងក្រុងសិរីសោភ័ណនេះដើម្បីព្រះសង្ឃបំភ្លឺនៅពេលយប់សំរាប់សិក្សារៀនសូត្រនៅថ្ងៃចូលវស្សាមានចំនួន៣ខែដើម្បីជាប្រទីតសំរាប់បំភ្លឺផ្លូវនៅថ្ងៃអនគតផងដែរ៕