ខេត្តបន្ទាយមានជ័យ នៅព្រឹកថ្ងៃទី៦ខែសីហា ឆ្នាំ២០១៥ នេះលោកលីសារីអភបាលរងខេត្តបន្ទាយមានជ័យនិងក្រុមការងារថ្នាក់ខេត្តបាននាំយកកូនឈើ និងសម្ភារៈសិក្សាមួយចំនួនធំទៅប្រគេនព្រះសង្ឃនៅវត្តស្រះកណ្តាល ហៅវត្តស្រះចក ស្ថិតនៅភូមិក្រចះ ឃុំឈ្នួរមានជ័យ ស្រុកព្រះនេត្រព្រះ ខេត្តបន្ទាយមានជ័យ ។លោកលីសារីបានមានប្រសាសន៍ថាវត្តស្រះកណ្តាល ហៅវត្តស្រះចកគឺជាវត្តមួយនៅជនបទដាច់ស្រយាលខ្សត់ជាងគេមានព្រះសង្ឃ និងកូនណេនចំនួន ៧៦អង្គ ក្នុងនោះមានកូនណេនចំនួន ៦៥អង្គ ដែលកំពុងសិក្សាសាលាបាលីក្នុងវត្ត ខណៈដែលវត្តមួយនេះកំពុងតែខ្វះសាលាបឋមសិក្សាបាលី ១ខ្នង និងសុំឲ្យពុទ្ធបរិចំណុះជើងវត្តជួយឧបត្ថម្ភកសាង និងជួយផ្ដល់ជាសមទ្ធក ផលមួយចំនួនជូនទៅដល់ព្រះវិហារដែលកំពុងសាងសង់ ដោយសារតែខ្វះថវិការកសាងបន្តផង។លោកលីសារីអភិបាលរងខេត្តបន្ទាយមានជ័យបានមានប្រសាសន៍បន្តទៀតថាដើម្បីយកចិត្តទុកដាក់លើវិស័យព្រះពុទ្ធសាសនាក្នុងនាមថ្នាក់ដឹកនាំខេត្តបន្ទាយមានជ័យបាននាំយកសម្ភារៈមួយចំនួន ដោយក្នុងនោះរួមមានកុំព្យូទ័រ ១គ្រឿង ម៉ាស៊ីព្រីនធ័រ ១គ្រឿង និងបាននាំយកកូនឈើក្រញ៉ូង បេង គគីរ ធ្នង់ ដើម្បីប្រគេនឲ្យព្រះសង្ឃដាំក្នុងបរិវេណវត្ត ហើយលោកក៏បានជួយវត្តស្រះកណ្តាល ហៅវត្តស្រះចកក្នុងការកសាងព្រះវិហារតាមការស្នើរសុំពីព្រះគ្រូចៅអធិការវត្តផងដែរ ៕