កំពង់ធំ= រថយន្ដយីឌុបផ្លូវ៥ដឹកឈើអោយឧញ្ញាទ្រីភាព កំពុងតែធ្វើសកម្មភាពដឹកឈើទាំងយប់ទាំងថ្ងៃ បន្ដកន្ទុយគ្នាដោយរលូន គ្មានសមត្ថកិច្ចឬកំលាំងជំនាញមេព្រៃណាម្នាក់ចុះធ្វើការឆែកឆេរហាមឃាតទាល់តែសោះ ទង្វើនេះត្រូវបានមហាជនក៏ដូចជាប្រជាពលរដ្នមន្ដ្រីរាជការមើលឃើញពីរការអនុវត្តន៍ច្បាប់សម័យបច្ចុប្បន្ន និងរឹះគន់ថាសមត្ថកិច្ចទាំងអស់ពុំហ៊ានឃាតឬឆែកឆេររកច្បាប់នោះទេព្រោះខ្លាចរអស់ស័ក្ដពីលើស្មារ តែបើចំពោះប្រជាពលរដ្នស្លូតត្រង់វិញអាឈើដឹកឈើតិចតួចគ្រាន់ដោះស្រាយជីវភាពបែរជាដេញចាប់ធ្វើបាប ថែមទាំងដាក់ខ្នោះឬផាកពិន័យយ៉ាងចាស់ដៃ ចំណែកលោកទ្រីភាពដឹកឈើរាប់រយឡាន រាប់លានម៉ែត្រគីប គ្មានឃើញសមត្ថកិច្ចណាចាប់ឬផាកពិន័យនោះទេ នេះជាអំពើអយុត្តិធម៍សំរាប់ប្រជាពលរដ្ន។
ជាក់ស្ដែងកាលពីរសៀលថ្ងៃទី០៨ ខែ សីហាឆ្នាំ២០១៥ ពេលដែលសមត្ថកិច្ចចំរុះឃាតរថយន្ដទ្រីភាពឆែករក ច្បាប់ដឹកឈើរួចឃើញថាពុំមានច្បាប់ទេពេលនោះសមត្ថកិច្ចបានរាយការណ៍ជូនលោកជូរសំអាន ស្នងការខេត្ត រួចលោកស្នងការបានរាយការណ៍ដល់អភិបាលខេត្ត ស្រាប់តែ ១ម៉ោងក្រោយមកក៏ដោះលែងរថយន្ដដឹកឈើនេះទៅវិញដោយរលូនក្នុងនោះដែរមិនដឹងថាសមត្ថកិច្ចបានរាយការណ៍ជូនព្រះរាជអាជ្ញាដែរឬអត់នោះទេ បានជាលោក អ៊ិត សុធាព្រះរាជអាជ្ញាអមសាលាដំបូងខេត្តកំពង់ធំបានប្រាប់ថាពុំមាននរណារាយការណ៍ប្រាប់លោក ហើយលោកក៏ពុំបានទទួលពត័មាននេះដែរ ក្នុងនោះប្រជាពលរដ្នមានការសង្ស័យថាការអនុវត្តន៍ច្បាប់នេះធ្វើតែចំពោះប្រជាពលរដ្នក្រីក្រស្លូតត្រង់ចំណែកអ្នកមានបុណ្យស័ក្កធំគឺពុំហ៊ាននោះទេ។
តាមការសង្កេត មើលរបស់មហាជន បានអោយដឹងថាក្រោយពីលោកឧញ្ញាទ្រីភាពបានធ្វើសន្និសិតកាសែតនិយាយផ្ទាល់មាត់ថា ឈប់កាប់ឈើ ឈប់ដឹកឈើ ហើយរថយន្ដដែលបិតឡូកូក្រុមហ៊ុនទ្រីភាពសុទ្ធតែមានច្បាប់ទាំងអស់ នោះគឺជាឡេះតែប៉ុណ្ណោះព្រោះរថយន្ដដែលបានឆែករកច្បាប់កាលពីថ្ងៃមុននិងថ្ងៃនេះ គឺគ្មានច្បាប់សូម្បីតែមួយសន្លឹក ក្រោយពីលោកទ្រីភាពបានធ្វើសន្និសេតការសែតរួចស្រាប់តែមានលេចមុខលោក សិលាប្រធានរដ្នបាល លោកឧញ្ញាឧក គឹមសាន មកតែម្ដង លោក ឧកគឹមសាន រូបនេះបានប្រើ ដៃស្ដាំ និងដៃឈ្វេង របស់ខ្លួន ដើម្បីរត់ការដឹកឈើទាំងនេះដឹកទាំងយប់ទាំងថ្ងៃយ៉ាងរលូនដោយ ផ្ដល់លាភសក្ការះដល់សមត្ថកិច្ចមួយចំនួននៅតាមដងផ្លូវរួមទាំងមេព្រៃផងដែរ ។
ក្នុងនោះតាមការអង្កេតមើល របស់សមត្ថកិច្ចឃើញថារថយន្ដដែលមានបិតឡូកូ ក្រុមហ៊ុន ឧញ្ញាកទ្រីភាពក្នុង១យប់១ថ្ងៃ មិនតិចជាង៣០គ្រឿងទេដែលដឹកជញ្ចូនឈើចេញពីខេត្តព្រះវិហារ និងខេត្តសៀមរាប សុទ្ធរថយន្ដខ្នាតធំ យីឌុប ហើយឈើទាំងនោះសុទ្ធតែជាឈើប្រណិត មាន ធ្នង់ បេង នាងនួន និងមានក្រញូងបង្កប់នៅខាងក្នុងផងដែរ៕
ប៊ុនរិទ្ធី