ខេត្តព្រះសីហនុ៖ដើម្បីរូមចំណែកស្តានិងអភិវឌ្ឍនដែលនេសាទជំរកធន់ធានជល់ផលនិងចូលរួមអបអរសាទរទិវាបុណ្យរុក្ខទិវា៩កក្កដា ក្រុមការងារគ្រួសារវិទ្យុABCបានសហការជា មួយរដ្ឋបាល ជលផលកំពង់សោម និងអាជ្ញា ធរស្រុកព្រៃនប់ ចូលរួមដាំកូនកោងកាង លើកទី២ ចំនួន ៥០០ដើម នៅទីតាំងសួនអាពាហ៌ពិពាហ៌ សហគមន៌នេសាទព្រៃនប់២ ឃុំទឹកថ្លា ស្រុកព្រៃនប់ ខេត្តព្រះសីហនុ កាលពីថ្ងៃទី២៦ ខែកក្កដា ឆ្នាំ២០១៥ ដែលមាន អាជ្ញាធរមូលដ្ឋាន និងប្រជា ពលរដ្ឋចូលរួមដាំដុះកូនកោងកាងចំនួនសរុបចំនូន ៣៥០នាក់ ។លោក នេន ចំរើន មានប្រសាសន៍ថា កូនកោងកាងចំនួន ៥០០ដើម បានធ្វើការដាំដុះ លើ ផ្ទៃដី ០៣ហិកតា នៅក្នុងសួនអាពាហ៌ពិពាហ៌ក្នុងសហគមន៌នេសាទឃុំទឹកថ្លា ស្រុកព្រៃនប់ ដើម្បី ពង្រីកផ្ទៃដីលេចទឹក និងបង្កើនព្រៃឈើឡើងវិញនៅក្នុងសហគមន៌នេសាទ ជាពិសេសព្រៃកោងកាងមានសារះសំខាន់ណាស់ក្នុងការបង្កកំណើតរបស់ពពួកមច្ឆជាតិពង កូន។.លោកប្រធានរដ្ឋបាលជលផលកំពង់សោមមានប្រសាសន៍បន្តទៀតថា ការដាំកូនកោងកាងនាពេលនេះ សំដៅជម្រុញបំផុសឪ្យប្រជាពលរដ្ឋនៅក្នុងសហគមន៌នេសាទ ក្នុងខេត្តព្រះសីហនុ ក៌ដូចប្រជាពលរដ្ឋនៅទូទាំងប្រទសកម្ពុជា ចូលរួមស្រឡាញ់ ថែរក្សាព្រៃឈើឡើងវិញ សំដៅប្រែក្លាយតំបន់សហគមន៌នេសាទក្នុងខេត្តព្រះសីហនុឱ្យសម្បូរព្រៃឈើ ជាមូលដ្ឋានគ្រឹះនៃការចូលរួមអភិវឌ្ឍសេដ្ឋកិច្ចជាតិ រួមចំណែកដល់ការលើកកម្ពស់ជីវភាពរស់នៅរបស់ប្រជាពលរដ្ឋក្នុងសហគមន៌ ជាពិសេសកិច្ចការពារបរិស្ថាន ជាចំណុចមួយដែលរាជរដ្ឋាភិបាលកម្ពុជាកំពុងមានការចាប់អារម្មណ៌ និងបំផុសឪ្យប្រជាពលរដ្ឋចូលរួមដាំដើមឈើ ព្រោះព្រៃឈើអាចទប់ស្កាត់ការឡើងកំដៅនៃភពផែនដីក៏ជានិមិត្តរូបនៃវប្បធម៌ប្រពៃណីឧស្សាហ៍ព្យាយាម ច្នៃប្រឌិតរបស់ជនជាតិខ្មែរយូរលង់ណាស់មកហើយ ជាពិសេសទៀតនោះ ការដាំកូនកោងកាងនៅលើផ្ទៃដីព្រៃលេចទឹកឱ្យមានភាពស្រស់បំព្រង និងបៃតង ព្រោះព្រៃកោងកាងជាជម្រកសម្រាប់មច្ឆជាតិពង កូន សម្បូរឡើងវិញ ព្រោះព្រៃឈើជាសម្បតិ្តធម្មជាតិមានតម្លៃមិនអាចកាត់ថ្លៃបានចំពោះមនុស្ស សត្វ និងមច្ឆជាតិគ្រប់ប្រភេទ ។លោកបានបញ្ជាក់ថា រាជរដ្ឋាភិបាលកម្ពុជាបានយកចិត្តទុកយ៉ាងសកម្មក្នុងការដាំដុះថែរក្សាការពារព្រៃឈើ និងអភិវឌ្ឍន៌ធនធានព្រៃឈើឪ្យកាន់តែសម្បូឡើងថែមទៀត សម្រាប់ជាមូលដ្ឋានគ្រឹះនៃការអភិវឌ្ឍន៌សេដ្ឋកិច្ចជាតិ ទប់ស្កាត់នូវខ្យល់ព្យុះ ទឹកជំនន់ និងជួយស្រូបយកជាតិពុលឧស្ម័នការបូនិច សម្រាប់មនុស្សជំនាន់បច្ចុប្បន្នក៏ដូចអនាគត ។ ប្រជានេសាទក្នុងសហគមន៌ពួកគាត់មានភារកិច្ចជា អ្នកថែរក្សា ការពារព្រៃកោងកាង សត្វព្រៃ និងដាំដើមឈើនៅតាមសហគមន៌ ។លោក នេន ចំរើន បានបញ្ជាក់ថា នៅដើមឆ្នាំ២០១៥នេះ រដ្ឋបាលជលផលបានបំផុសប្រជាពលរដ្ឋដាំកូនកោងកាងបានចំនួន៣.៦៨០ដើម និងបណ្តុះកូនកោងកាងបានចំនួន ២.០០០ដើម ដើម្បីធ្វើការដាំដុះបន្តនៅពេលខាងមុខ ។ ហើយក្រុមគ្រួសារវិទ្យុ ABC បានសហការជាមួយរដ្ឋបាលជលផលចូលរួមដាំកូនកោងកាងបានចំនួន ២៣០ដើម ម្តងរួចមកហើយនៅទីតាំងភូមិអូត្រេះចាស់ សង្កាត់លេខ៤ ក្រុង ខេត្តព្រះសីហនុ៕