ខេត្តបន្ទាយមានជ័យ៖ កំលាំងកងរាជអាវុធហត្ថក្រុងប៉ោយប៉ែតបានចុះបង្ក្រាបគ្រឿងញៀនបានចំនួន២ករណីផ្សេងពីគ្នាឃាត់ខ្លួនបានមនុស្ស៣នាក់និងគ្រឿងញៀនមួយចំនួនធំ។ករណីទី១កើតឡើងនៅវេលាមោ៉ង២ទាបភ្លឺនៅថ្ងៃទី៦ខែសីហាឆ្នាំ២០១៥នៅត្រង់ចំណុចម្តុំខាង
ជើងអាគារថ្មី ស្ថិតនៅក្នុងភូមិអូរជ្រៅ សង្កាត់ប៉ោយប៉ែត ខេត្តបន្ទាយមានជ័យ។លោកឨបូរិន្ទបានមានប្រសាសន៍ថាជនសង្ស័យទាំង២នាក់មានឈ្មោះ១សនណេងប្រុសអាយុ៤៣ឆ្នាំរស់នៅផ្ទះជួលនៅម្តុំវត្តស្រះត្រាច ភូមិក្បាលស្ពាន១ សង្កាត់និងក្រុងប៉ោយប៉ែត ខេត្តបន្ទាយមានជ័យ ២ឈ្មោះធឿនម៉ាប់ប្រុសអាយុ១៩ឆ្នាំរស់នៅភូមិបាលិលេយ្យ១ សង្កាត់ និងក្រុងប៉ោយប៉ែត ខេត្តបន្ទាយមានជ័យ។លោកឨបូរិន្ទបាននិយាយបន្តថាមុនពេលកើតហេតុកំលាំងអាវុធហត្ថមួយក្រុមដឹកនាំដោយលោកជាដាមេបញ្ជាការក្រុងប៉ោយប៉ែតបានចុះល្បាតត្រង់ចំណុចកើតហេតុក៏ប្រទះឃើញឈ្មោះធឿនកំពុងចែកចាយគ្រឿងញៀនរួចធ្វើការឃាត់ខ្លួននិងដកហូតបានវត្ថុតាងម៉ាទឹកកកបានចំនួន៨ថង់តូចថ្លា។លុះនៅថ្ងៃទី៦កំលាំងអាវុធហត្ថក្រុងប៉ោយប៉ែតចុះបង្ក្រាបជនសង្ស័យបានម្នាក់ទៀតឈ្មោះសនណេងនិងធ្វើការដកហូតបានវត្ថុតាងម៉ាទឹកកកបានចំនួន៩ថង់តូចថ្លាជនសង្ស័យទាំង២នាក់បញ្ជូនមកកងរាជអាវុធហត្ថខេត្តដើម្បីធ្វើការសាកសួបន្ត។ចំណែកករណីទី២កើតឡើងនៅលេលាម៉ោង ១១យប់ថ្ងៃទី៦ខែសីហាឆ្នាំ២០១៥ត្រង់ចំណុចម្តុំបេនឡានផ្សារអគ្គៈ ក្នុងភូមិបាលិលេយ្យ១សង្កាត់និងក្រុងប៉ោយប៉ែត ខេត្តបន្ទាយមានជ័យ ។
ជនសង្ស័យមានឈ្មោះសួរក្រឹម ប្រុសអាយុ២០ឆ្នាំរស់នៅក្នុងភូមិអូរឬស្សីក្រោម សង្កាត់ផ្សារកណ្តាល ក្រុងប៉ោប៉ែត ខេត្តបន្ទាយមានជ័យ។លោកឨបូរន្ទបាននិយាយថាបន្ទាប់ពីបានទទួលព៌ត័មានពីមហាជនថាមានជនសង្ស័យកំពុងតែចែកគ្រឿងញៀនលោកក៏បានចាក់កំលាំងមួយក្រុមដឹកនាំដោយលោកជាដាមេបញ្ជាការក្រុងប៉ោយប៉ែតចុះឃាត់ខ្លួនជនសង្ស័យនៅកន្លែងកើតហេតុនិងបានដកហូតវត្ថុតាងថ្នាំញៀនម៉ាទឹកកកចំនួន១កូនថង់ថ្លាហើយបានបញ្ជូនមកកងរាជអាវុធហត្ថខេត្ត។នៅមុខអាវុធហត្ថជនសង្ស័យទាំង៣នាក់បានឆ្លើយសារភាពថាខ្លួនពិតជាបានទិញថ្នាំញៀនពីបុរស់ម្នាក់មិនស្គាល់ឈ្មោះយកទៅលក់បន្តពិតប្រាកដម៉ែន។លោកឨបូរិន្ទបាននិយាយបន្តទៀតថាដោយមានផស្តុតាងម៉ាទឹកកកនិងចម្លើយសារភាពរបស់ជនសង្ស័យទាំង៣នាក់ផងកំលាំងអាវុធហត្ថបានកសាងសំនុំរឿងបញ្ជូនទៅសាលាដំបូងខេត្តដាក់ទោសទៅតាមផ្លូវច្បាប់៕
