ខេត្តបន្ទាយមានជ័យ៖នៅព្រឹកថ្ងៃទ២៧ខែកក្កដាឆ្នាំ២០១៥នេះលោកឧត្តមសេនីត្រីអាត់ខែមស្នងការនគបាលខេត្តបន្ទាយមានជ័យនិងជាក្រុមការងារគណបក្សប្រជាជនកម្ពុជាចុះ ជួយស្រុកស្វាយចេកខេត្តបន្ទាយមានជ័យបានដឹកនាំក្រុមការងារបាននាំយកទៀនវស្សា និងទេយ្យវត្ថុ ដែលសរុប បច្ច័យជាង១២លានរៀល របស់លោកឧបនាយករដ្ឋមន្ត្រី កែ គឹមយ៉ាន ប្រធានក្រុមការងារ ថ្នាក់ជាតិ ចុះជួយខេត្តបន្ទាយមានជ័យ ទៅប្រគេន ព្រះសង្ឃ គង់ក្នុងវត្តទាំង២៤ ក្នុងស្រុកស្វាយចេក ដែលរង់ចាំព្រះវស្សា នាពេលខាងមុខដ៏ខ្លីនេះ។ក្នុងការយកទានវស្សាទៅប្រគេនលោកនោះមានការចូលរួមលោកស្រីស្នងការរងអធិការ ប្រធានវរៈនិងថ្នាក់
ដឹកនាំស្រុកជាច្រើននាក់ផ្សេងទៀត។ ក្នុងឱកាសនោះលោកអាត់ខែមបានមានប្រសាសន៍ថា ទីវត្តអារាម មិនត្រឹមតែបម្រើវិស័យព្រះពុទ្ធសាសនាជាទីសក្ការៈបូជាប្រមូលផ្តុំនិងរក្សានូវប្រពៃណីទំនៀមទំលាប់វប្បធម៌និងអរិយធម៌ ប៉ុណ្ណោះទេហើយក៏ជាកន្លែងអប់រំទូន្មានប្រៀនប្រដៅ ពង្រឹងពង្រីកធនធានមនុស្សឲ្យបានល្អដែលជាកាតាលីករជួយជំរុញការអភិវឌ្ឍន៍សេដ្ឋកិច្ចជាតិផងដែរ។លោកបានហៅសកម្មភាពចូលរួមនាំទៀនព្រះវស្សានិងទេយ្យវត្ថុនានាទៅប្រគេនព្រះសង្ឃនេះថាជាការឆ្លុះបញ្ចាំងពីការយកចិត្តទុកដាក់លើ វិស័យ ព្រះពុទ្ធសាសនា ដែលជាសាសនារបស់រដ្ឋ ហើយជះឥទ្ធិពលល្អ ដល់សង្គម គ្រួសារ ក៏ដូចជា ប្រទេសជាតិទាំងមូល ។នៅចំពោះមុខព្រះសង្ឃ និងពុទ្ធបរិស័ទ ដែលបានធ្វើឡើង នៅ វត្តស្លែង ឫវត្តភូមិថ្មី លោក អាត់ ខែម 
បានផ្តាំផ្ញើការ សួរសុខទុក្ខ ពីសំណាក់សម្តេចតេជោ ហ៊ុន សែន នាយករដ្ឋមន្ត្រី សម្តេច ហេង សំរិន ប្រធានរដ្ឋសភា ព្រមទាំង លោកឧបនាយករដ្ឋមន្ត្រី កែ គឹមយ៉ាន អភិបាលខេត្ត និងប្រធាន ក្រុមប្រឹក្សាខេត្ត ដែលតែងតែ គិតគូដល់ការរស់នៅ របស់ប្រជាពលរដ្ឋ តាមមូលដ្ឋាន។ឆ្លៀតក្នុងឱកាសនោះ លោកឧត្តមសេនីយ៍ អាត់ ខែម ក៏បានលើកឡើង នូវការរីកចម្រើន របស់ប្រទេសកម្ពុជា ក្រោមការ ដឹកនាំរបស់សម្តេចតេជោ ហ៊ុន សែន ខណៈដែលគណបក្សប្រឆាំង មានបំណងបំផុស ហើយលាបពណ៌ នាំឲ្យ មានការចលាចល ដល់សង្គមជាតិ និងការបែកបាក់ជាតិ ។សម្រាប់វត្តទាំង២៤ ទទួល បានទៀនវស្សាមួយគូ ស្លាដកមួយ និងបច្ច័យ២០ម៉ឺនរៀល ព្រមទាំង គ្រឿងឧបភោគ បរិភោគ មួយជាច្រើនផ្សេងទៀត សរុបបច្ច័យ១២.២៣២.០០០រៀល។ក្រៅពីនោះ លោកក៏បានឧបត្ថម្ភថវិកា ដល់ប្រជាពលរដ្ឋជាច្រើន ក្នុងម្នាក់ៗ ទទួលបាន៥០០០រៀល ដោយឡែក ក្រុមជួសជុលព្រះវិហារ ចំនួន២០ម៉ឺនរៀល និង ក្រុមតន្ត្រីចំនួន២០ម៉ឺនរៀលផងដែរ
