(ខេត្តកណ្តាល) អណ្តូងចិញ្ចឹមត្រីឆ្តោរាប់រយកន្លែងនៅឃុំគគីរធំស្រុកកៀនស្វាយ ខេត្តកណ្តាល ចិញ្ចឹមយ៉ាងអនាធិបតេយ្យដុះស្លែយូរឆ្នាំមកយហើយ មិនដែលឃើញមន្ត្រីជំនាញជលផលខេត្តកណ្តាល មានវិធានការទប់ស្កាត់រឺក៏ចុះបង្ក្រាប ម្តងណានោះទេ បណ្តែតបណ្តោយអោយមានការចិញ្ចឹមត្រីឆ្តោ និងបទល្មើសនេសាទយ៉ាងពេញទំហំងនៅក្នុងអាណាចក្រស្រុកកៀនស្វាយ ។ប្រជាពលរដ្ឋអ្នកចិញ្ចឹមត្រីឆ្តោនៅឃុំគគីរធំម្នាក់បានអោយដឹងថា គាត់ចិញ្ចឹមត្រីឆ្តោអស់រយះពេលជាង១០ឆ្នាំមកហើយ គាត់ស្គាល់មន្ត្រីជំនាញជលផលច្បាស់ជាងថ្ងៃទៅទៀត ដូច្នេះការចិញ្ចឹមត្រីរបស់គាត់ គ្មានអ្វីជាឧបស័គ្គឡើយ គ្រាន់តែបង់លុយជូនលោកមន្ត្រីជំនាញជលផលទៅ គឺជាការស្រាច់ ។ គាត់បន្តទៀតថា ស្រះចិញ្ចឹមត្រីឆ្តោនៅឃុំគគីរធំ គេចិញ្ចឹមរាប់ឆ្នាំមកហើយ បច្ចុប្បន្ននេះមានជាង ២០០ស្រះ ឯណោះ ហើយម្ចាស់ស្រះនីមួយៗកំពុងតែប្រើឧបករណ៍ល្មើសច្បាប់ មានស្បៃមុងរាប់ពាន់ម៉ែត្រ(ឡុក) ដើម្បីចាប់ត្រីទាំងតូចទាំងធំធ្វើជាចំណីត្រីឆ្តោ ក្នុងរដូវបិតនេសាទនេះ ។
ជាការពិតណាស់បច្ចុប្បន្ននេះ បទល្មើសនេសាទនៅស្រុកកៀនស្វាយ កើតមានយ៉ាងអនាធិបតេយ្យយូរឆ្នាំមកហើយទាំងរដូវបើក និងរដូវបិតនេសាទ ដោយឡែកមន្ត្រីជំនាញជលសង្កាត់កៀនស្វាយ និងខ័ណ្ឌរដ្ឋបាលជលផលកណ្តាលដេកលក់ស្ងាត់ឈឹង ដូចចោលួចសេះ ពិតជាត្រូវថ្នាំសណ្តំមែន ។ ទាំងនេះសរបញ្ជាក់អោយឃើញថា មន្ត្រីជំនាញជលផលគ្មានចេតនាក្នុងការបង្ក្រាបទុកអោយបទល្មើសកើតឡើងច្រើន លុយក៏កើតឡើងច្រើនផងដែរ ។
ពាក់ព័ន្ធនិងករណិស្រះចិញ្ចឹមត្រីឆ្តោ និងបទល្មើសនេសាទនៅឃុំគគីរធំស្រុកកៀនស្វាយនេះផងដែរ កម្ពុជាថ្មីព្យាយាមសូមការបំភ្លឺពីលោក ជៀង ពិសិដ្ឋ នាយសង្កាត់ជលផលកៀនស្វាយ និងលោក ឃ្លាំង វណ្ណ ធុល នាយខ័ណ្ឌរដ្ឋបាលជលផលកណ្តាល តែមិនអាចទំនាក់ទំនងបាន ។
