សៀមរាប : ថ្លែងក្នុងឱកាសនៃកិច្ច ប្រជុំផ្សព្វផ្សាយស្តីពីយុទ្ឋនាការផ្តល់អត្តសញ្ញាណ ប័ណ្ណ សញ្ជាតិ ខ្មែរគំរូថ្មីសំរាប់ខែកក្កដាឆ្នាំ ២០១៥ដល់បំណាច់ត្រីមាសទី១ឆ្នាំ ២០១៦ដែលបានប្រារព្វឡើងនៅក្នុងសាលប្រជុំស្នងការដ្ឋាននគរបាលខេត្តសៀមរាប កាលពី ព្រឹកថ្ងៃទី២៨ ខែកក្តដា ឆ្នាំ ២០១៥ នេះ ។ លោកនាយឩត្តមសេនីយ៍ អ៊ុក គឹមលេខ រដ្ឋលេខាធិការក្រសួងមហាផែ្ទ និងជាប្រធានក្រុមការងារទទួលខុសត្រូវដឹកនាំជំរុញផ្តល់អត្ត សញ្ញាណប័ណ្ណសញ្ជាតិខ្មែរ ខេត្តសៀមរាប ឧត្តរមានជ័យ ព្រមទាំង លោកឃឹម ប៊ុនសុង អភិបាល នៃ គណះអភិបាល ខេត្តសៀមរាបបានថ្លែងថាគោលបំណងនៃកិច្ចប្រជុំផ្សព្វផ្សាយនេះគឺដើម្បីយើងជំរុញលើការផ្តល់អត្តសញ្ញាណប័ណ្ណសញ្ជាតិខ្មែរ គំរូថ្មីសំរាប់ខែកក្កដាឆ្នាំ ២០១៥ដល់បំណាច់ត្រីមាសទី១ឆ្នាំ ២០១៦នាពេលខាងមុខអោយប្រជាពលរដ្ឋខ្មែរគ្រប់រូបដែលគ្រប់អាយុមានអត្តសញ្ញាណប័ណ្ណសញ្ជាតិខ្មែរគំរូថ្មីប្រើប្រាស់អោយបានគ្រប់ៗគ្នា ។ ហើយការផ្តល់អត្តសញ្ញាណប័ណ្ណសញ្ជាតិខ្មែរ ជាការងារពិសេសក្នុងក្របខណ្ឌការងារអត្តសញ្ញាណកម្ម នោះគឺជាការផ្តល់នូវឯកសារគតិយុត្តមួយសំខាន់ ចាំបាច់ដែលជាលិខិតស្នាមសំរាប់បញ្ជាក់ពីអត្តសញ្ញណរបស់បុគ្គលម្នាក់ៗក្នុងគោលដៅធានាដល់សិទ្ធិសេរីភាព ផលប្រយោជន៍ និងកាតព្វកិច្ចនានាក្នុងសង្គមរបស់ប្រជាពលរដ្ឋខ្មែរម្នាក់ៗ ហើយមកដល់ដំណាក់កាលចុងក្រោយនេះអត្តសញ្ញាណ-ប័ណ្ណសញ្ជាតិខ្មែរ បានជាប់ពាក់ព័ន្ឋយ៉ាងសំខាន់ទៅនឹងការងារបោះឆ្នោតទៀតផង។ដោយលោក គណះអធិបតីទាំងពីរបានបញ្ជាក់ថាសម្រាប់ខេត្តសៀមរាបក្នុងផែនការគឺចំនួន
៤០៥៤៩៣នាក់ ចាប់ពីខែកក្កដា ឆ្នាំ២០១៥ ដល់ខែមីនា ឆ្នាំ២០១៦ ក្នុងការផ្តល់ អត្តសញ្ញាណប័ណ្ណសញ្ជាតិខ្មែរគំរូថ្មីជូនដល់ប្រជាពលរដ្ឋដែលគ្រប់អាយុយកទៅប្រើប្រាស់ ។ ទន្ទឹមនិងការសម្រេចអោយបានដូចការគ្រោងទុកក្នុងផែនការខាងលើ ស្នងការដ្ឋាននគរបាលខេត្ត ត្រូវធ្វើជាសេនាធិការជូនគណៈកម្មការដឹកនាំអនុវត្តការងារផ្តល់អត្តសញ្ញាណប័ណ្ណសញ្ជាតិខ្មែរខេត្ត ដោយបង្កើនកិច្ចប្រតិបត្តិការជាមួយគណៈកម្មការថ្នាក់ដឹកនាំផ្តល់អត្តសញ្ញាណប័ណ្ណសញ្ជាតិខ្មែរ ថ្នាក់ក្រុង-ស្រុកក្នុងការទទួលខុសត្រូវដឹកនាំ ត្រួតពិនិត្យ និងជម្រុញការដឹកនាំផ្តល់អត្ត-សញ្ញាណប័ណ្ណសញ្ជាតិខ្មែរ។ដោយតាមដានជាប់ជាប្រចាំអំពីសភាពការណ៍ លទ្ឋផល និងបញ្ហាប្រឈមនានា ក្នុងដំណើរការផ្តល់អត្តសញ្ញាណប័ណ្ណសញ្ជាតិខ្មែរ ព្រមទាំងជួយអន្តរាគមន៍ក្នុងករណីចាំបាច់។ប្រតិបត្តិករទាំងអស់ដែលពាក់ព័ន្ឋដល់កិច្ចដំណើរការផ្តល់អត្តសញ្ញាណប័ណ្ណសញ្ជាតិខ្មែរត្រូវខិតខំកែលម្អអាកប្បកិរិយាសីលធម៌វិជ្ជាជីវៈរបៀបរបបធ្វើការនិងលប់បំបាត់ឱ្យបានជាដាច់ខាតនូវអំពើអសកម្មនានា ដូចជា ការគៀបសង្កត់ទាមទារកំរ៉ៃផ្សេងៗពីប្រជាពលរដ្ឋ ការរើសអើងជាដើម ៕
