បន្ទាយមានជ័យ:៖នៅវេលាម៉ោងប្រមាណ២១យប់ថ្ងៃទី៧ ខែសីហា ឆ្នាំ២០១៥ ក្រុមចោរ៣នាក់ ប្រដាប់ដោយកាំភ្លើង AK ១ដើម បានចូលទៅវាយធ្វើបាបម្ចាស់ផ្ទះប្លន់យកម៉ូតូ ២គ្រឿង និងមាសប្រាក់មួយចំនួនរួចគេចខ្លួនដោយ សុវត្ថិភាព។ ហេតុការណ៍នេះបានកើតឡើងលើ
គ្រួសារមួយរស់នៅ ក្នុងភូមិរំដួល ឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ។
តាមការរៀបរាប់របស់ឈ្មោះថោង ចុង ភេទប្រុស អាយុ៥៤ឆ្នាំ និងប្រពន្ធឈ្មោះ ភូ រឿង អាយុ៥៤ឆ្នាំ រស់នៅភូមិឃុំ កើតហេតុខាងលើ បានអោយដឹងថាក្រុមចោរមិនស្គាល់អត្តសញ្ញាណមានគ្នាបីនាក់ប្រដាប់ដោយកាំភ្លើងAKមួយដើម បានលួចចូលមកក្នុងផ្ទះរបស់ពួកគាត់ហើយចាប់ពួកគាត់ចងនិងវាយធ្វើបាប។បន្ទាប់ពួកគេបានបើកកកាយរុះរើយកទ្រព្យសម្បត្តិអស់រួចគេចខ្លួន។ជនរងគ្រោះបានបញ្ជាក់ថាទ្រព្យដែលជនល្មើសយកទៅមាន ប្រាក់50000ម៉ឺនខ្មែរ ទូរស័ព្ទដៃ2គ្រឿង ផ្លាកដៃផ្លាកទីន2ខ្សែ ក្រវឹលផ្លាកទីន1គូ ចិញ្ជៀនផ្លាកទីន4វង់ ក្រវឹលមាស1គូទម្ងន់1ជី ម៉ូតូចំនួន2គ្រឿង 1ទ្រីមC125សេរី2013ពណ៍ខ្មៅផ្លាក លេខ ប.ជ 1H 7714 ម៉ាកវេវពណ៍ក្រហមសេរី2011គ្មានផ្លាកលេខ ។ ក្រោយធ្វើសកម្មភាពក្រុមចោរ បានជិ:ម៉ូតូទាំង2គ្រឿងនោះគេច ខ្លួនបាត់ដោយសុវត្ថិភាព។
បច្ចុប្បន្ន សមត្ថកិច្ចទាំងប៉ូលីសនិងpmកំពុងតែ ដុតដៃដុតជើងស្វែងរកចាប់ខ្លួនមុខសញ្ញាតែរហូតមកទល់ពេលនេះនៅមិនទាន់មានពន្លឺនៅឡើយ៕
