ខេត្តបន្ទាយមានជ័យ៖នៅរសៀលថ្ងៃទ២៨ខែកក្កដាឆ្នាំ២០១៥នៅវត្តពោធិ៍សុយារាមស្ថិតក្នុងភូមិសូរិយា ឃុំកូប ស្រុកអូរជ្រៅ ខេត្តបន្ទាយមានជ័យលោកអ៊ុំរាត្រីអភិបាលរងខេត្តបន្ទាយមានជ័យ លោកលីសារីប្រធានមន្ទីរៀបចំដែនដីនគរូបនីយកម្មនិងសំណង់ លោកសាន្តស៊ានហូ អភិបាលស្រុកអូរជ្រៅនិងក្រុមការងារជាច្រើននាក់បាននាំយកទៀនវស្សា និងទេយ្យវត្ថុ និងថវិការដែលសរុបបច្ច័យជាច្រើនលានរបស់លោកឧបនាយករដ្ឋមន្ត្រី កែ គឹមយ៉ាន ប្រធានក្រុមការងារ ថ្នាក់ជាតិ ចុះជួយខេត្តបន្ទាយមានជ័យយកទៅប្រគេនព្រះសង្ឃគង់ក្នុងវត្តទាំង២៣ក្នុងស្រុកអូរជ្រៅដែលរង់ចាំព្រះវស្សានាពេលខាងមុខដ៏ខ្លីនេះ។ ក្នុងឱកាសនោះលោកអ៊ុំរាត្រីបានមានប្រសាសន៍ថាទីវត្តអារាមមិនត្រឹមតែបម្រើវិស័យព្រះពុទ្ធសាសនានោះទេគឺជាកន្លែងជាទីសក្ការៈបូជាប្រមូលផ្តុំនិងរក្សានូវប្រពៃណីទំនៀមទំលាប់វប្បធម៌និងអរិយធម៌ហើយក៏ជាកន្លែងអប់រំទូន្មានប្រៀនប្រដៅ ពង្រឹងពង្រីកធនធានមនុស្សឲ្យបានល្អដែលជាកត្តាជួយជំរុញការអភិវឌ្ឍន៍សេដ្ឋកិច្ចជាតិផងដែរ។លោកបានហៅសកម្មភាពចូលរួមនាំទៀនព្រះវស្សានិងទេយ្យវត្ថុនានាទៅប្រគេនព្រះសង្ឃនេះថាជាការឆ្លុះបញ្ចាំងពីការយកចិត្តទុកដាក់លើ វិស័យ ព្រះពុទ្ធសាសនា ដែលជាសាសនារបស់រដ្ឋ ហើយជះឥទ្ធិពលល្អ ដល់សង្គម គ្រួសារ ក៏ដូចជា ប្រទេសជាតិទាំងមូលផងដែរ។នៅចំពោះមុខព្រះសង្ឃ និងពុទ្ធបរិស័ទ ដែលបានធ្វើឡើង នៅ វត្តពោធិ៍សុធិយារាមលោកអ៊ុំរាត្រី បានផ្តាំផ្ញើការ សួរសុខទុក្ខពីសំណាក់លោកឧបនាយករដ្ឋមន្ត្រីកែគឹមយ៉ាន អភិបាលខេត្ត និងប្រធាន ក្រុមប្រឹក្សាខេត្ត ដែលតែងតែ គិតគូដល់ការរស់នៅ របស់ប្រជាពលរដ្ឋ តាមមូលដ្ឋាន។ឆ្លៀតក្នុងឱកាសនោះក៏បានលើកឡើង នូវការរីកចម្រើន របស់ប្រទេសកម្ពុជា ក្រោមការ ដឹកនាំរបស់សម្តេចតេជោ ហ៊ុន សែន ខណៈដែលគណបក្សប្រឆាំង មានបំណងបំផុស ហើយលាបពណ៌ នាំឲ្យ មានការចលាចល ដល់សង្គមជាតិ និងការបែកបាក់ជាតិ ។សម្រាប់វត្តទាំង២៣ទទួល បានទៀនវស្សាមួយគូ ស្លាដមួយធុងធំថវិការ១០ម៉ឺនរៀល ព្រមទាំង គ្រឿងឧបភោគ បរិភោគជាច្រើនផ្សេងទៀតផងដែរ៕