ខេត្តបន្ទាយមានជ័យ៖នៅព្រឹកថ្ងៃទី២៨ខែកក្កដាឆ្នាំ២០១៥នៅសាលប្រជុំសាលាខេត្តបន្ទាយមានជ័យ លោក ស៊ុំរុំ អនុរដ្ឋលេខាធិក្រសួងទំនាក់ទំនងជាមួយរដ្ឋសភា ព្រឹទ្ធភា និងអធិការកិច្ចបានចុះមកធ្វើការផ្សព្វផ្សាយច្បាប់ស្តីពីចរាចរណ៍ផ្លូវគោកនៅក្នុងក្រុងសិរីសោភ័ណដល់សិស្ស និសិត្ស និងប្រជាពលរដ្ឋជាច្រើននាក់ទៀត។ពិធីចុះផ្សព្វផ្សាយច្បាប់ចរាចរណ៍នេះមានការចូលរួម លោកចុងផែត អភិបាលរងខេត្តបន្ទាយមានជ័យ អ្នកស្រីចាន់ថេង អភិបាលក្រុងសិរីសោភ័ណ លោកសនគឹមសួគ៍ប្រធានការិយាល័យចរាចរណ៍ផ្លូវគោក លោកខុនសុខុមប្រធានមន្ទីរទំនាក់ទំនងជាមួយរដ្ឋសភា និសិត្ស សិស្ស និងមន្ត្រីអ្នកមុខអ្នកការជាច្រើននាក់ទៀត។ថ្លែងក្នុងឨកាសនោះលោក ស៊ុំរុំ បាននិយាយថាច្បាប់ចរាចរណ៍ផ្លូវគោកបានក្លាយទៅជាបញ្ហាគ្រោះថ្នាក់ដ៏ចំបងជាហេតុធ្វើឲ្យមានការព្រួយបារម្ភណ៍យ៉ាងខ្លាំងរបស់រាជរដ្ឋាភិបាល។គ្រោះថ្នាក់ចរាចរណ៍នៅទូទាំងប្រទេសកើតមានឡើងជាញឹកញាប់នៅតាមដងផ្លូវសាសារណះ ជាពិសេសផ្លូវជាតិតែម្តងធ្វើឲ្យអត្រាមនុស្សស្លាប់និងរងរបួសពីមួយឆ្នាំទៅមួយឆ្នាំមានការកើនឡើងជាលំដាប់បានបន្សល់ទុកស្ត្រីមេម៉ាយ កូនកំព្រា និងការនិរាសព្រាត់ប្រាស់ក្នុងគ្រួសារ ជនពិការជាច្រើនរយពាន់នាក់។លោកបានបន្តទៀតថាមូលហេតុ ចម្បងនៃគ្រោះថ្នាក់ចរាចរណ៍នេះគឺបណ្តាលមកពីកក្តាមនុស្ស មិនគោរពច្បាប់ បើកបរលឿនហួសល្បឿនកំណត់ បើកធ្វេសប្រហែស និងបើកបរក្នុងពេលស្រវឹងជាដើម។លោកបានបន្តទៀតថាតាមការសិក្សាស្រាវជ្រាវរបស់អង្ការអន្តរជាតិបែលហ្សិុកបានឲ្យដឹងថា គ្រោះថ្នាក់ចរាចរណ៍នេះបានធ្វើឲ្យប្រទេសកម្ពុជាខាតបង់ទ្រព្យសម្បត្តិទាំងរដ្ឋនិងឯកជនក្នុងមួយឆ្នាំៗរាប់លានដុល្លាឯណោះបើសិនបើគ្មា នករណីគ្រោះថ្នាក់ចរាចរណ៍ទេនោះរដ្ឋអាចសល់ថវិការរាប់លានដុល្លាសំរាប់យកទៅសាងសង់នូវសមិទ្ធិផលមួយចំនួនដួចជា សាលារៀន មន្ទីរពេទ្យ ស្ពាន ផ្លូវបានយ៉ាងច្រើនទៀតផង។លោកចុងផែតបានថ្លែងអំណគុណដល់លោកស៊ុំរុំ ក្រសួងទំនាក់ទំនងជាមួយរដ្ឋភា ព្រឹទ្ធសភា និងអធិការកិច្ចដែលជាសេនាធិការរបស់រាជរដ្ឋាភិបាលរួមសហការជាមួយមន្ទីរនិងអង្គភាពជំនាញបានចុះមកធ្វើការផ្សព្វផ្សាយច្បាប់ស្តីពីចរាចរណ៍ផ្លូវគោកនៅក្នុងក្រុងសិរីសោភ័ណពេលនេះក្នុងគោលបំណងដាស់ស្មារតីប្រជាពលរដ្ឋទាំងមូលឲ្យខិតខំផ្លាស់ប្តូរឥរិយាបទដែលធ្លាប់តែមានភាពអនាធិបតេយ្យមិនគោរពច្បាប់មានសណ្តាប់ធ្នាប់និងរបៀបរៀបរយឲ្យចេះអធ្យាស្រ័យគ្នានៅពេលធ្វើដំណើរដើម្បីធ្វើឲ្យផែនការសុវត្តិភាពចរាចរណ៍ផ្លូវគោករបស់រដ្ឋាភិបាលទទួលបានជោគជ័យ៕